ESB-málið heldur áfram - fleiri rýnifundum lokið - samningaviðræður nálgast

Þó allt snúist þessa dagana um þjóðaratkvæðið um Icesave um næstu helgi, heldur ESB-málið áfram. Á vef Utanríkisráðuneytsins má lesa að tveimur rýnifundum lauk í dag og í lok mars. Á þessum fundum er löggjöf Íslands og ESB borin saman.

Í frétt frá í dag segir: "Rýnifundi um 33. kafla samningaviðræðna við Evrópusambandið, fjárhags- og framlagamál, lauk í Brussel í gær. Á fundinum, sem var sá síðari af tveimur, báru sérfræðingar Íslands og ESB saman löggjöf í þessum samningskafla. Fyrir íslenska hópnum fór Maríanna Jónasdóttir, formaður samningahópsins." Öll fréttin

Í frétt  frá 31.mars segir "Rýnifundi um 12. kafla löggjafar Evrópusambandsins, matvælaöryggi, lauk í Brussel í dag. Á fundinum, sem var hinn síðari af tveimur, báru sérfræðingar Íslands og ESB saman löggjöf í þessum samningskafla. Fyrir íslenska hópnum fór Bryndís Kjartansdóttir, formaður samningahóps um EES I málefni. Á fundinum var rætt um framkvæmd reglna hérlendis á sviði matvælaöryggis en 12. kafli er hluti af EES-samningnum og stór hluti gerða Evrópusambandsins á sviðinu eru þegar innleiddar eða verða innleiddar á næstunni.

Nokkur munur er á gildandi reglum hér á landi og innan ESB. Var þessum mun skýrt haldið til haga af fulltrúum Íslands og athyglinni sérstaklega beint að reglum um innflutning lifandi dýra og dýrasjúkdómum, í samræmi við álit utanríkismálanefndar. Einnig var sérstaklega vikið að því að margir þeir sjúkdómar sem herja á búpening erlendis, þekkjast ekki hér á landi sem m.a. helgast af ströngu eftirliti og aðgerðum sem gripið hefur verið til." Öll fréttin

Hinar eiginlegu samningaviðræður Íslands og ESB nálgast og það er vel! 

Athugasemdir

[Rafn Guðmundsson, 5.4.2011 kl. 21:20]

góðar fréttir að ekki sé búið að eyðileggja þessa vegferð

[Sleggjan og Hvellurinn, 6.4.2011 kl. 09:59]

sammála því.  höldum ótrauð áfram.