Andrea Pappin formaður írsku Evrópusamtakanna í Silfri Egils

Andrea Pappin formaður írsku Evrópusamtakanna, var gestur í Silfri Egils í dag og hér má horfa á viðtalið í heild sinni.

Hún segir meðal annars að Írar myndu ekkert græða á að losa sig við Evruna og að áhrif Íra innan ESB séu umtalsverð, þrátt fyrir að landið telji aðeins 4 milljónir.

Mjög áhugavert viðtal.

Athugasemdir

[Helga Kristjánsdóttir, 16.5.2011 kl. 00:28]

   Nýlega átti ég erindi til þjónustustjóra í banka útibúi,´sem var nýkominn frá Irlandi. Hann sagði alla þá Íra sem hann átti fundi með,öfunda okkur af að vera ekki í ESB.

[The Critic, 16.5.2011 kl. 13:52]

Helga: en hafa allir þessir sem þjónustustjórinn átti fund með áttað sig á því að við erum í EES og étum mest allt regluverkið hrátt án þess að hafa nein áhrif eða segja okkar skoðanir?

Oft á tíðum hefur hinn almenni borgari ekki hugmynd um hvað ESB snýst um og hvernig það hefur áhrif á þess daglega líf. Þú ættir kannski að horfa á viðtalið við hana Andrea Pappin. 

[Jón Valur Jensson, 16.5.2011 kl. 16:07]

Jæja, þá er næsta verkefni Egils Helgasonar að fá fulltrúa þeirra Íra, sem vilja ganga úr Esb., til að mæta í sinn silfraða þátt, gera þar grein fyrir sínum sterku rökum gegn innlimun og gefa okkur góð ráð um það, sem varast ber.

Hann hlýtur að gera þetta hann Egill, hann getur ekki verið þekktur fyrir að birta bara aðra hlið málanna. Fé Rúv - skattfé okkar - á ekki að sóa í einhliða áróður með því að við ofurseljum æðstu löggjafar- og önnur fullveldisréttindi okkar í hendur erlendu stórveldi.

Ríkisútvarpið er í eigu þjóðarinnar og á ekki að notast gegn lýðveldi hennar.

[The Critic, 16.5.2011 kl. 17:35]

Jón Valur: Hættu þessu bulli, ESB er ekki erlent stórveldi heldur samstarfsvettvangur þjóða í Evrópu. Það hefur ekkert ríki ESB afsalað sér fullveldisréttindum né æstu réttindum með því að vera í bandalagi og samstarfi með sínum nágrannaþjóðum.

Einnig spyr ég hvort það sé eðlilegt að bændasamtökin reki áróður gegn ESB? þau eru rekin af skattfé okkar.

[Jón Valur Jensson, 16.5.2011 kl. 21:17]

Smelltu á tengilinn hjá mér, nafnlausi "Critic", þá sérðu, að ný meðlimaríki Esb. afsala sér fullveldisréttindum með undirskrift ákvæða þar um í "aðildarsamningi" við Esb.

Þú telur Esb. "ekki erlent stórveldi heldur samstarfsvettvang þjóða í Evrópu," en þér sést yfir þessar staðreyndir:

1) Jacques Delors, fyrirrennari Barrosos sem forseti framkvæmdastjórnar Evrópubandalagsins 1985-1995, sá sem Jón Baldvin dáðist að sem aðalmanni bandalagsins, sagði sjálfur í viðtali við Der Spiegel í nóvember 1991: "Wir müßen Großmacht werden!" - þar á jafnvel þér að geta opinberzt stórveldisdraumur Evrópubandalagsins.

2) Ef þú trúir honum illa, má bjóða þér upp á svo sem einn Barroso? Lestu þetta, væni minn: Barroso ?forseti? talar um ?heimsveldi? sitt (empire).

3) Ennfremur geturðu séð á eftirfarandi, að Esb. er langtum meira en bara einhver "samstarfsvettvangur": "Í samþykkt [Evrópu]þingsins frá desember 1997 segir m.a.: "Löndin sem sækja um aðild verða að sýna, að þau séu trú grundvallarmarkmiðum ríkjasambands sem stefnir í átt að sambandsríki" ("federal state"). Í samþykktinni er hvatt til þess að afnema neitunarvald, minnka áhrif smáríkja og auka miðstjórnarvald.? (Ragnar Arnalds: Sjálfstæðið er sívirk auðlind [afar fróðleg bók um Esb.], s. 103.) Þessu er m.a. framfylgt í krafti Lissabon-sáttmálans. (Sbr. hér.)

Vonandi hættirðu að gera svona lítið úr Esb. framvegis. Þetta er óskabandalag stórvelda í álfunni til að ráða því, sem þau ráða vilja þar framvegis.

[Jón Valur Jensson, 16.5.2011 kl. 21:18]

Gæsalappir, sem áttu að vera í 2), hafa hér óvart eða öllu heldur af tæknigalla-ástæðum breytzt í spurningarmerki.