Tvær greinar í Fréttablaðinu: Þorsteinn og Árni Þór

Vert er að benda á tvær greinar í Fréttablaðinu um helgina; eftir Þorstein Pálsson og Árna Þór Sigurðsson.

Grein Þorsteins, en hann byrjar hana svona: "Lítið jafnvægi er í Evrópusambandsumræðunni. Aðildarandstaðan hefur skýrt markmið og lýtur sterkri pólitískri forystu sem hefur verið miklu fyrirferðarmeiri en ríkisstjórnin. Aðild er á hinn bóginn ekki markmið ríkisstjórnarinnar. Hún ber aðeins embættislega ábyrgð á að framkvæma ákvörðun Alþingis um aðildarviðræður sem samþykkt var án sameiginlegs skilnings um markmið.

Innan ríkisstjórnarinnar er aukheldur alvarlegur ágreiningur um hvernig staðið skuli að viðræðunum. Fyrir þá sök er enginn í stöðu til að taka pólitíska forystu í málinu á breiðum grundvelli. Þörfin fyrir hana er þó augljós. Þrátt fyrir þetta vill Alþingi og nærri helmingur þjóðarinnar halda viðræðunum áfram og meirihluti nei-hliðarinnar í skoðanakönnunum hefur heldur minnkað."

Grein Árna , en þar segir hann meðal annars: "ESB-aðild er umdeild hér á landi. Skoðanakannanir undanfarin ár hafa m.a. endurspeglað hversu umdeilt málið er en jafnframt leitt í ljós að afstaða þjóðarinnar breytist frá einum tíma til annars. Engu að síður hefur núverandi stefna, að ljúka aðildarviðræðum og bera niðurstöðuna undir þjóðina, átt miklu fylgi að fagna skv. könnunum. Ætti það að vera kappsmál bæði þeirra sem fyrirfram eru andsnúnir aðild að sambandinu og eins hinna sem eru aðild hliðhollir. Fyrir hinn stóra hóp þjóðarinnar sem hefur ekki gert upp hug sinn er brýnt að viðræðum verði lokið og niðurstaðan um kosti og galla liggi fyrir með óyggjandi hætti og á grunni hennar verði unnt að taka málefnalega afstöðu til málsins.

Ísland mætir til þessara viðræðna vel undirbúið og byggir þar á vandaðri vinnu fjölmargra, bæði fulltrúa ráðuneyta og stofnana en einnig og ekki síður ýmissa hagsmunaaðila sem leggja mikilvægan skerf til góðrar undirstöðu. Einnig skiptir hér máli að Ísland hefur verið þátttakandi í evrópsku samstarfi innan EES um langt árabil, notið þess ávinnings sem það býður upp á en um leið kostað því til sem samstarfinu fylgir. Aðalsamninganefnd Íslands og einstakir samningahópar eru vel skipaðir færu og samviskusömu starfsfólki sem hefur það eitt að leiðarljósi að skila góðu verki og ná sem bestri samningsniðurstöðu út frá íslenskum hagsmunum. Viðræður Íslands við ESB byggja þannig á sterkum grunni."

(Leturbreyting: ES-blogg)

Bendum einnig á frétt Eyjunnar sem tengist Þorsteini.

Athugasemdir

[Jón Valur Jensson, 3.7.2011 kl. 23:24]

Ekki er Þorsteinn nákvæmur. Í Gallup-könnuninni sem gerð var 16. til 23. júní sl. sögðust ...

51,0 prósent hlynnt því að ESB-umsóknin yrði dregin til baka.

10,5 prósent sögðust hvorki hlynnt né andvíg.

38,5 prósent sögðust andvíg því að umsóknin yrði dregin til baka.

Um þessar staðreyndir þagði Össur vitaskuld úti í Brussel um daginn, þótt hann viki að þessari skoðanakönnun! Hann er ekki málsvari Íslendinga og hefur ekkert umboð frá þjóðinni til sinnar aumlegu umsóknar.

grein Árna Þórs Sigurpssonar, sem þið dáizt að, er merkilegt dæmi um það, hvernig hann er gersamlega hættur að minnast á stefnu VG gagnvart ESB, þ.e. andstöðuna við "aðild". Í grein minni Tómas Ingi Olrich og 10 ESB-milljóna maðurinn: ólíkt hafast þeir að! tek ég Árna Þór á beinið fyrir þetta.

[Þorsteinn Briem, 3.7.2011 kl. 23:30]

27.10.2008:

Sjötíu prósent Íslendinga vilja aðild Íslands að Evrópusambandinu og upptöku evru hérlendis

[Þorsteinn Briem, 3.7.2011 kl. 23:33]

SAMSTARFSYFIRLÝSING ríkisstjórnar Samfylkingar og Vinstri grænna:

"ÁKVÖRÐUN UM AÐILD Íslands að Evrópusambandinu verði í höndum íslensku þjóðarinnar sem mun greiða atkvæði UM SAMNING í  þjóðaratkvæðagreiðslu AÐ LOKNUM AÐILDARVIÐRÆÐUM.

Utanríkisráðherra mun leggja fram á  Alþingi tillögu um AÐILDARUMSÓKN að Evrópusambandinu á vorþingi.

Stuðningur stjórnvalda við SAMNINGINN þegar hann liggur fyrir er háður ýmsum fyrirvörum um niðurstöðuna út frá hagsmunum Íslendinga í sjávarútvegs-, landbúnaðar-, byggða- og gjaldmiðilsmálum, í umhverfis- og auðlindamálum og um almannaþjónustu.

Víðtækt samráð verður á vettvangi Alþingis og við hagsmunaaðila um samningsmarkmið og umræðugrundvöll viðræðnanna.

FLOKKARNIR eru SAMMÁLA um að virða ólíkar áherslur hvors um sig gagnvart aðild að Evrópusambandinu og rétt þeirra til málflutnings og baráttu úti í samfélaginu í samræmi við afstöðu sína og hafa fyrirvara um samningsniðurstöðuna líkt og var í Noregi á sínum tíma."

Samstarfsyfirlýsing ríkisstjórnarinnar

[Jón Valur Jensson, 4.7.2011 kl. 00:10]

Innlegg Steina kl. 23:30 minnir á næstum eldgamla afstöðu fólks í skoðanakönnun, þegar bankakreppan var nýskollin á og menn voru yfir sig skelfdir, héldu að ríkið væri að fara á hausinn. En nú vilja 57% þeirra, sem taka afstöðu, láta afturkalla umsókn Össurarteymisins um inngöngu (innlimun) í ESB.

[Þorsteinn Briem, 4.7.2011 kl. 00:26]

"Á Íslandi veitti Alþingi stjórnvöldum heimild til að staðfesta EES-samninginn með því að samþykkja lög um Evrópska efnahagssvæðið nr. 2/1993 12. janúar 1993."

Fyrsta ráðuneyti Davíðs Oddssonar 30. apríl 1991 - 23. apríl 1995

Kvartanir sendist því Davíð Oddssyni, nú á jötu sægreifanna úti í Móa.

[Elle_, 4.7.2011 kl. 00:57]

Hví eru þessi Evrópusamtök endalaust að tala um ´samninga´ og ´viðræður´ við EU-miðstýringarbáknið?  Maður gerir ekki ´samning´ og fer ekki í ´viðræður´ við þann sem á endanum ræður.  Það er þýðingarlaust og heitir að aðlaga sig þeim sem á endanum ræður. 

[Þorsteinn Briem, 4.7.2011 kl. 01:41]

Hver og einn Íslendingur með kosningarétt hefur eitt atkvæði í þjóðaratkvæðagreiðslu um aðild Íslands að Evrópusambandinu þegar samningur um aðildina liggur fyrir.

Engin þjóðaratkvæðagreiðsla var hér um aðild Íslands að Atlantshafsbandalaginu (NATO) eða Evrópska efnahagssvæðinu (EES).

Sjálfstæðisflokkurinn var einnig við völd þegar Alþingi samþykkti aðild Íslands að Atlantshafsbandalaginu.

"30. mars 1949 var samþykkt þingsályktunartillaga um inngöngu Íslands í Atlantshafsbandalagið."

"21. mars lýsti ríksstjórn Stefáns Jóhanns Stefánssonar því yfir að hún væri reiðubúin að gera Ísland að einu stofnríki hins nýja bandlags sem formlega átti að stofna 4. apríl sama ár."

"Kjarni Atlantshafsbandalagsins er 5. grein stofnsáttmálans þar sem því er lýst yfir að árás á eitt bandalagsríki í Evrópu eða Norður-Ameríku jafngildi árás á þau öll.

Sú grein var hugsuð til að gera Sovétríkjunum það ljóst að innrás í Vestur-Evrópu jafngilti stríðsyfirlýsingu við Bandaríkin og allan hernaðarmátt þeirra.

Á móti stofnuðu Sovétríkin ásamt leppríkjum sínum í Austur-Evrópu Varsjárbandalagið.

Innrás Sovétmanna varð þó aldrei að veruleika og 5. greinin hefur aðeins verið notuð einu sinni en það var 12. september 2001 eftir hryðjuverkaárás á Bandaríkin."

[Þorsteinn Briem, 4.7.2011 kl. 02:43]

Í skoðanakönnun í apríl 2008 voru TVEIR ÞRIÐJU Íslendinga FYLGJANDI því að UNDIRBÚA UMSÓKN Íslands um aðild að Evrópusambandinu.

Og í skoðanakönnun í febrúar 2008 voru 55% Íslendinga FYLGJANDI því að SÆKJA UM AÐILD Íslands að Evrópusambandinu.

Tveir þriðju Íslendinga vilja hefja undirbúning umsóknar Íslands um aðild að Evrópusambandinu

[Elle_, 4.7.2011 kl. 11:01]

Stærri hluti þjóðarinnar vill ekki ´samning´ við Evrópusambandið og stærri hluti þjóðarinnar vill ekki hinar svokölluðu ´viðræður´ um ekki neitt nema miðstýringu og yfirstjórn okkar. 

[Þorsteinn Briem, 4.7.2011 kl. 14:01]

Davíð Oddsson þáverandi forsætisráðherra 6. febrúar 2004 - Aldarafmæli þingræðis á Íslandi:

"Þingræðið er ekki varið beinum ákvæðum í stjórnarskrá og hefur aldrei verið.

Á hinn bóginn er óumdeilt að sú hefur alltaf verið ætlan manna að hér ríkti þingræði, – eins og aðdragandinn að heimastjórninni og skipun fyrsta ráðherrans ber með sér, – og víst er að þeir stjórnarhættir hafa fyrir löngu öðlast venjuhelgaðan sess, sem í raun skapa þeim stjórnarskrárvarða stöðu.

En með því að inntak þessa stjórnlagahugtaks er hvergi skilgreint lögum, þeim mun meiri er ábyrgð þeirra sem að framkvæmd þess koma."

Frá 1944 til 2004, Í SEXTÍU ÁR, var hér ENGIN þjóðaratkvæðagreiðsla, ekki einu sinni um aðild Íslands að Atlantshafsbandalaginu (NATO) eða Evrópska efnahagssvæðinu, og af þessum sextíu árum var Sjálfstæðisflokkurinn VIÐ VÖLD Í HÁLFA ÖLD.

Ríkisstjórnatal

Davíð Oddsson, þáverandi forsætisráðherra, 17. maí 2004 um að forseti Íslands synji að staðfesta fjölmiðlalögin, sem hann svo gerði 2. júní 2004:

"Forseti [Íslands] blandar sér varla í löggjafarmál persónulega, þó að hann kunni að vera höfundi þessarar greinar ósammála um vald sitt skv. 26. gr. stjórnarskrárinnar.

Það sem gerðist 13. janúar 1993 [yfirlýsing Vigdísar Finnbogadóttur forseta Íslands um að hún myndi ekki ganga gegn þeirri ákvörðun sem lýðræðislega kjörið Alþingi hefði löglega tekið] sýnir ríka tilfinningu fyrir samspili æðstu handhafa ríkisvaldsins og þeirri virðingarskyldu sem á þeim hvílir innbyrðis."

(Þór Vilhjálmsson, Afmælisrit Gaukur Jörundsson sextugur 24. september 1994, bls. 635–636.)"

Lög um Evrópska efnahagssvæðið 13. janúar 1993 nr. 2/1993

"Af framansögðu má sjá, að fjarri fer því að hægt sé að ganga að einni augljósri túlkun á synjunarvaldi forseta og lagaóvissa mikil. En af því hafa menn ekki haft áhyggjur vegna þess að fáir hafa talið að nokkurn tíma myndi á það reyna.

Mín sjónarmið, sem m.a. komu fram í svari við spurningu fréttamannsins, lutu ekki að því, hvaða skýringarkostur á synjunarvaldinu væri réttastur. Enda vefst sú niðurstaða töluvert fyrir mér lærðari mönnum í fræðunum, eins og að framan greinir.

Á hinn bóginn vill svo til, að í því tilviki, sem nú er helst rætt um, er staðan augljósari en í flestum öðrum tilvikum.

Ef sá skýringarkostur er réttur, að forsetinn hafi ekki synjunarvaldið, eins og rökstutt hefur verið, er vandamálið úr sögunni.

Ef sá skýringarkostur er á hinn bóginn réttur að persónulegt vald sé til staðar skv. 26. gr. og þau atriði sem dr. Bjarni Benediktsson og Ólafur Jóhannesson telja að stæðu gegn beitingu þess, yrðu ekki heldur talin gild, þá hljóta alvarlegar spurningar um vanhæfi forsetans í hinu umrædda tilviki að vakna."

[Elle_, 4.7.2011 kl. 19:28]

Það á að draga samfylkingar-þvingunar-umsóknina til baka strax og hætta að eyða peningunum okkar í vitleysu. 

[Þorsteinn Briem, 4.7.2011 kl. 20:45]

Fyrir síðustu alþingiskosningar voru 38% VINSTRI GRÆNNA HLYNNT AÐILD Íslands að Evrópusambandinu og 56% HLYNNT VIÐRÆÐUM UM AÐILD að sambandinu.

Viðhorf Íslendinga til Evrópusambandsins fyrir síðustu alþingiskosningar

Hér á Íslandi er þingræði og engin tilviljun að þingkosningar eru yfirleitt á fjögurra ára fresti, bæði hérlendis og erlendis.

MEIRIHLUTI ALÞINGIS VILL að hér verði þjóðaratkvæðagreiðsla um aðild Íslands að Evrópusambandinu þegar samningur um aðildina liggur fyrir.

"48. gr. Alþingismenn eru eingöngu bundnir við sannfæringu sína og eigi við neinar reglur frá kjósendum sínum."

Stjórnarskrá Íslands

Ríkjum er ekki stjórnað samkvæmt skoðanakönnunum frá einum mánuði til þess næsta.

Ef svo væri þyrfti engar þingkosningar eða þjóðaratkvæðagreiðslur. Einungis mánaðarlegar skoðanakannanir og ríkinu stjórnað samkvæmt þeim, sama hversu áreiðanlegar þær væru hverju sinni.

Ekkert þing væri því í ríkinu, einungis kóngur sem stjórnaði með skoðanakönnunum Gallup.

[Jón Valur Jensson, 4.7.2011 kl. 22:58]

Steini, Samfylkingarliðið / Össurarteymið ásamt VG-þingmönnum (ekki öllum) FELLDI í júlí 2009 tillögu um að hafa þjóðaratkvæðagreiðslu um umsókn sína um "aðild" að ESB.

Neitaðu ekki þeirri staðreynd.

Neitaðu ekki heldur hinni, að þau FELLDU tillögu um að hafa loka-þjóðaratkvæðagreiðslu um aðildarsamning BINDANDI.

Og neitaðu því ekki, að VG gekk til kosninganna 2009 með það á stefnuskrá, að það væri andstætt hagsmunum Íslands að ganga í ESB.

Neitaðu því ekki, að kvöldið fyrir kjördag minnti Steingrímur á þessa VG-andstöðu við ESB-inntöku.

Þannig vissu kjósendur VG -- eða öllu heldur: töldu sig vita -- hver stefna flokksins væri í þessum málum.

Svo er hlægilegt, að kl. 02:43 ertu að vitna hér í eldgamla, úr sér gengna skoðanakönnun. Ég held að fleiri en ég hljóti að vorkenna þér.

[Þorsteinn Briem, 4.7.2011 kl. 23:31]

"Þingsályktun

um aðildarumsókn að Evrópusambandinu.

Alþingi ályktar að fela ríkisstjórninni að leggja inn umsókn um aðild Íslands að ESB og að loknum viðræðum við sambandið verði haldin þjóðaratkvæðagreiðsla um væntanlegan aðildarsamning. Við undirbúning viðræðna og skipulag þeirra skal ríkisstjórnin fylgja þeim sjónarmiðum um verklag og meginhagsmuni sem fram koma í áliti meiri hluta utanríkismálanefndar."

Nefndarálit meirihluta utanríkismálanefndar

Þingmenn í Samfylkingunni, Vinstri grænum, Framsóknarflokknum og Sjálfstæðisflokknum, ítem Þráinn Bertelsson, greiddu atkvæði með umsókn Íslands um aðild að Evrópusambandinu.

Samþykkt á Alþingi 16. júlí 2009: 33 þingmenn sögðu já en 28 nei og 2 greiddu ekki atkvæði."

[Þorsteinn Briem, 4.7.2011 kl. 23:36]

Þingmenn framsóknarmanna sem greiddu atkvæði MEÐ þingsályktun um aðildarumsókn að Evrópusambandinu:

Birkir Jón Jónsson, Guðmundur Steingrímsson og Siv Friðleifsdóttir.

Þingmenn vinstri grænna sem greiddu atkvæði MEÐ aðildarumsókninni:

Álfheiður Ingadóttir, Árni Þór Sigurðsson, Bjarkey Gunnarsdóttir (varamaður Björns Vals Gíslasonar), Katrín Jakobsdóttir, Lilja Mósesdóttir, Steingrímur J. Sigfússon, Svandís Svavarsdóttir og Ögmundur Jónasson.

Einnig greiddu atkvæði MEÐ aðildarumsókninni, auk allra þingmanna Samfylkingarinnar, sjálfstæðismaðurinn Ragnheiður Ríkharðsdóttir og Þráinn Bertelsson, þá utan þingflokka.

Sátu hjá:

Guðfríður Lilja Grétarsdóttir og Þorgerður Katrín Gunnarsdóttir.

Og Sjálfstæðisflokkurinn TAPAÐI NÍU ÞINGMÖNNUM í síðustu alþingiskosningum.

[Þorsteinn Briem, 4.7.2011 kl. 23:37]

SKOÐANAKANNANIR.

"24. October 2005

Least corruption in Iceland

Iceland ranks #1 of 159 countries included in the Transparency International Corruption Perceptions Index 2005. Iceland's CPI 2005 score of 9.7 and CPI 2004 score of 9.5 is the top score overall."

News - Least corruption in Iceland

[Þorsteinn Briem, 4.7.2011 kl. 23:38]

SKOÐANAKANNANIR OG KOSNINGAR.

Fylgi flokkanna samkvæmt skoðanakönnun Capacent Gallup vikuna 25.-31. mars 2009, einungis 24-30 dögum fyrir alþingiskosningarnar 25. apríl 2009:

Samfylkingin 29,4% en fékk 29,8% í alþingiskosningunum,

Vinstrihreyfingin - grænt framboð 27,7% en fékk 21,7% í alþingiskosningunum,

Sjálfstæðisflokkurinn 25,4 en fékk 23,7% í alþingiskosningunum,

Framsóknarflokkurinn 10,7% en fékk 14,8% í alþingiskosningunum,

Borgarahreyfingin 3% en fékk 7,2% í alþingiskosningunum,

Frjálslyndi flokkurinn 1,4% en fékk 2,2% í alþingiskosningunum.

Kosningar til Alþingis 25.4.2009

Capacent Gallup 8.4.2009: Lítil breyting á fylgi flokkanna í mars

[Þorsteinn Briem, 4.7.2011 kl. 23:43]

Í alþingiskosningunum 25. apríl 2009 fengu Vinstri grænir um 20% færri atkvæði í kosningunum en skoðanakönnun Capacent Gallup á fylgi flokkanna sýndi í sama mánuði og kosningarnar voru haldnar.

Framsóknarflokkurinn fékk hins vegar um 40% fleiri atkvæði í kosningunum og Borgarahreyfingin um 140% fleiri atkvæði en skoðanakönnunin sýndi.

Kosningar til Alþingis 25.4.2009

Capacent Gallup 8.4.2009: Lítil breyting á fylgi flokkanna í mars

[Elle_, 4.7.2011 kl. 23:48]

Ríkjum er ekki stjórnað samkvæmt skoðanakönnunum frá einum mánuði til þess næsta.

Ef svo væri þyrfti engar þingkosningar eða þjóðaratkvæðagreiðslur. Einungis mánaðarlegar skoðanakannanir og ríkinu stjórnað samkvæmt þeim, sama hversu áreiðanlegar þær væru hverju sinni.

Ekkert þing væri því í ríkinu, einungis kóngur sem stjórnaði með skoðanakönnunum Gallup.
Steini Briem, 4.7.2011

JÓHANNA ER EINS OG EINRÆÐISHERRA EÐA KONUNGUR HVAÐ SEM GALLUP LÍÐUR. 

[Þorsteinn Briem, 4.7.2011 kl. 23:50]

Úr kosningastefnuskrá Framsóknarflokksins fyrir síðustu alþingiskosningar:

"Við viljum að Ísland hefji aðildarviðræður við Evrópusambandið á grundvelli samningsumboðs frá Alþingi sem tryggi hagsmuni almennings og atvinnulífs og þá sérstaklega sjávarútvegs og landbúnaðar, líkt og kveðið er á um í skilyrðum síðasta flokksþings framsóknarmanna.

Viðræðuferlið á að vera opið og lýðræðislegt og leiði viðræðurnar til samnings skal íslenska þjóðin taka afstöðu til aðildarsamnings í þjóðaratkvæðagreiðslu í kjölfar upplýstrar umræðu."

Kosningastefnuskrá Framsóknarflokksins fyrir síðustu alþingiskosningar, sjá bls. 4

[Þorsteinn Briem, 4.7.2011 kl. 23:54]

Nefndarálit meirihluta utanríkismálanefndar Alþingis um aðild Íslands að Evrópusambandinu:

"Undirritun aðildarsamnings með fyrirvara um staðfestingu.

Skýrsla utanríkisráðherra til Alþingis um samningsniðurstöðuna.

Ráðgefandi þjóðaratkvæðagreiðsla um aðildarsamninginn.

Ef niðurstaða þjóðaratkvæðagreiðslunnar er jákvæð kynnir utanríkisráðherra þingsályktunartillögu um staðfestingu aðildarsamningsins í ríkisstjórn og leggur fyrir Alþingi að fengnu samþykki stjórnarþingflokka og forseta Íslands.

Alþingi samþykkir samkvæmt 21. grein stjórnarskrárinnar að samningurinn verði staðfestur af Íslands hálfu, með fyrirvara um nauðsynlegar stjórnarskrárbreytingar.

Tillaga um stjórnarskrárbreytingar lögð fyrir Alþingi samkvæmt 79. grein stjórnarskrárinnar. Ef tillagan er samþykkt er þing rofið og boðað til kosninga.

Samþykki nýkjörið Alþingi ályktunina um stjórnarskrárbreytingar óbreytta skal hún staðfest af forseta Íslands og er hún þá gild stjórnskipunarlög."

[Þorsteinn Briem, 5.7.2011 kl. 00:02]

Katrín Jakobsdóttir, varaformaður Vinstri grænna, 21. apríl 2009, þremur dögum fyrir síðustu alþingiskosningar:

"Gallar við tvöföldu leiðina.

"Við höfum talað fyrir því að þetta mál [aðild Íslands að Evrópusambandinu] þurfi að leysa á lýðræðislegan hátt með þjóðaratkvæðagreiðslu meðal íslensku þjóðarinnar, því það er ljóst að skiptar skoðanir eru um þetta mál," sagði Katrín.

"Við höfum rætt auðvitað ýmsar leiðir, bæði tvöfalda og einfalda. Ekki tekið sérstaka afstöðu til þess en lykilatriði er að þetta verði afgreitt á lýðræðislegan hátt. Það eru ákveðnir gallar á þessari tvöföldu aðferð," sagði Katrín."

Katrín Jakobsdóttir - Leysa þarf málið með þjóðaratkvæðagreiðslu og gallar eru á tvöföldu aðferðinni

[Elle_, 5.7.2011 kl. 00:04]

Gallup: 76,3 % vildu þjóðaratkvæði, júní, 09.

En konungur Íslands leyfði okkur það ekki.  Felldar voru tillögur um það á þeim kolsvarta degi 16. júlí, 09.  Líka um að lokaniðurstaðan yrði bindandi.  LÝÐRÆÐI JÓHÖNNU.  

[Jón Valur Jensson, 5.7.2011 kl. 00:07]

Þetta eru ýmist EKKI eða ÓBEIN svör við innleggi mínu í kvöld, Steini. Þú nennir aldrei að vera í UMRÆÐU, díalóg, heldur byrjar alltaf að copy-pasta eitthvert tilbúið efni, oft eins og þruma úr heiðskíru lofti, jafnvel samherja þínum JFrJ blöskrar það á nýlegri vefslóð hér, og er þá mikið sagt.

Upptalning þín á afgreiðslu málsins á þingi og afstöðu einstakra þingmanna sýnir einungis FREKLEG KOSNINGASVIK MARGRA ÞEIRRA.

Þú ert staurblindur á staðreyndir, ef þú sérð þetta ekki.

Ég bjóst svo sem ekki við miklu ...

[Þorsteinn Briem, 5.7.2011 kl. 00:43]

Halla Gunnarsdóttir, sem var aðstoðarmaður Ögmundar Jónassonar, þáverandi heilbrigðisráðherra, þegar Alþingi samþykkti 16. júlí 2009 þingsályktun um aðildarumsókn að Evrópusambandinu:

"Í Morgunblaðinu í dag kemur fram að mörgum framsóknarmönnum sé heitt í hamsi vegna afstöðu Guðmundar Steingrímssonar í Evrópusambandsmálinu en hann hyggst greiða atkvæði með tillögu ríkisstjórnarinnar um að gengið verði til aðildarviðræðna við bandalagið.

Framsóknarflokkurinn hefur farið nokkra hringi í þessu máli, eins og stundum vill verða í þeim ágæta flokki.

Hvað sem því líður virðist afstaða Guðmundar og Sivjar Friðleifsdóttur vera mun meira í takti við niðurstöðu flokksþings Framsóknar en afstaða annarra þingmanna flokksins, sem ætla sér að greiða atkvæði með tillögu Sjálfstæðisflokks um tvöfalda atkvæðagreiðslu.

Vilji flokksþings Framsóknar var skýr

Það vill svo til að ég sat flokksþing Framsóknar í janúar síðastliðnum sem blaðamaður Morgunblaðsins. [...]

Eftir langa umræðu voru greidd atkvæði um ályktun sem lá fyrir fundinum og hún var samþykkt. Í ályktuninni er skýrt að sækja eigi um aðild að Evrópusambandinu með umboði frá Alþingi. Hvergi er minnst á tvöfalda atkvæðagreiðslu."

"Tvöfalda leiðin var lítið rædd

Ég minnist þess ekki að í löngum og fræðandi umræðum á flokksþingi Framsóknar hafi nokkur þeirra þingmanna, sem nú vilja greiða atkvæði með Sjálfstæðismönnum, komið í pontu og lagt til að fremur yrði farin leið tvöfaldrar atkvæðagreiðslu. Misminni mig skal ég gjarnan leiðrétta það.

Sjálfstæðisflokkurinn samþykkti hins vegar tvöföldu atkvæðagreiðsluleiðina á sínum landsfundi og stendur fast við þá afstöðu.

Landsfundur Vinstri grænna tók ekki afstöðu til þess hvort leiða ætti málið til lykta í einni eða tveimur þjóðaratkvæðagreiðslum, heldur var einungis lögð á það þung áhersla að þjóðin hefði úrslitavald.

Þess vegna kemur ekki á óvart að þingmenn VG greiði sumir atkvæði með tvöföldu leiðinni en aðrir með tillögu ríkisstjórnarinnar um þjóðaratkvæðagreiðslu á grundvelli fyrirliggjandi samnings, þegar þar að kemur.

Persónulega tel ég að það skipti ekki höfuðmáli hvort haldin verði ein eða tvær atkvæðagreiðslur. Hins vegar er þetta mál þannig að kominn er tími til að leiða það til lykta á lýðræðislegan hátt. Fyrsta skrefið á þeirri vegferð verður stigið þegar þingmenn ganga til atkvæða á Alþingi í dag."

Virðum ólíkar skoðanir gagnvart ESB