Þórólfur um lambakjöt og málefni bænda

Dr. Þórolfur Matthíasson var gestur í Morgunútvarpi og ræddi þar lambakjötsmál og málefni bænda. Þetta vegna þeirrar staðreyndar að bændur flytja út lambakjöt, en á móti er alls ekki flutt inn lambakjöt (eða annað kjöt) en samkvæmt kynningu á Rás tvö er skortur á lambakjöti. Viðtalið er hér.

Bendum einnig á hvassa grein Þórólfs um málið í Fréttablaðinu. Málið er einnig tekið fyrir í leiðara FRBL.

Athugasemdir

[Hrafn Arnarson (IP-tala skráð) 4.8.2011 kl. 22:01]

Gagnrýnin umræða um málefni bænda er af hinu góða. Völd og áhrif bændaforystunnar eru ekki í neinu samræmi við efnahagslegt mikilvægi og stöðu í þjóðarbúinu. Grein Þórólfs er þarft innlegg í umræðu sem einkennist alltof mikið af þjóðernisrembingi og ótta við opin viðskipti milli ríkja.

[Þorsteinn Briem, 5.8.2011 kl. 18:01]

Örn Ægir Reynisson,

LANGT frá því að Evrópusambandið og evran séu að hruni komin, elsku kallinn minn.

Frá áramótum hefur gengi evrunnar HÆKKAÐ gagnvart Bandaríkjadal um 6,53% og íslensku krónunni um 7,02%.

Frá því evruseðlar voru settir í umferð í ársbyrjun 2002 hefur gengi evrunnar HÆKKAÐ gagnvart Bandaríkjadal um 57,12% og frá ársbyrjun 2006 hefur gengi evrunnar gagnvart íslensku krónunni HÆKKAÐ um 120,11%.

Samfylkingin neyddi sem sagt Icesave upp á íslensku þjóðina?!

"Í desember 2008 [þegar Geir H. Haarde var forsætisráðherra] samþykkti Alþingi þingsályktun um að fela ríkisstjórninni að leiða til lykta samninga varðandi ábyrgð ríkissjóðs á innstæðutryggingum vegna innstæðna í útibúum íslenskra viðskiptabanka á Evrópska efnahagssvæðinu."

Voru bankastjórar og bankaráðsmenn Landsbankans allir í Samfylkingunni?!

"Icesave var vörumerki innlánsreikninga á Netinu í eigu Landsbankans sem starfaði á Bretlandi og í Hollandi."

"Lykilstjórnendur í Landsbankanum á því tímabili sem Icesave varð að veruleika voru þeir Sigurjón Þ. Árnason og Halldór J. Kristjánsson.

Í bankaráði sátu Björgólfur Guðmundsson, Kjartan Gunnarsson, Þór Kristjánsson, Þorgeir Baldursson, forstjóri Odda og einn af eigendum Þórsmarkar ehf. (sem er eigandi Árvakurs sem gefur út Morgunblaðið) og Guðbjörg Matthíasdóttir, afhafnakona í Vestmannaeyjum."

Davíð Oddsson, þáverandi seðlabankastjóri, ræddi við fréttamanninn Faisal Islam á bresku sjónvarpsstöðinni Channel 4 í febrúar 2008 og sagði:

"Innstæður eru öruggar aðallega í Landsbankanum. Landsbankinn var stofnaður fyrir 120 árum. Hann er virtur og gengur vel hér á landi og annars staðar.

Ég myndi ekki segja annað en að það væri góð ákvörðun að nýta sér þá möguleika að leggja sparifé sitt inn í Landsbankann."

Davíð sagði að farsælla hafi þótt að afla fjár hjá venjulegum innstæðueigendum en á markaði.

"Ég held að íslenskir bankar hafi áttað sig á því fyrir tveimur árum að þeir ættu að fara þá leið, frekar en að endurfjármagna sig á markaði.

Það var eðlilegra að gera slíkt með innlánum og það hefur gengið vel. Ég held að við ættum að hrósa þeim fyrir það en ekki refsa þeim."