Össur um "eistneska kúrinn" í FRBL

Við endurbirtum þessa færslu, með þeirri von að notendur þessa bloggs geti hagað sér eins og menn í athugasemdakerfinu!

 

Össur Skarphéðinsson utanríkisráðherra skrifar góða grein í Fréttablaðið í dag um aðild Eistlands að ESB, en landið fékk aðild árið 2004. Össur skrifar:

"Breytingarnar í Eistlandi á síðustu 20 árum eru nánast kraftaverk“ sagði Carl Bildt, hinn annars orðvari utanríkisráðherra Svíþjóðar, í pallborðsumræðum sem við tókum þátt í fyrir skemmstu í Tallinn. Niðurstaða Eistanna sjálfra var að Evrópusambandið hefði ráðið úrslitum um efnahagslega endurreisn landsins.

Eftir upptöku evrunnar nam hagvöxtur 8% á fyrsta ársfjórðungi þessa árs. Útflutningur jókst í maí um 53% milli ára (maí til maí) og atvinnuleysi er á niðurleið eftir dýfuna 2008. Erlendar fjárfestingar hafa streymt inn í landið og nema nú 80% af landsframleiðslu. Skuldir Eistlands eru þær lægstu í Evrópu og eru aðeins 6% af VLF.

Ungt fólk sem áður sá framtíð sína utan Eistlands festir nú rætur heima fyrir. Skapandi greinar og listir eru á fleygiferð samhliða iðnaði og öðrum hefðbundnum atvinnugreinum. Alþjóðleg stórfyrirtæki á borð við Skype hafa flutt höfuðstöðvar sínar til Tallinn – og þau eru ekki á förum. Eistlandi hefur tekist að byggja upp þróttmikið, fjölbreytt og nútímalegt atvinnulíf. Eistar eru stoltir af sínu þjóðerni og þeir eru stoltir af því að tilheyra Evrópu."

Össur lýkur svo grein sinni með þessum orðum: "Af hverju er ég að segja frá þessu? Jú, Eistland er lítil þjóð eins og við Íslendingar. Þeir, eins og svo margir aðrir, lentu vissulega í efnahagshremmingum árið 2008. En eistneska leiðin – aðild að ESB og upptaka evrunnar ásamt sterkri áherslu þeirra í samvinnu við Evrópusambandið á nýsköpun, fjárfestingar og fjölbreytt atvinnulíf sýnir að það er hægt að ná miklum árangri með réttri stefnu. Þetta er eistneski kúrinn."

Athugasemdir

[Stefán Júlíusson (IP-tala skráð) 4.9.2011 kl. 14:07]

Þetta var góð hugmynd hjá ykkur.

Það var góð leið hjá þeim að opna landið.  Líklega gætu öll lönd Austur-Evrópu notað sömu rök og Ísland ef þau væru með haftakerfi eins og Ísland er með í dag.  Það kerfi kemur í veg fyrir erlendar fjárfestingar.

Kanski ættu íslensk stjórnvöld ennig að fara eistnesku leiðina.  

[Þorsteinn Briem, 4.9.2011 kl. 14:48]

Eistneska krónan var fyrst bundin við gengi þýska marksins.

[Þorsteinn Briem, 4.9.2011 kl. 14:50]

"The Estonian kroon has been pegged first to the Deutsche Mark and later to the euro during the entire circulation period.

Due to the fixed exchange rate and the peg to the euro, we are almost members of the euro area, except that our banknotes are different.

Thus, the changeover from the kroon to the euro will not bring along any major economic changes, whereas transaction costs will decrease and the possible risks endangering the kroon as a small currency with fixed exchange rate will disappear.

Estonia's accession to the Economic and Monetary Union is the best and most reliable way of ensuring the stability and low inflation level of the currency in circulation.

In addition:

     - it will be easier to compare prices across euro area countries;

     - risks related to the exchange rate will be minimized;

     - the risk of sudden increases in interest rates will be smaller;

     - transaction costs will decrease."

Estonia will change over to the euro

[Sleggjan og Hvellurinn, 4.9.2011 kl. 18:50]

Við erum núna að dragast aftur úr Eistlandi.

Það boðar ekki gott.

En aldrei of seint til þess að breyta því

[Stefán Júlíusson (IP-tala skráð) 4.9.2011 kl. 19:02]

Ég held að Eistar hafi staðið sig ansi vel.  Þeir voru einnig heppnir að hafa Finna og Svía nálægt sér.  Hlutfall þeirrar fjárfstingar er yfir 23% af allri erlendri fjárfestingu í landinu.  Hlutfall sænskrar fjárfestingar er 46%.