Nei-sinnar í hoppandi fýlu! Ásaka Fréttablaðið um að falsa könnun!

Samtök Nei-sinna eru hoppandi fúl yfir könnun Fréttablaðsins, sem birt var í dag og sýnir að tveir þriðju þeirra sem svöruðu (svarhlutfall var um 80%) vilja halda aðildarviðræðum við ESB áfram og fá að kjósa um málið.

Nei-sinna ásaka Fréttablaðið um að falsa veruleikann, sem er mjög alvarleg ásökun.

Er þetta það eina sam Nei-sinnar geta gert, að bera ásakanir um lygar á Fréttablaðið? Bara af því að útkoman er ekki Nei-sinnum í hag?

Hjá Nei-sinnum er það fyrirferðarmikil hugmynd að leyfa landsmönnum EKKI að KJÓSA um aðildarsamning.

Lýðræðisást þeirra er heit - eða hitt þó heldur!

Athugasemdir

[Árni Gunnarsson, 12.9.2011 kl. 22:41]

Undarlega er þessi könnun mikið á skjön við aðrar kannanir. Og undarlegt er það með svo mikilvægt málefni sem þessi umsókn er í augum ykkar aðildarsinna að ekki þótti tækt að segja þjóðinni satt í upphafi.

Mestur hluti þjóðarinnar var látinn trúa því að þessi umsókn væri ámóta og að fá að laumast undir jólatréð og kíkja í pakkanna.

Í reynd er þetta fullgild umsókn með aðlögun.

Mikil er sú vesöld að þurfa að ljúga að eigin þjóð um utanríkismál sem Alþingi er að afgreiða.

Mikið segir það um málstaðinn og þá sem að baki honum standa.

[Stefán Júlíusson (IP-tala skráð) 13.9.2011 kl. 05:31]

Ef við berum spurningar þessara kannana saman er hægt að segja að þær séu ekki samanburðarhæfar.

Það sem Fréttablaðið spyr er hvort hætta eigi við aðildaumsókn eða gera það sem Alþingi samþykkti.

Realpólitík og þeir kostir sem í raun eru í stöðunni.