Andri Óttarsson um Sjálfstæðisflokkinn og Evrópumálin

Fleiri en Guðmundur Andri Thorsson eru að velta fyrir sér komandiu landsfundi hjá Sjálfstæðisflokknum. Það gerir líka fyrrum framkvæmdastjóri hans, Andri Óttarsson á www.deiglan.com. Þar birtir hann pistil sem hann kallar Málefni eða meiðingar. Hann bendir á að Evrópumálin hafi oft verið hitamál á landsfundum og að þessi verði sennilega ekki undantekning:

"Mér eins og mörgum öðrum sem hafa síðustu ár horft á þennan slag úr fjarlægð hefur ofboðið sú harka sem andstæðingar ESB sýna þeim flokkssystkinum sínum sem eru á öndverðum meiði. Undantekningalítið mæta svívirðingar og brigsl um landráð hverjum þeim sem þorir að mæla Evrópusambandinu bót. Þetta hefur valdið því að fjölmargir Evrópusinnar hafa sagt skilið við flokkinn eða eru að velta úrsögn alvarlega fyrir sér.

Flestir þessara Evrópusinna eru ekki að íhuga úrsögn vegna þess að meirihluti flokksins er þeim ósammála; þeir sætta sig fullkomlega við lýðræðislegar niðurstöður landsfundar. Þeir íhuga úrsögn vegna þeirrar meðferðar sem þeir fá fyrir að vera Evrópusinnar enda þora fæstir að opinbera slíkar skoðanir um þessar mundir.

Því miður er ekki annað að sjá en að mörgum ESB andstæðingum innan flokksins finnist þessar úrsagnir fín lausn. Að þeir, í krafti meirihlutans, geti gert þeim flokkssystkinum sínum sem eru á annarri skoðun óbærilegt að vera í flokknum og losna þannig við þau. Þetta er ótrúleg skammsýni. Með þessu er verið að senda þau skilaboð til almennings að innan Sjálfstæðisflokksins sé í lagi að flæma í burtu þá sem hafa aðrar skoðanir en meirihlutinn. Stimpill skoðanakúgunar er ekki beint það sem Sjálfstæðisflokkurinn þarf nú á að halda!

Eru ekki örugglega allar skoðanir leyfilegar á landsfundi?
Þessar hörðu móttökur vekja mann vissulega til umhugsunar. Innan allra flokka eru kverúlantar sem tala af ákefð fyrir furðulegum skoðunum, sem engin stemmning er fyrir og geta jafnvel skaðað flokkana út á við. Sjálfstæðisflokkurinn er engin undantekning þar á. Eins og flestir hafa orðið vitni að sem hafa setið landsfundi flokksins þá gerist það reglulega í umræðu um fjölskyldumál að nokkrir einstaklingar stíga í pontu og tala illa um samkynhneigð og samkynhneigt fólk. Undir umræðum um réttarfar er það sama uppi á teningnum. Þar koma iðulega fram, hjá örfáum hræðum, slíkir fordómar gagnvart fólki af erlendum uppruna að mörgum þykir nóg um. Því er vissulega svarað úr salnum og eiga þessi viðhorf hreint ekki upp á pallborðið hjá meirihluta landsfundarfulltrúa en oftast eiga þau skoðanaskipti sér stað á málefnalegum nótum eins öfugsnúið og það hljómar. Enginn fer í pontu og kallar þetta fólk illum nöfnum heldur er reynt að hrekja með rökum þær misgáfulegu athugasemdir sem viðkomandi hafa borið á borð landsfundar."

Andri lýkur pistli sínum með þessum orðum: "Sjálfstæðisflokkurinn hefur lengi stært sig af því að vera flokkur allra stétta, ein stærsta fjöldahreyfing landsins og það afl sem hefur verið leiðandi í þjóðfélaginu frá stofnun lýðveldisins. Trúin á frelsi sameinar flokksmenn en innan hans hafa alltaf rúmast gjörólíkar skoðanir á hinum ýmsum málefnum, íhaldssamar jafnt sem frjálslyndar. Það er erfitt verk að halda þessum stóra hópi saman og formönnum flokksins hefur tekist það misvel.

Það verður fróðlegt að sjá afstöðu Bjarna og Hönnu Birnu, og nánustu stuðningsmanna þeirra, til þeirra hópa sem eru í minnihluta á fundinum. Munu þau falla í popúlistagryfjuna og taka undir með þeim sem hafa hæst og koma fram af mestri hörku í leit að skammvinnum pólitískum ávinning eða eru þau nógu miklir leiðtogar til að reyna að sætta andstæð sjónarmið, finna sameignlegan sáttagrundvöll, tryggja málefnalega umræðu og leyfa fólki að vera sammála um að vera ósammála?

Svarið gæti gefið sterkar vísbendingar um hvernig flokknum muni farnast á næstu misserum."

Athugasemdir

[Helga Kristjánsdóttir, 7.11.2011 kl. 19:36]

 Eruð þið með áhyggjur af Sjálfstæðisflokknum?

[Örn Ægir Reynisson, 7.11.2011 kl. 21:47]

Sjálfstæðisflokkurinn á að vera Sjálfstæðisflokkurinn standa vörð um sjálfstæði Íslands og fullveldi ekki gengur að smygla krötum inn í sjálfstæðisflokkinn eins og gert hefur verið í öllum flokkum til að reyna að auðvelda þau landráð sem nú eru sem betur fer að mishepnast.

[Örn Ægir Reynisson, 7.11.2011 kl. 21:56]

Misheppnast sem betur fer.Vinnubrögð ESB elítunar hafa heldur betur afhjúpast.Elítur annara landa hafa fengið

lánaða peninga til að kaupa allt upp í viðkomandi löndum og selja í hendur kröfuhafa (þjóðverjar Frakkar) sem hirða allt bitastætt, í millitíðinni hafa elíturnar komið milljörðum undan í skattaskjól.Síðan er tjóninu sem er stórt komið yfir á almenning af stjórnmálamönnum sem vinna eftir skipunum frá Brussel/Berlín/París getur ekki annað en hrunið úr því sem komið er.Almenningur er orðin það meðvitaður.

[Helga Kristjánsdóttir, 8.11.2011 kl. 00:12]

  Gott að þú komst hér inn. Ég varð að hlaupa frá athugasemdinni,en lét þetta standa sammála þér Örn Ægir.

[Þorsteinn Briem, 8.11.2011 kl. 03:51]

Hinir svokölluðu útrásarvíkingar eru langflestir í Sjálfstæðisflokknum.

[Þorsteinn Briem, 8.11.2011 kl. 03:54]

EFNAHAGSÁRÁS SJÁLFSTÆÐISFLOKKSINS kostaði þessa upphæð:

Ornolfur Arnason "Ég helt að erlendir bankar hefðu tapað 7-8 þúsund milljörðum á íslenska bankahruninu."

Thorvaldur Gylfason "Rétt hjá Örnólfi. Útlendingar töpuðu fimmfaldri landsframleiðslu, Íslendingar töpuðu tvöfaldri landsframleiðslu.

Skellurinn í heild var sem sagt sjöföld landsframleiðsla, sem er heimsmet."

[Sleggjan og Hvellurinn, 8.11.2011 kl. 08:30]

Örn Ægir... á kannski líka að banna homma og útlendinga?