Vopnabúrið kostar!

Í fréttum hefur komið fram að Seðlabanki Íslands er kominn með digran varasjóð, sem Már Guðmundsson kallar sjálfur "vopnabúr." Í hefðbundnum skilningi eru vopnabúr notuð til þess að: a) Undirbúa eða geta framkvæmt árás eða b) Verja sig.

Líklegt verður að teljast að vopnabúrið (sem er um 1000 milljarðar króna, meira en hálf þjóðarframleiðsla!) verði notað til að verja gengi krónunnar, þegar höftunum verður aflétt og krónunni sleppt lausri.

Er þetta ekki enn eitt dæmið um kostnaðinn við krónuna?

Í viðskiptablaðinu má lesa frétt sem tengist þessu og í henni segir: "Seðlabankinn áætlar að vaxtagreiðslur af gjaldeyrislánum ríkissjóðs og bankans muni nema 33 milljörðum króna á þessu ári. Á móti koma vaxtagreiðslur vegna ávöxtunar forðans.

Seðlabankinn greindi frá því morgun að hann hafi fullnýtt lánin frá Norðurlöndunum sem samið var um í tengslum við efnahagsáætlun stjórnvalda og Alþjóðagjaldeyrissjóðsins. Heildarlánveitingar Íslands nema nú 753 milljörðum króna í því skyni að styrkja gjaldeyrisforða Seðlabankans. Forðinn nemur nú í heildina 1.030 milljörðum króna og er hann allur skuldsettur."

Í tilkynningu frá Seðlabankanum segir: "Vaxtagreiðslur af gjaldeyrislánum ríkissjóðs og Seðlabanka Íslands eru áætlaðar 33 ma.kr. á þessu ári. Á móti þessum vaxtagreiðslum koma vaxtatekjur vegna ávöxtunar forðans, en áætlað er að hreinn vaxtakostnaður af forðanum sé um 3-4%, en það samsvarar um 1½-2% af landsframleiðslu.

Í ljósi óvissu á alþjóðlegum fjármálamörkuðum og í ljósi áforma um losun gjaldeyrishafta er mikilvægt fyrir Ísland að vera með stóran gjaldeyrisforða um þessar mundir þrátt fyrir umtalsverðan kostnað við forðahaldið. Þegar aðstæður breytast er vonast til að hægt verði að minnka gjaldeyrisforða jafnframt því sem unnið verður að því að draga úr skuldsetningu hans."

Til samanburðar má geta þess að áætlaður kostnaður við nýjan Landspítala er um 50 milljarðar og þetta er um það bil áttföld framlög á fjárlögum 2011 til Umhverfisráðuneytisins!

Bendum einnig á pistil Friðriks Jónssonar um málið.

Athugasemdir

[Ómar Bjarki Kristjánsson, 5.1.2012 kl. 11:11]

Já já. það er nú svo. þetta er fórnarkosnaðurinn við svokllaða ,,krónu" sem er alltaf ,,að bjarga okkur" og/eða ,,vinna fyrir okkur".

Nú, svo segj hámenntaðir hagfræðingar frá Sorbonn eða ég veit ekki hvaðan: ,,það á bara að hafa óskuldsettan gjaldeyrisforða!"

Um það er að segja að sá böggull fylgir skammrifi að íslendingar hafa síðustu tugi ára - ekki kunnað að spara og safna í sjóði. Ef minnsti vottur er um að safna eigi í sjóði hérna - þá verður allt vitlaust! þá þarf að eyða því immediatlý og rúmlega það. þessvegna verður seint safnað í sjói hérna uppi á næstunni. Til þess þarf umtalsverða hugarfarsbreitingu.

[Hans Haraldsson (IP-tala skráð) 5.1.2012 kl. 12:03]

Burtséð frá því hvort sá gjaldeyrisvaraforði sem Seðlabankinn er með nú um stundir er of stór eða ekki þá myndum við þurfa að standa undir kostnaði af forða með eða án sjálfstæðs gjaldmiðils.

Bæði þurfa seðlabankar einstaka evruríkja eftir sem áður að hafa varaforða vegna þess að Seðlabanki Evrópu er ekki lánveitandi til þrautavara og Seðlabanki Evrópu þarf sjálfur á varaforða að halda sem er að sjálfsögðu haldið út á kostnað aðildarríkjanna.

[Þorsteinn Briem, 5.1.2012 kl. 15:19]

Gjaldmiðilsnefnd Framsóknarflokksins 2008, sjá bls. 20-27:

"Upptaka evru felur meðal annars í sér að enginn kostnaður fylgir því að skipta úr einum gjaldmiðli í annan og þar með yrðu viðskipti við evrulöndin ódýrari en viðskipti við önnur lönd, auk þess sem verðsamanburður yrði auðveldari.

Þá minnkar gengisáhætta sem getur leitt til meiri fjármagnsflutninga landa á milli og aukinn stöðugleiki fæst í gengismál. Afleiðingar þess gætu birst í formi lægra verðlags og hærri kaupmáttar.

Þá yrði Seðlabanki Evrópu bakhjarl þess gjaldmiðils sem Íslendingar notuðu og þar með spöruðust háar fjárhæðir, sem ella færu í að halda úti nauðsynlegum gjaldeyrisforða."

"Íslenska krónan er veruleg viðskiptahindrun í því opna viðskiptaumhverfi sem íslenskt atvinnulíf vinnur nú í."

"Gengissveiflur umfram það sem okkar viðskiptalönd búa við munu alltaf reynast íslenskum útflutningi fjötur um fót."

"Hér á landi má segja að séu notaðir 3-4 gjaldmiðlar, íslensk króna, verðtryggð og gengistryggð króna, evra og Bandaríkjadalur. Þetta hefur mikil áhrif á peningamálastjórnunina."

"Upptaka Bandaríkjadals hefði mun meiri stöðugleika í för með sér en honum yrði þó betur náð með upptöku evru, þar sem innflutningur og útflutningur til evrusvæðisins er hlutfallslega mestur þegar horft er til einstakra gjaldmiðilssvæða.

Að auki hefur bandaríski seðlabankinn ekki gefið kost á að vera lánveitandi til þrautavara, sem er mikilvægt upp á fjármálastöðugleika að gera, á meðan Seðlabanki Evrópu gerir það gagnvart aðildarþjóðum Efnahags- og myntbandalags Evrópu."

[Lúðvík Júlíusson, 5.1.2012 kl. 16:16]

Gjaldeyrisvaraforðinn er til að tryggja hinu opinbera lánsfé með sæmilegum kjörum og sýna erlendum lánadrottnum fram á greiðslugetu í erlendri mynt.

Gjaldeyrisforðinn er ekki til þess að verja krónuna falli með beinum hætti við afnám hafta.

[Þorsteinn Briem, 5.1.2012 kl. 16:20]

Greinargerð Más Guðmundssonar seðlabankastjóra 17. maí síðastliðinn um upptöku evru hérlendis:

"Umsóknarríkið þarf að hafa tekið þátt í gengissamstarfi Evrópu, ERM II, í a.m.k. TVÖ ÁR án þess að rjúfa tilskilin gengisvikmörk eða fella miðgengið gagnvart evru (með þátttöku í ERM II aðstoðar Seðlabanki Evrópu við að halda gengi gjaldmiðilsins innan ±15% fráviks frá ákveðnu miðgengi við evru)."

"Gjaldeyrishöft koma óhjákvæmilega til umfjöllunar í samningaviðræðum þótt þau falli ekki beint undir þennan kafla. Höftin þarf að afnema áður en til inngöngu kemur. Ræða þarf hugsanlega AÐSTOÐ ESB við að komast út úr þeim."

Slóvenía fékk aðild að Evrópusambandinu 1. maí 2004 og gengissamstarfi Evrópu, ERM II, tveimur mánuðum síðar, með möguleika á ±15% frávikum frá gengi evrunnar, og tók upp evru að tveimur og hálfu ári liðnu, í ársbyrjun 2007.

Economy of Slovenia

Malta og Kýpur fengu einnig aðild að Evrópusambandinu 1. maí 2004 og gengissamstarfi Evrópu, ERM II, ári síðar, með möguleika á ±15% frávikum frá gengi evrunnar, og tóku upp evru um tveimur og hálfu ári síðar, í ársbyrjun 2008.

Economy of Malta

Economy of Cyprus

Seðlabanki Evrópu ákveður stýrivexti á öllu evrusvæðinu og þeir eru nú 1% en stýrivextir Seðlabanka Íslands 4,75%.

[Sigurgeir Jónsson, 5.1.2012 kl. 17:19]

Hver er st.br.Getur einhver upplýst það.Briemararnir hafa ekki staðfest hver hann er, frekar en aðrir.Er st.br.kanski gerfinafn á vegum ESB.

[Sigurgeir Jónsson, 5.1.2012 kl. 17:27]

Pétur Gunnarsson fyrrverandi framsóknarmaður hefur gefið í skyn að hann kannist hugsanlega við hann, en hefur ekki staðfest að hann sé framsóknarmaður eða hafi verið það.Kannski getur Andrés Pétursson staðfest að st. br. hafi stutt Halldór Ásgrímsson.

[Sigurgeir Jónsson, 5.1.2012 kl. 17:29]

Sem er skiljanlegt þar sem Halldór hefur stutt aðild Íslands að ESB.Sækjast sér um líkir.

[Þorsteinn Briem, 5.1.2012 kl. 17:42]

Sigurgeir Jónsson,

Hef aldrei kosið Framsóknarflokkinn, elsku kallinn minn.

Hins vegar heiti ég í höfuðið á afabróður mínum, formanni Bændaflokksins, sem var atvinnumálaráðherra í ráðuneyti Ásgeirs Ásgeirssonar og sonur fyrsta formanns Framsóknarflokksins.

Og faðir minn ólst upp hjá afabróður mínum á Akranesi. Þess vegna heiti ég í höfuðið á honum.