Ásmundur Einar: Svona er staðan!

Nei-foringinn á Íslandi, Ásmundur Einar Daðason, skrifar grein um ESB-málið í dag og spyr um stöðuna í ESB-málinu.

Við hjá Evrópusamtökunum getum sagt honum hver staðan er: Það er í góðum gír, það er á kostnaðaráætlun (og mun ekki kosta "einhverja milljarða" eins og margir Nei-sinnar góla yfir nær stöðugt þjóðina) og það hefur ekki sett stjórnsýsluna á hliðina (eins og margir Nei-sinnar hrópa hástöfum!).

Ásmundur segir að mikill meirihluti landsmanna ger sér grein fyrir að betra sé fyrir Ísland að vera fyrir utan ESB en innan. Getur verið að það sé vegna þess að þeir vita ekki og það liggur ekki fyrir, hver niðurstaða aðildarviðræðna verður? Fólk verður jú að vita niðurstöðu þeirra og taka síðan afstöðu í málinu. Þann rétt vill Ásmundur hinsvegar ekki veita íslensku þjóðinni!

Við viljum benda Ásmundi á að um tveir af hverjum þremur vilja samkvæmt nýrri könnun ljúka aðildarviðræðum við ESB!

Ásmundur vill hinsvegar hlaupa frá hálfkláruðu verki, enda nátengdur sterkum hagsmunahópum, sem vilja nánast ekki breyta neinu í íslensku samfélagi.

Athugasemdir

[Árni Gunnarsson, 10.1.2012 kl. 18:22]

Varðandi síðustu málsgrein færslunnar:

Ber að skilja þetta svo að þeir sem "vilja nánast ekki breyta neinu í íslensku samfélagi" skuli þá bara gera svo vel og taka við fyrirskipunum frá "stóra bróður í Brussel"?

Alveg hlýnar mér niður í tær af tilhugsuninni um lýðræðisást ykkar hjá þessum Evrópusamtökum.

Það er nú kannski munur eða hjá okkur ofbeldismönnunum sem vildum spyrja þjóðina hvort hún hefði hug á að sækja um aðild.

Við höfðum nefnilega ekki vit á því hvað við vorum að tala um. því hvernig GÁTUM við vitað hvort við vildum sækja um fyrr en við vissum "hvað væri í boði"?

Ég er ekki viss um að sá háskólakennari í rökfræði sem beitti svona rökum á nemendur sína fengi tækifæri til að kenna margar stundir í viðbót.

[Sigurgeir Jónsson, 10.1.2012 kl. 18:24]

Evrópusamtökin halda áfram að berja hausnum við steinin,ásamt þeim skötuhjúum einræðisins, Jóhönnu og Steingrími.Það hefur löngum verið hefð hjá einræðisherrum að lofa kosningum.Þau skötuhjúin, ásamt fylgifiskum ESB klifa stöðugt á því að leyfa verði fólki að kjósa um "samningi". Þetta er auðvitað ekkert annað en hefðbundar lygar einræðisherra.Það stendur ekki til að leyfa neinum að kjósa, því það stendur ekki til að koma með neinn samning til að kjósa um.Fyrst var því logið upp að kosið yrði á síðasta ári,farið yrði í málið með hraðferð.Ekki bólar á neinum kosningum enn og ekkert fæst uppgefið hvenær almenningur fær að kjósa.Þetta eru allt lygar og Evrópusamtökin taka fullan þátt í lygunum.Það stendur ekki til að sú ríkisstjórn sem nú situr leyfi neinar kosningar um ESB aðild.

[Sigurgeir Jónsson, 10.1.2012 kl. 21:16]

Og hvað þýðir "að ljúka aðildarviðræðum"Þýðir það eitthvað annað en að hætta þessu rugli og kjósa.Er ESB og dindlar þess kannski ekki læsir.Á borðið strax með það sem verið er að malla með,og kjósa um  það, það hefur farið of mikill tími og of miklir peningar í þetta rugl.Drottningin er nakin og lygar hennar og ESB dindlanna eru öllum ljósar.Þetta ESB lið ætlar ekki að viðhafa neinar kosningar á næstunni.Burt með þetta lygalið.

[Þorsteinn Briem, 10.1.2012 kl. 21:51]

27.12.2011:

"Í mars næstkomandi verða fleiri samningskaflar opnaðir og svo aftur í júní í lok dönsku formennskunnar í ESB.

Framundan er að takast á við erfiða kafla í samningaferlinu, þar á meðal um sjávarútvegsmál, landbúnaðarmál og umhverfismál.

Enginn þarf að óttast að viðræðurnar einkennist af asa eða óðagoti.

Þvert á móti ráða gæði starfsins hraðanum og viðræðum mun ekki ljúka fyrr en góður samningur liggur fyrir.

Vandað hefur verið til verka í málsmeðferð allri og eiga hagsmunaaðilar og félagasamtök hrós skilið fyrir virka þátttöku í ferlinu.

Alþingi er í lykilhlutverki en utanríkismálanefnd fær allar upplýsingar og fylgist á virkan hátt með hverju skrefi.

Nánari útskýringar á innihaldi samningskafla í aðildarviðræðunum við ESB er að finna á esb.utn.is.

Þar eru einnig samningsafstöður Íslands, önnur gögn og nánari upplýsingar um viðræðuferlið."

Staðan í viðræðunum um aðild Íslands að Evrópusambandinu

[Sigurgeir Jónsson, 10.1.2012 kl. 21:58]

St.br.Þú og ESB dindlarnir hafið sungið sama sönginn í þrjú ár, um að fólk ætti að fá að kjósa um aðild.Þið munið halda áfram að syngja þann söng.Ríkisstjórnin ætlar ekki að leyfa neinar kosningar á næstunni þrátt fyrir söngin.Hún lýgur eins og þau sem styðja hana í ESB aðild.

[Þorsteinn Briem, 10.1.2012 kl. 23:40]

Samanburði á löggjöf Íslands og Evrópusambandsins lauk fyrir hálfu ári og lengi hefur verið ljóst að samningur um aðild Íslands að Evrópusambandinu yrði ekki kynntur fyrr en á næsta ári.

Það er nú harla einkennileg "lýðræðisást" að vilja endilega NEYÐA fólk til að kjósa um samning sem ekki liggur fyrir og þá gildir einu hvort það var árið 2009 eða síðar.

Þegar samningurinn um aðld Íslands að Evrópusambandinu LIGGUR FYRIR og samningurinn hefur verið kynntur vandlega fyrir þjóðinni verður kosið um hann hér í þjóðaratkvæðagreiðslu, samkvæmt vilja meirihluta Alþingis. Og hér á Íslandi er ÞINGRÆÐI.

Tugþúsundir Íslendinga hafa að sjálfsögðu ekki tekið afstöðu til þessa samnings, munu ekki gera það fyrr en hann liggur fyrir og hefur verið rækilega kynntur.

Hægt er að kjósa hér um nýja stjórnarskrá samhliða forsetakosningum nú í sumar, Alþingi gæti samþykkt stjórnarskrána fyrir næstu alþingiskosningar og svo aftur eftir kosningarnar.

[Sigurgeir Jónsson, 11.1.2012 kl. 09:45]

Þegar" samningur liggur fyrir, þá á að kjósa" er söngur þeirra sem vilja engar kosningar, sem er skiljanlegt því hræðsla þeirra við að samningurinn verði felldur er öllum ljós.Ísland sóttin um inngöngu í ESB, og hvergi hefur komið fram að ESB túlki það eitthvað öðruvísi en alvöru umsókn.Ef Ísland fellir sig ekki við skilyrði ESB fyrir aðild á að sjálfsögðu að kjósa um það,      í stað þess að ljúga því að fólki að einhver "samningur" sé á leiðinni.Og það er rangt að hægt sé að breyta stjórnarskrá á annan hátt en að kjósa til Alþingis.Nei við ESB.