Hið stóra EF!

Á RÚV byrjar frétt svona: "Ragnar Árnason prófessor í hagfræði segir að betra sé að hafa krónuna áfram ef vel tekst til í hagstjórn á Íslandi. Ástæðan fyrir verðbólgu og flöktandi gengi sé misheppnuð hagstjórn. (Kom fram á morgunfundi ASÍ um gjaldmiðilsmál í morgun, innskot; ES-bloggið, sem og leturbreyting)

Þetta með EF-ið vekur upp spurningar: Hvað EF ekki tekst til, sem það greinilega (og samkvæmt þessu) hefur ekki tekist til þessa? Á þá landslýður bara að sitja í súpunni?

Og vill Ragnar búa áfram við verðtryggingu, sem menn segja að sé nánast ekki hægt að afnema, vegna krónunnar? Og hvernig á að takast að lækka vexti með krónunni, nokkuð sem menn segja að útheimti sjálfkrafa hærri vexti en aðrir gjaldmiðlar í kringum okkur?

Á öðrum stað í fréttinni segir: "Ef hagstjórn á Íslandi er dæmd til að vera slæm í framtíðinni þá kynni að vera betra að taka upp einhverja aðra mynt," segir Ragnar."

Er ekki fullreynt?

Athugasemdir

[Lúðvík Júlíusson, 10.1.2012 kl. 22:10]

ég skildi þetta þannig að Ragnar Árnason væri að segja að Sjálfstæðismenn og Framsóknarmenn hefðu ekki einu sinni staðið sig sæmilega vel í hagstjórninni  og að þeir hefðu sett okkur í þá stöðu að betra væri að taka upp aðra mynt.

[Sigurgeir Jónsson, 10.1.2012 kl. 22:44]

Það liggur fyrir að Ísland á ekki kost á að taka upp evru fyrr en, í það stysta eftir 5-10 ár. Hvergi hefur komið fram að Ísland eigi möguleika á styttri tíma Að halda öðru fram er að þora ekki að horfast í augu við raunveruleikann.Það sem Ragnar er að segja réttilega er að hagstjórnin verður að vera í lagi.Það er að sjálfsögðu rétt hjá honum.En sagan segir okkur að vandræðin með íslensku krónuna er fyrst og fremst það að hún hefur alltaf verið of hátt skráð, sem síðan orsakar óhjákvæmilegt fall hennar, með tilheyrandi.Svo er enn í dag.Ríkisstjórnin á að sjálfsögðu að hafa manndóm í sér til að segja fólki sannleikann:Hér verður engin evra næstu 5-10 árin, þótt við afhandum ESB allar okkar auðlindir og fiskimið og það veit raunar engin hvort einhver evra verður þá til eða hverskonar.Nei við ESB.

[Sigurgeir Jónsson, 10.1.2012 kl. 22:56]

En bramboltið í Seðlabankastjóra með að reyna að koma íslensku krónunni á flot stafar fyrst og fremst af því að Ísland verður að gera það ef ESB viðræðurnar eiga að halda áfram.En það sem er hryllilegast við hans tilburði er það að hann virðist halda að íslendingar sjálfir muni ekki gera áhlaup á krónuna sem allir vita innst inni að er alltof hátt skráð, þrátt fyrir allt bull um meðalgengi síðustu 20 ára sem stöðugt er verið að vitna í.Það er enginn gjaldmiðill meira virði en einhver vill kaupa hann á. En það liggur fyrir að við sitjum uppi með krónuna næstu árin, nema tekin sé upp einhver annar gjaldmiðill en evra.Það er staðreyndin,sem öllum er hollast að viðurkenna í stað þess að ljúgja að sjálfum sér að annað sé hægt.Nei við ESB.

[Jón Valur Jensson, 10.1.2012 kl. 23:48]

Haldið þið bara áfram, stórveldissinnar, að gera lítið úr flestu sem íslenzkt er – það mælir ekki með ykkur!

[Þorsteinn Briem, 10.1.2012 kl. 23:56]

"Samkvæmt upplýsingum frá Seðlabankanum var inneign íslenskra fyrirtækja á gjaldeyrisreikningum að meðaltali um 110 milljarðar króna síðustu tvö ár FYRIR bankahrunið."

"Gjaldeyrishöftin eru einfaldlega yfirlýsing um að íslenska krónan sé ekki í lagi, þau virka eins og stórt viðvörunarskilti," segir Vilhjálmur Egilsson, framkvæmdastjóri Samtaka atvinnulífsins, í samtali við Fréttablaðið.

Vilhjálmur segir að fyrirtæki kjósi því að halda erlendum gjaldeyri á gjaldeyrisreikningum, frekar en að skipta honum í krónur.

Og samkvæmt upplýsingum frá Seðlabankanum áttu íslensk fyrirtæki um 174 milljarða króna í erlendum gjaldeyri á svokölluðum gjaldeyrisreikningum í íslenskum fjármálastofnunum í maí [2009]."

Samtök atvinnulífsins um gjaldeyrishöftin

[Lúðvík Júlíusson, 11.1.2012 kl. 08:28]

Gjaldeyriseign fyrirtækja búin að minnka í 63,7 milljarða króna. skv. nýjustu tölum Seðlabankans(28-12-2011).

Vilhjálmur hefur því ekki verið sannspár.  Kannski nota fyrirtæki aðra leið til að geyma gjaldeyrinn.