Nei-sinnar með ódýrar "patent-lausnir"!

Á föstudaginn kemur verður þáttur á ÍNN (Hrafnaþing) um Evrópumál þar sem rætt verður við nokkra aðila úr JÁ-hreyfingunni um stöðu mála. Hvetjum við alla áhugamenn um Evrópumál til þess að horfa!

Reyndar afgreiddi Ingvi Hrafn (eigandi ÍNN) Nei-hliðina í þætti sem sýndur var síðastliðinn föstudag. Þar var meðal annars Nei-foringinn sjálfur, Ásmundur Einar Daðason, fyrrum VG-liði og núverandi framsóknarmaður.

Annars var fátt um lausnir sem herramenn Nei-sinna báru fram, nema þá kannski helst að það væri nánast bara ekkert mál að sníða alla galla af íslensku samfélagi, t.d. að lækka tolla og afnema vertryggingu, við gætum þetta bara sjálf, bara drífa í þessu!

Vertrygging hefur verið við lýði í um 30 ár og er að gera alla gráhærða! Hversvegna er ekki fyrir löngu búið að taka hana af? Getur það verið vegna ýmissa sérhagsmuna sem tengjast henni og gjaldmiðli sem krefst í raun verðtryggingar? Og útheimtir þar með óheyrilegan kostnað af öllu samfélaginu?

Nei, nei-sinnar settu fram ódýrar "patent-lausnir" sem hljóma vel en eru á skjön við veruleikann, sem einkennist af sveiflum, óstöðugleika og verðbólgu.

Athugasemdir

[Sleggjan og Hvellurinn, 30.1.2012 kl. 00:28]

Það eru fátt um lausnir þegar NEI sinnar koma saman.

[Örn Ægir Reynisson, 30.1.2012 kl. 01:02]

Evrópusambandið er ekkert annað en ógn við lýðræðið/Paste

Þjóðverjar ógn við lýðræðið

.

Áætlun Þjóðverja um aukna samhæfingu í efnahagsstjórn evruríkjanna er ógn við lýðræðið í ríkjum Evrópu, að mati Iain Duncan Smith, ráðherra sem fer með atvinnu- og lífeyrismál í bresku ríkisstjórninni.

„Ef þú fitlar við lýðræðið vegna þess að þér líkar ekki það sem það leiðir til ertu að opna dyrnar fyrir þeim sem spyrja, „Hvers vegna lýðræði yfir höfuð?“,“ hefur Daily Telegraph eftir Duncan Smith á vef sínum.

[Þorsteinn Briem, 30.1.2012 kl. 02:49]

Örn Ægir Reynisson,

Evruríkin geta að sjálfsögðu gert samninga sín á milli um efnahagsstjórn, sem kemur þeim öllum til góða.

Og eins og dæmin sanna getur það komið ríkjum í koll að halda ekki Maastricht-skilyrðin í heiðri, þannig að það er engan veginn ógn við lýðræðið í þeim ríkjum að þau fari eftir þessum skilyrðum, sem þau sjálf hafa samþykkt:

"Halli á ríkissjóði má ekki vera meiri en 3% af landsframleiðslu og heildarskuldir hins opinbera mega ekki vera meiri en 60% af landsframleiðslu."

Nefndarálit meirihluta utanríkismálanefndar Alþingis um aðildarumsókn að Evrópusambandinu:

Gjaldmiðilsmál.

"Það er álit meiri hlutans að komi til aðildarviðræðna beri að leggja kapp á að viðræður um gjaldmiðilsmál verði forgangsverkefni í viðræðuferlinu og í því eigi að leita eftir samkomulagi við Evrópusambandið og ECB [European Central Bank - Seðlabanka Evrópu] um stuðning við krónuna.

Aðildarríkjum Evrópusambandsins ber að taka upp evruna, með örfáum undantekningum, en til að svo megi verða þarf aðildarríki að eiga aðild að Efnahags- og myntbandalagi Evrópu (Economic and Monetary Union, EMU).

Aðildarríki þarf auk þess að uppfylla "Maastricht-skilyrðin" svokölluðu, sem sett voru fram í bókun við stofnsáttmála Evrópusambandsins."

Greinargerð Más Guðmundssonar seðlabankastjóra 17. maí síðastliðinn um upptöku evru hérlendis

Ályktun landsfundar Sjálfstæðisflokksins árið 2009:

"Peningamálastefnuna verður að endurskoða. Ljóst er að KRÓNAN verður lögeyrir landsins ENN UM SINN, sama hvað verður fyrir valinu síðar.

Afar mikilvægt er að agi sé á hagstjórn; ríkisútgjöldum sé haldið í lágmarki og að samræmi sé milli ríkisfjármála og peningamálastefn­unnar.

Þannig er æskilegt að stjórnvöld einsetji sér að uppfylla skilyrði eins og fram koma í Maastricht-sáttmálanum.

Ákvarðanir um framtíðarskipan gjaldmiðilsmála verður hins vegar að taka af mikilli yfirvegun eftir gaumgæfi­lega skoðun á öllum möguleikum.

Lagt er til að vinna við ENDURSKOÐUN Á GJALDMIÐLI LANDSINS hefjist strax ..."

[Tómas Ibsen Halldórsson, 30.1.2012 kl. 09:38]

Þetta eru nú hreinustu öfugmæli hjá ykkur ESB-sinnum.  Það eru engar lausnir í ESB, vandamálin hrannast upp og menn pota út í loftir reynandi að finna eitthvað haldreipi til að taka í svo menn geti haldið sér á floti, en hvert reipið á fætur öðru gefur sig, vegna þess að þau eru öll fúin, og ekkert blasir við annað en drukknun í vandamálunum. 

En það er með ólíkindum hversu blindan hefur náð að loka augum ESB-sinna, það er eins og þið sjáið ekki hvað er að gerast innan ESB.

Ætlist þið virkilega til þess að við göngum blindandi inn í gapandi gin ljónsins????

[Þorsteinn Briem, 30.1.2012 kl. 09:57]

"Fyrst andstæðingar aðildar Íslands að Evrópusambandinu á þessu bloggi eru svona gríðarlega vissir um að Evrópusambandið og evran séu að hruni komin hljóta þeir að samþykkja að leggja eina milljón króna inn á reikninginn minn um næstu áramót ef það gerist ekki.

Þögn er sama og samþykki.

Reikningsnúmerið mitt er 0311-26-6300.

Steini Briem, 5.8.2011 kl. 18:37"

[Þorsteinn Briem, 30.1.2012 kl. 10:03]

Skoðanakannanir varðandi aðild Íslands að Evrópusambandinu eru harla lítils viirði þegar samningur um aðildina liggur ekki fyrir.

Tugþúsundir Íslendinga hafa ekki tekið afstöðu til aðildarinnar og aðrar tugþúsundir geta að sjálfsögðu skipt um skoðun í málinu.

Fólk tekur afstöðu til aðildarinnar fyrst og fremst út frá EIGIN HAGSMUNUM, til að mynda AFNÁMI VERÐTRYGGINGAR HÉR, mun LÆGRI VÖXTUM og LÆKKUÐU VERÐI á mat- og drykkjarvörum, fatnaði og raftækjum með AFNÁMI ALLRA TOLLA á vörum frá Evrópusambandsríkjunum.

Og harla ólíklegt er að meirihluti Íslendinga láti brjálæðinga taka frá sér allar þessar KJARABÆTUR.

En fyrir ÖFGAÞJÓÐERNISSINNA skipta þær að sjálfsögðu engu máli.

[Tómas Ibsen Halldórsson, 30.1.2012 kl. 12:04]

Steini, þið talið sí og æ um SAMNING, hvaða samning ert þú að tala um?  þann að við leggjum allt okkar til ESB, en ESB leggur ekkert af mörkum?  samning þar sem við verðum að fara að öllum þeirra kröfum, en hvað með okkar kröfur? 

Í besta falli fáum við "aðlögun" sem gengur yfir á nokkrum árum, svo er það búið.

Að halda því fram að við FÁUM eitthvað umfram aðra er einfalt og barnalegt.

Þú og fleiri ESB-sinnar ættu að gera sér ferð til Grikklands, Portúgals og Spánar og ræða við þá sem mæla götunar í atvinnuleit.  Hjá þeim blasir við hinn raunverulegi ESB-veruleiki.

[Ómar Bjarki Kristjánsson, 30.1.2012 kl. 16:45]

Er +oþarfi að rífast sona um þetta. Við erum að tala um þróun. Aðild Íslands að EU. þetta er óhjákvæmileg þróun.

Þessu má líka við þegar njóa leysir á vorin með hækkandi sól. þá hverfa skaflarnir og snjór allur. Óhjákvæmileg þróun. Myndast snjóeyjar sem síðan hverfa ein af annari og upp srettur iðjagrænt grasið.

Eins munu skaflarnir bráðna úr hjörtum andsinna.

[Þorsteinn Briem, 30.1.2012 kl. 18:16]

Tómas Ibsen Halldórsson,

Myndin hér til hliðar er tekin í Grikklandi en ég bý við ÍSLENSKAN VERULEIKA.

Hér á Íslandi er MESTA VERÐBÓLGA Í EVRÓPU, HÆSTA MATVÆLAVERÐ Í EVRÓPU, miklu HÆRRI VEXTIR en á evrusvæðinu og MIKIÐ ATVINNULEYSI.

Ísland býr við mestu verðbólgu í Evrópu

Stýrivextir Seðlabanka Íslands hafa verið MUN HÆRRI en stýrivextir Seðlabanka Evrópu:

Stýrivextir hérlendis og á evrusvæðinu 2002-2007

Seðlabanki Evrópu ákveður stýrivexti á öllu evrusvæðinu og þeir eru nú 1% en stýrivextir Seðlabanka Íslands 4,75%.

Og hér á Íslandi eru GJALDEYRISHÖFT.

Á Írlandi eru hins vegar ENGIN GJALDEYRISHÖFT, enda er evran gjaldmiðill Íra.

Áttatíu prósent Íra ánægð með evruna

Til hamingju, Ísland! Fjórtán ár tekur að eignast ekkert í íbúðinni þinni!

"Aðalsteinn Leifsson, lektor við Háskólann í Reykjavík, hefur reiknað út að AFBORGANIR af tuttugu milljóna króna láni frá Íbúðalánasjóði til tuttugu ára ERU AÐ MEÐALTALI TÆPRI EINNI MILLJÓN KRÓNA HÆRRI Á ÁRI en þær væru ef lánið væri tekið hjá frönskum banka.

Á 20 ÁRUM ER ÍSLENSKA LÁNIÐ RÍFLEGA 19 MILLJÓNUM KRÓNA DÝRARA en það franska."

Áhrif aðildar á vexti húsnæðislána hérlendis

Styrkir íslenska ríkisins vegna landbúnaðar voru um 11,3 milljarðar króna árið 2010.

Fjárlög fyrir árið 2010, sjá bls. 65-69

En þrátt fyrir allar niðurgreiðslurnar á landbúnaðarvörum hérlendis var hlutfallslegt MATVÆLAVERÐ HÉR HÆST Í EVRÓPU árið 2006, borið saman í evrum, eða 61% hærra en í Evrópusambandinu.

Hagstofa Íslands - Evrópskur verðsamanburður á mat, drykkjarvörum og tóbaki

Við kaupum hins vegar mat og drykkjarvörur hér á Íslandi í íslenskum krónum en EKKI evrum og frá ársbyrjun 2006 til ársloka 2011 hækkaði hér vísitala neysluverðs, sem VERÐTRYGGING LÁNA er miðuð við, úr 249,7 í 386 stig, eða 54,6%.

Og með aðild Íslands að Evrópusambandinu og upptöku evru hérlendis FELLUR VERÐTRYGGING HÉR NIÐUR.

En þú býrð náttúrlega í Paradís og kvíðir því stórlega að þurfa einhverntíma að yfirgefa þessa dásamlegu jarðvist þína og Hádegismóra.

Evrópska efnahagssvæðið er sameiginlegur vinnumarkaður og Ísland fékk þar aðild þegar Hádegismóri var hér forsætisráðherra en það hefur væntanlega alveg farið framhjá þér.

Liggur of mikið yfir Tígulgosanum.

Hér á íslandi vinna ÞÚSUNDIR útlendinga, aðallega Pólverjar, störf sem menntaðir Íslendingar vilja ekki vinna.

Og til Evrópusambandslandanna og Bandaríkjanna hafa flust MILLJÓNIR manna, meðal annars til að vinna þar störf sem menntaðir heimamenn hafa ekki viljað vinna.

Atvinnuleysi hefur verið svipað undanfarið í Evrópusambandinu og Bandaríkjunum, eða 9,6% í Evrópusambandinu og 9,7% í Bandaríkjunum í maí 2010:

Atvinnuleysi í Evrópusambandinu og Bandaríkjunum í maí 2010

Vinnumálastofnun - Atvinnuleysi hérlendis í maí 2010

Ísland er hins vegar örlítill vinnumarkaður miðað við Evrópusambandslöndin og Bandaríkin.

Allar aðildarviðræður að Evrópusambandinu snúast um SÉRLAUSNIR, þannig að það er beinlínis BJÁNALEGT að halda því fram að við Íslendingar fáum ekki eitthvað fram í aðildarviðræðunum sem aðrir hafa ekki fengið.