SI: Litlar breytingar á afstöðu til ESB

Samtök iðnaðarins hafa reglulega kannað afstöðu Íslendinga til ESB og gerðu fyrir skömmu nýja slíka könnun: "Ný könnun Capacent Gallup fyrir Samtök iðnaðarins um viðhorf til til aðildar að Evrópusambandinu og aðildarviðræðna gefur til kynna að 56,2% séu andvígir aðild en 26,3% hlynnt. Þessar tölur eru svipaðar og hafa komið fram í sambærilegum könnunum fyrir samtökin 2011 og 2010.

Þegar spurt var út í viðhorf til aðildarviðræðna kemur í ljós að 43,6% eru fylgjandi því að íslensk stjórnvöld dragi umsókn til baka en 42,6% andvíg. Munurinn er ekki tölfræðilega marktækur.

Mikil áhersla var lögð að vandaða framsetningu spurninga. Þannig var bæði spurt hvort viðkomandi væri fylgjandi eða andvígur að draga umsókn til baka og hins vegar hvort viðkomandi væri fylgjandi eða andvígur að ljúka aðildarviðræðum."

Um 65% þeirra sem spurðir voru, svöruðu, en úrtakið var 1350 manns. 

Vefsíða SI 

Athugasemdir

[Sigurgeir Jónsson, 29.2.2012 kl. 11:00]

ESB og ríkisstjórn þess á Íslandi mun ekki leyfa íslendingum að kjósa um ESB aðild, meðan á borðinu liggur að aðildarumsókn verður fellt.Þrátt fyrir allt tal ESB um virðingu þess fyrir lýðræði þá ætlar ESB að fótumtroða það með því að meina íslendingum að kjósa um aðild meðan fyrir liggur að umsóknin verður felld.Aftaníossar ESB hanga aftan í ESB eins og hundar á roði og leyfa ESB að komast upp með valdníðsluna.Nei við ESB.