Gjaldmiðilsmálin: Stærsta óleysta efnahagsmálið!

Í fréttatíma RÚV var fjallað um gjaldmiðilsmál og þar sagði:

"Skipan gjaldeyrismála er stærsta óleysta verkefnið í efnahagsmálum Íslendinga að mati hagfræðiprófessors. Hann segir upptöku kanadadollarsins þó ekki lausnina. Nýr gjaldmiðill þurfi að taka þátt í að eyða gjaldeyrisáhættu en það geri sá kanadíski ekki.

Hvort kasta eigi krónunni fyrir kanadadollar er spurning sem þónokkrir velta fyrir sér í fullri alvöru þessa dagana, ekki síst í ljósi ummæla sendiherra Kanada í fréttum þess efnis að kanadísk stjórnvöld séu reiðubúin til viðræðna við þau íslensku um upptöku dollarsins.

Ólafur Ísleifsson, hagfræðiprófessor við Háskólann í Reykjavík, segir Íslendinga þurfa gjaldmiðil sem taki þátt í að eyða gjaldeyrisáhættu. Gjaldmiðill eins og kanadíski dollarinn, sem aðeins sé notaður í um einu prósenti utanríkisviðskipta landsins, sé óhentugur til þess."

Björn Valur Gíslason, alþingismaður, fjallar einnig um gjaldmiðilsmál á bloggi sínu og segir þar meðal annars:

"Er íslenska krónan framtíðargjaldmiðill Íslands?
 Nei, það er hún ekki. En krónan verður gjaldmiðill okkar í næstu framtíð, hvort sem okkur líkar það betur eða verr. Til lengri framtíðar litið munu við hinsvegar þurfa á traustari gjaldmiðli að halda.
 Mun evran verða sá gjaldmiðill?
 Það er líklegast miðað við stöðuna eins og hún er í dag. Við eigum mesta samleið með öðrum löndum Evrópu, þangað seljum við mest af útflutningi okkar og þaðan flytjum við mest inn af vörum. Það væri því órökrétt að taka annan gjaldmiðil upp en þann sem við notum hvað mest, ef á annað borð á að gera það."
 

Athugasemdir

[Örn Ægir Reynisson, 5.3.2012 kl. 21:36]

Leggja þarf Ríkisútvarpið niður stofnunuin þjónar ekki sínum tilgangi búið er að raða á jötuna hjá ríkisútvarpinu vinstri sinnuðum ESB mönnum sem reka þar áróður sinn í friði og án athugasemda á kosnað almennings í landinu. Sá dagur mun koma að tekið verði til hjá ríkisútvarpinu!

[Örn Ægir Reynisson, 5.3.2012 kl. 21:40]

Pólitísk misnotkun á Ríkisútvarpinu er algjör!

[Sleggjan og Hvellurinn, 7.3.2012 kl. 18:10]

Að ganga í ESB og taka upp evru er augljósasta skrefið.

Til hagsbótar fyrir þjóðina.