Við fáum minna og minna fyrir krónurnar!

Í frétt á www.visir.is segir: "Tólf mánaða verðbólga í Evrópu var hvergi meiri en á Íslandi í síðasta mánuði, samkvæmt samræmdri neysluverðsvísitölu sem Hagstofa Evrópusambandsins. Verðbólgan var 6,7% á Íslandi en meðaltalsverðbólga í ríkjum innan Evrópusambandsins var 3,0%."

Athugasemdir

[Jón Valur Jensson, 15.3.2012 kl. 01:10]

Og hvað með það?!

Menn hafa líka fengið nokkrar kauphækkanir á þessum 12 mánuðum.

Þið eruð þó ekki að mæla með þessu stórvarasama evrufyrirbæri?

[Þorsteinn Briem, 15.3.2012 kl. 12:16]

Semsagt, engir Íslendingar tóku hér lán í erlendri mynt, gengi íslensku krónunnar hrundi ekki haustið 2008, engir Íslendingar töpuðu einni einustu krónu vegna gengishrunsins og hér eru ekki gjaldeyrishöft.

Ísland best í heimi! - Myndband

[Þorsteinn Briem, 15.3.2012 kl. 12:36]

Frá áramótum hefur gengi evrunnar gagnvart íslensku krónunni HÆKKAÐ um 4,81% og gagnvart Bandaríkjadollar um 0,92%.

Og frá því evruseðlar voru settir í umferð í ársbyrjun 2002 hefur gengi evrunnar gagnvart Bandaríkjadal HÆKKAÐ um 45,1% og breska sterlingspundinu um 33,85%.

OG VERÐ Á OLÍU ER SKRÁÐ Í BANDARÍKJADOLLURUM.

Árið 2011 HÆKKAÐI gengi evrunnar gagnvart íslensku krónunni um 3,38% og frá ársbyrjun 2006 hefur gengi evrunnar gagnvart íslensku krónunni HÆKKAÐ um 122,85%.

[Jón Valur Jensson, 16.3.2012 kl. 14:18]

Ég var ekki að fullyrða þetta, sem þú skrifar þarna kl. 12:16 í gær, Steini; þarna var vissulega djúp kreppa eftir of háa skráningu krónunnar um nokkurt árabil. En hitt skaltu vita, að þrátt fyrir meiri verðbólgu hér að meðaltali en í nágrannalöndum og þrátt fyrir gengissig gegnum árin koma að jafnaði alltaf til meiri kauphækkanir hér en í þeim löndum, þannig að það er alls ekkert sjálfgefið, að launaumslögin dugi fyrir minni erlendum varningi en fyrir t.d. 10 eða 20 árum.

[Þorsteinn Briem, 16.3.2012 kl. 14:33]

Hlutfall evrusvæðisins í útflutningsvog Seðlabanka Íslands árið 2010, byggðri á vöru- OG þjónustuviðskiptum árið 2009, var 52% en vöruviðskiptum 60%.

Evrur eru gjaldmiðillinn í Þýskalandi og Þjóðverjar nota að sjálfsögðu sínar evrur til að kaupa ál og sjávarafurðir héðan frá Íslandi.

Einnig þegar þeir ferðast til Íslands og kaupa hér alls kyns vörur og þjónustu.

Þjóðverjar kaupa þá íslenskar krónur, þar sem þær eru gjaldmiðill okkar Íslendinga, rétt eins og við kaupum evrur þegar við ferðumst til Þýskalands.

Og vegna gengishruns íslensku krónunnar þurfa bandarísk álfyrirtæki að greiða MUN FÆRRI Bandaríkjadali vegna launa og þjónustu hér á Íslandi, þar sem þau geta nú keypt mun fleiri íslenskar krónur en áður fyrir hvern Bandaríkjadollar.

Ýmsar hrávörur, til dæmis ál og olía, eru hins vegar SKRÁÐAR í Bandaríkjadollurum og frá því evruseðlar voru settir í umferð í ársbyrjun 2002 hefur gengi evrunnar HÆKKAÐ gagnvart Bandaríkjadal um 45,14%.

En frá ársbyrjun 2006 hefur gengi Bandaríkjadals gagnvart íslensku krónunni hins vegar HÆKKAÐ um 102,05% og hér á Íslandi er olía og bensín að sjálfsögðu selt í íslenskum krónum en evrum í Þýskalandi.