Krónan sekkur sem steinn - þrátt fyrir höft!

Krónan sekkur sem steinn, þrátt fyrir höft. Á www.visir.is segir:

"Gengi krónunnar er orðið veikara en það var þann 6. mars s.l. þegar Seðlabankinn ákvað að grípa inn í gjaldeyrismarkaðinn til að styrkja gengið.

Gengisvísitalan er komin í 229 stig og er það með orðin hærri en hún var fyrir þremur vikum síðan þegar Seðlabankinn seldi 12 milljónir evra eða sem svarar til rúmlega tveggja milljarða króna á gengi dagsins í dag. Evran kostar núna tæplega 169 krónur og dollarinn er kominn í rúmar 126 krónur."

Síðar segir í fréttinni: "Daginn sem Seðlabankinn beitti inngripum styrkst gengi krónunnar um rúmt prósent. Sú styrking er horfin.

Athygli vekur að síðan þessum inngripum var beitt hafa gjaldeyrishöftin verið hert að mun. Það virðist lítil sem engin áhrif hafa haft til styrkingar á gengi krónunnar."

Athugasemdir

[Sigurgeir Jónsson, 27.3.2012 kl. 21:01]

Og þeir kætast sem vilja taka upp evru.Litlu verður Vöggur feginn.En evru liðið gætir ekki að því að stöðugur áróður fyrir því að krónan sé ónýtur gjaldmiðill, bitnar jafnt á þeim eins og öðrum, og stuðlar að meira falli hennar með hugsanlegu landshruni.Nei við kátínu ESB yfir falli krónunnar.

[Þorsteinn Briem, 27.3.2012 kl. 21:30]

Frá áramótum hefur gengi evrunnar gagnvart íslensku krónunni HÆKKAÐ um 6,24% og gagnvart Bandaríkjadollar um 3,16%.

Og frá því evruseðlar voru settir í umferð í ársbyrjun 2002 hefur gengi evrunnar gagnvart Bandaríkjadal HÆKKAÐ um 48,33% og breska sterlingspundinu um 34,1%.

OG VERÐ Á OLÍU ER SKRÁÐ Í BANDARÍKJADOLLURUM.

Árið 2011 HÆKKAÐI gengi evrunnar gagnvart íslensku krónunni um 3,38% og frá ársbyrjun 2006 hefur gengi evrunnar gagnvart íslensku krónunni HÆKKAÐ um 125,89%.