Andstæðingum aðildar fækkar í nýrri könnun

Félagsvísindastofnun birti í vikunni niðurstöður könnunar, sem segir að 53,8% þeirra sem svöruðu, séu á móti aðild að ESB og 27,5% vildu ganga í ESB. Óákveðnir eru tæp 19% og hefur einnig fjölgað miðað við kannanir Capacent.

Sé könnun Capacent frá því í febrúar um sömu spurningu (aðild) skoðuð kemur í ljós að andstæðingum aðildar hefur fækkað um 2,4% en þeim sem vilja aðild hefur heldur fjölgað.

Og miðað við aðra könnum Capacent (sama spurning) frá því í ágúst 2011, hefur þeim sem hafna aðild fækkað um heil 10,7%.

Þetta án þess að aðildarsamningur liggi fyrir. Þá mun málið endanlega skýrast og þá fær þjóðin að kjósa um samninginn.

Athugasemdir

[Eyjólfur Jónsson, 28.4.2012 kl. 13:05]

Hallelúja!! við eeeerum að vinna! vantar bara 50-60% svo erum við laus við allar skuldir,alla banka,alla kvótakalla,alla fjármálabraskara,alla kommúnista, alla íslendinga alla.......

[Hjörtur J. Guðmundsson, 28.4.2012 kl. 13:06]

Tja, í skoðanakönnuninni sem þið vísið til í Ágúst 2011 var aðeins tekið mið af þeim sem sögðust styðja inngöngu í Evrópusambandið eða hafna henni. Óákveðnir voru ekki teknir með í myndina eins og í könnuninni nú. Þetta er því vitanlega ekki sambærilegt :)

[Hans Haraldsson (IP-tala skráð) 28.4.2012 kl. 13:08]

Breytingin frá í febrúar er nálægt skekkjumörkum.

Í fréttum af könnuninni í ágúst 2011 var aðeins birt hlutfall þeirra sem tóku afstöðu, þ.e.a.s óákveðnir ekki teknir með í reikninginn (hægt að sjá niðurstöðuna hér).

Ef þessi könnun er reiknuð á sama hátt er andstaðan rúm 66%. Aukningin er innan skekkjumarka en augljóslega dregst andstaða ekki saman.

[Eyjólfur Jónsson, 28.4.2012 kl. 13:39]

Þetta er bara ansi gaman! Ég læt Hana Gabríellu stinga upp á andmælum og meðmælum, allt eftir þörfum. Hún er reyndar 12 ára gömul tík, en kann bara ansi mikið! eins og hann Össur td.

[Evrópusamtökin, www.evropa.is, 28.4.2012 kl. 13:47]

Það sem hinsvegar skiptir raunverulega máli er "könnunin" sem fram þegar aðildarsamningur liggur fyrir. Fram að því eru kannanir e.t.v bara fyrirbæri til að rífast um eins og á bloggi sem þessu. Og það laðar líka fram ýmsa grínista! Hér er t.d. mun meira grín en á bloggi Nei-samtakanna, sem leyfa engin skoðanaskipti! Það er þeirra stíll!

[Jón Valur Jensson, 28.4.2012 kl. 14:26]

Íslendingar hafa stoltir sagt NEI í Icesave-málinu. Menn verða að standa með sjálfum sér og segja því stundum "nei!" og það er bezt að draga það ekki -- og gefa stórveldinu ekkert tækifæri til að ausa yfir okkur áróðri fyrir hundruð milljóna króna (ein áróðursgusan verður núna heila viku í byrju maí!).

En hvaða "blogg Nei-samtakanna" eigið þið við hér? Samtökum, sem taka afstöðu gegn eða gjalda varhug við ESB-inntöku lands og þjóðar fer fjölgandi. Ein þau nýjustu eru Samtök um rannsóknir á Evrópusambandinu og tengslum þess við Ísland (fullveldi.blog.is).

PS. Paþetískt er að horfa upp á viðleitni hér til að gera sem minnst úr þeirri staðreynd, að um tvöfalt fleiri Íslendingar eru andvígir Esb-inngöngu heldur en hinir; ennfremur er miklu meiri þungi (einurð) í andstöðumönnunum heldur en í afstöðu Esb-manna. Mjög andvígir eru þannig margfalt fleiri en mjög hlynntir Esb-inngöngu.

[Þorsteinn Briem, 28.4.2012 kl. 14:35]

Brandarasmiðirnir FULLYRTU fyrir mánuði að Ólafur Ragnar Grímsson yrði áfram á Bessastöðum eftir kosningarnar nú í júní.

[Jón Frímann Jónsson, 28.4.2012 kl. 16:32]

Jón Valur, Hvernig ætlar þú að útskýra afstöðu þína þegar íslendingar tapa Icesave málinu fyrir EFTA dómstólnum ?

Eða ætlaru bara að væla eins og venjulega um hvað heimurinn sé óréttlátur eins og þú gerir alltaf þegar þú tapar rökræðunni og staðreyndum málsins.

[Ómar Bjarki Kristjánsson, 28.4.2012 kl. 17:12]

þá ætlar hann að taka upp veskið og borga. Djók.

[Þorsteinn Briem, 29.4.2012 kl. 00:05]

Karlinn er á hákarlaveiðum.

[Jón Valur Jensson, 29.4.2012 kl. 00:21]

EFTA-dómstóllinn getur ekki skikkað Íslendinga til að borga.

Málið yrði endanlega í höndum Hæstaréttar Íslands, sem skoða myndi Icesave-málið út frá miklu fleiri forsendum en fordómafullir ESA-ásakendur og Breta- og Hollendinga-verjandi* Evrópusambandið gera frammi fyrir EFTA-dómstólnum.

* Þar á ég ekki við brezka og hollenzka borgara, heldur brezka ríkið og það hollenzka og stjórnmálastéttina sem arð þar svo illilega á.

[Jón Valur Jensson, 29.4.2012 kl. 00:23]

En þið, Brown- og Darling-vinirnir, hafið náttúrlega aldrei skilið þetta og skammizt ykkar ekki enn fyrir Icesave-greiðslukröfurnar gegn íslenzku þjóðinni, kröfur sem þið vörðuð eins og þið ættuð lífið að leysa!

[Jón Valur Jensson, 29.4.2012 kl. 00:24]

Og til hamingju með nýjustu skoðanakannanir!

[Þorsteinn Briem, 29.4.2012 kl. 00:25]

[Jón Valur Jensson, 29.4.2012 kl. 02:33]

Ef þið sættið ykkur við, að hláturkarlar séu ykkar "rök" í málinu, þá er ég bara þeim mun hressari með það!