Hagfræði Nei-sinna...

...er hreinasta snilld: "Öll Suður-Evrópa þarf á gengisfellingu að halda, á bilinu 20-40 prósent."

Með tilheyrandi skuldaukingu, kaupmáttarskerðingu, etc. etc.

Æðislegt - bara æðislegt.

Hér eru komnir hinir hreinræktuðu "Hrun-sinnar" !

Athugasemdir

[Örn Ægir Reynisson, 21.6.2012 kl. 23:57]

Hinn fámenni hópur já sinna vill frekar fá kreppu um allan hnöttin en að gjaldfella sökudólgin evruna.

[Örn Ægir Reynisson, 22.6.2012 kl. 00:23]

Sjaið einn af kommúnistum Evrópusambandsins reyna að kenna Bandaríkjunum um Evruklúðrið sama aðferðarfræðin hjá Samfylkingunni og ESB koma alltaf eigin sök á aðra stinga hausnum í sandin og neita að horfast í augu við sannleikan þó hann blasi við öllum og reyna að klína sökinni á aðra allt Sjálfstæðisflokknum að kenna.

[Örn Ægir Reynisson, 22.6.2012 kl. 00:24]

http://www.youtube.com/watch?v=_TGeVoosirg

[Þorsteinn Briem, 22.6.2012 kl. 01:16]

5.6.2012:

Landsframleiðsla Grikklands myndi falla um 25-50% árið eftir að landið yfirgæfi evrusvæðið og tæki upp sjálfstæðan gjaldmiðil, samkvæmt niðurstöðu rannsóknar sem unnin var af franska bankanum Société Générale.

Og kaupmáttur Grikkja með nýjan gjaldmiðil yrði 50% minni en hann er nú með evruna sem gjaldmiðil.

Kaupmáttur Grikkja yrði helmingi minni með nýjan gjaldmiðil

[Örn Ægir Reynisson, 22.6.2012 kl. 01:57]

Ferðamenn myndu flykkjast til Grikklands úr öllum áttum atvinna og útflutningur aukast og landið kæmist út úr kreppuni mikið fyrr

[Örn Ægir Reynisson, 22.6.2012 kl. 02:00]

Einhverjir franskir og þýskir bankar færu á hausinn skítt með það

[Jón Frímann Jónsson, 22.6.2012 kl. 11:55]

Andstæðingar Evrópusambandsins eru núna farnir að halda því fram að gjaldeyrishöft verði sett í Evrópusambandinu. Þeir byggja mál sitt á úttektartakmörkunum sem er að finna í Evrópskum bönkum, og líka takmörkunum á hversu mikin pening fólk getur millifært milli landa.

Þetta hefur ekkert með gjaldeyrishöft að gera. Hinsvegar hefur þetta allt með varnir gegn peningaþvætti að gera, og annað slíkt. Hérna í Danmörku eru takmarkanir á því hversu mikið maður getur tekið útúr hraðbanka (5.000 til 10.000 DKK), og síðan eru væntanlega einhverjar takmarkanir á því hversu mikið maður getur tekið út hjá gjaldkera. Ég veit þó ekki hver þau takmörk gætu verið.

Þetta er auðvitað ekkert nema tómt rugl í andstæðingum Evrópusambandsins.

[Magnús Helgi Björgvinsson, 22.6.2012 kl. 16:28]

Hvaðan myndu ferðamnn flykjast til Grikklands við gengisfall evrunar. Andskotans vitleysa er þetta. Bendi á að megin straumur ferðamanna til Grikklands eru fólk sem hefur Evruna! Sem og að vegna viðskipta myndi dollarinn fylgja með. Og um leið yrði það áfall fyrir útflutningsfyrirtæki hér. Nú eða að dollarinn stæði þetta af sér þá myndi samt verða að fella krónuna því að útflutningstekjur okkar myndi rýrna svo mikið. Sem og eftirspurn.

[Bragi, 22.6.2012 kl. 20:54]

Ágætt væri ef pistlahöfundur myndi vita eitthvað um hagfræði áður en sett er út á vísindagreinina.

Það er talað um innri gengisfellingu, þar sem laun eða annar óbeinn kostnaður vinnuafls er lækkaður svo samkeppnishæfni þjóðarinnar aukist, svo útflutningur þjóðarinnar aukist (og innflutningur minnki), svo viðskiptajöfnuður fari úr halla yfir í afgang, svo þjóðin haldi ekki afram að sanka að sér skuldum eins og gerist þegar það er viðskiptahalli.

Laun og kostnaður í S-Evrópu er of hár núna, engin leið til að laga það með gengislækkun eða gengisfellingu. Því þurfa þessar breytingar að gerast með mun hægari hætti í gegnum vinnumarkaðinn og því er atvinnuleysi enn að aukast i þessum löndum. Vandamálið er bara að þetta gerist svo hægt, jafnvel of hægt að margra mati því viðskiptahallinn er enn til staðar að ég held.

Það er það sem Nei-sinnar tala um. Allavega þeir sem vita um hvað þeir eru að tala.

Sjá http://en.wikipedia.org/wiki/Internal_devaluation

[Þorsteinn Briem, 22.6.2012 kl. 21:33]

Verð á íslenskum sjávarafurðum hefur verið hátt erlendis undanfarin ár og verður það áfram vegna mikillar eftirspurnar.

Íslenskur sjávarútvegur hefur því enga þörf fyrir gengisfellingu íslensku krónunnar, sem hækkar hér verð á aðföngum, til að mynda skipum, varahlutum, olíu, veiðarfærum og kosti.

Og sömu sögu er að segja af öðrum útflutningsgreinum hér, til að mynda iðnaði og ferðaþjónustu, þar sem lækkun á gengi íslensku krónunnar þýðir til dæmis verðhækkun á bifreiðum, tækjum, varahlutum, olíu og bensíni.

Og í landbúnaði hækkar gengisfelling íslensku krónunnar verð á til að mynda dráttarvélum, olíu, varahlutum, tilbúnum áburði og kjarnfóðri.

Þar af leiðandi hækkar hér verð á sjávarafurðum, iðnaðar- og landbúnaðarvörum, svo og innfluttum byggingavörum, verðbólgan eykst því og öll verðtryggð lán hækka.

Sjómenn jafnt sem forstjórar þurfa þar af leiðandi að greiða hér hærra verð en áður fyrir til dæmis matvörur, bifreiðar, bensín, varahluti og íbúðarhúsnæði.

Allir launamenn krefjast því launahækkunar til að vega upp á móti gengisfellingunni.

Og að sjálfsögðu eru Hádegismórarnir og aðrir "Sannir Íslendingar" hrifnir af því.

Þeim finnst gott að pissa í skóinn sinn.

Það er hlýtt og notalegt.

[Bragi, 22.6.2012 kl. 22:32]

Satt er þetta Steini; það eru kostir og gallar við báðar leiðir og í raun ekki hægt að henda því fram að önnur leiðin sé betri en hin.

Valkostirnir eru í raun þessir: Viljum við verðbólgu eða langvarandi atvinnuleysi?

Staðreyndin er hins vegar sú að margar þjóðir innan evrunnar hafa upplifað minni efnahagsleg áföll en íslenska þjóðin gerði en hafa samt sem ekki jafnað sig jafnvel. Það hlýtur að vera algjör ráðgáta hjá Já-sinnum. En það eru aðrar ástæður fyrir þeim bata en að krónan sé ömurlegur gjaldmiðill og evran frábær. Annað er rökleysa.

Hvað varðar verðtrygginguna gætir ótrúlegs misskilnings hjá almenningi og þætti mér ekkert betra en að sú umræða kæmist upp á almennilegt plan. Einhver hlýtur ástæðan að vera að ekkert annað þjóðfélag sem er á svipuðu róli og við bjóði upp á verðtryggð neytendalán. Hins vegar er fásinna að halda því fram að verðtrygging hér sé vegna krónunnar. Þetta er mögulega alvarlegur kerfisvandi sem þarf að ræða almennilega um, því fyrr því betra.

[Ómar Bjarki Kristjánsson, 22.6.2012 kl. 22:51]

það er auðvitað miklu miklu betra að gera þetta með innri gengisfellingu. því fylgja miklu miklu minni afleiðingar en með brútal ytri gengisfellingu sem er engin lausn. Hinsvegar verður alltaf togstreyta varðandi innri gengisfellingu og hún tekur tíma. Og hún krefst aga. Til lengri tíma er hún samt miklu mun betri og álitlegri kostur. Svo mikið álitlegri að þar skilur himin, haf og heilu fjallasalirnir.

það sem Andsinnar hérna uppi í f´sinninu átta sig ekki á er, að í Suðurlöndum vita menn allt um þetta. þeir þekkja alveg ytri gengisfellingu og vita hvaða afleiðingar það hefur. Sú vitneskja skilar því AÐ ENGINN, EIGI NOKKUR MAÐUR ÞAR Í LÖNDUM, VILL EÐA TALAR FYRIR ÞVÍ AÐ TAKA UPP EIGIN GJALDMIÐIL. Ekki einu sinni í Grikklandi. það er enginn sem talar fyrir því í Grikklandi að taka upp Drökmu. Enginn. Andsinnar halda það hinsvegar í fávisku sinni. Ekki einu sinn Tsipras töfratrikksgosi talar fyrir upptöku Drökmu.

[Bragi, 22.6.2012 kl. 23:40]

Ómar: Þessar "litlu" afleiðingar hafa í för með sér áframhaldandi hækkandi atvinnuleysi i S-Evrópulöndunum sem erfitt eiga. Slíkt magnar upp pólitiska ólgu meira en þegar gengislækkun/-felling á sér stað. Eru íslensk stjórnmál nógu þroskuð fyrir slíkt? Geta þau sýnt þann aga sem til þarf í landi þar sem þráhyggja er fyrir lágu atvinnuleysi? Mitt svar er nei.

Engin lausn segirðu. Það er alrangt. Báðar aðferðir eru lausnir, bara spurning hvor lausnin er betri. Lausnin hér heima hefur verið sú að það hefur skilað sér í stórauknum gjaldeyristekjum svo skuldsetning okkar geti lækkað, sbr. sjávarútvegurinn, álið, ferðamannaiðnaðurinn, kvikmyndaiðnaðurinn o.s.frv. Jafnvel hörðustu Já-sinnar ættu ekki að neita því. Og þar sem Ísland telst sem auðlindahagkerfi eru komin sterk rök fyrir sjálfstæðum gjaldmiðli.

Af hverju segirðu annars að innri leiðin sé betri?

Annars er eitt sem ég hef aldrei fengið svar við; af hverju neituðu Norðmenn að fara í ESB?

Þú segir jafnframt að enginn tali fyrir því að taka upp eigin gjaldmiðil. Alrangt. Vinstri Grikinn sem tapaði kosningunum um daginn var harður á því að segja skilið við nýjasta (og ekki síðasta) björgunarpakka Grikkja. Slikt hefði haft í för með sér að Grikkir færu úr evrunni. Og hann tapaði naumlega. Nú heyrast jafnvel raddir frá Þýskalandi um að segja sig úr evrunni vegna þess hve hár kostnaður þýskra skattborgara er vegna evrukrísunnar.

[Þorsteinn Briem, 23.6.2012 kl. 00:07]

Í sumum ríkjum Evruríkjum er minna atvinnuleysi en hér á Íslandi en í öðrum meira.

Og í sumum fylkjum Bandaríkjanna er lítið atvinnuleysi en mikið í öðrum.

Samt er Bandaríkjadollar gjaldmiðill allra fylkja Bandaríkjanna.

Hér á Íslandi og í Grikklandi þarf að flytja inn mikið af aðföngum, til að mynda olíu, bensín og bifreiðar, sem alls staðar eru stórir þættir í rekstri ferðaþjónustunnar.

Við gengisfellingu íslensku krónunnar hækkar því verð á aðföngum ferðaþjónustunnar hér, sem vegur að sjálfsögðu upp á móti meiri tekjum vegna gengisfellingarinnar.

Þar að auki krefst starfsfólkið hærri launa vegna aukins kostnaðar við rekstur heimilanna, til að mynda kaupa á bensíni, bifreiðum og varahlutum.

Og það sama yrði að sjálfsögðu uppi á teningnum hjá Grikkjum væru þeir með "sjálfstæðan" gjaldmiðil og gengi hans félli.

[Þorsteinn Briem, 23.6.2012 kl. 00:10]

Stýrivextir Seðlabanka Íslands voru komnir í 18% haustið 2008 og verðbólgan var 18,6% í janúar 2009, þegar Davíð Oddsson var ennþá bankastjóri Seðlabankans.

Og verðbólgan hér var 84% árið 1983 þegar Ragnar Arnalds, átrúnaðargoð Jóns Vals Jenssonar, var fjármálaráðherra.

Grikkir og Írar hafa því ENGAN áhuga á að leita í hans smiðju varðandi "sjálfstæði" smárra gjaldmiðla og 80% Íra eru ánægð með evruna.

EF Írar og Grikkir vildu hins vegar segja sig úr Evrópusambandinu og hætta að nota evruna sem gjaldmiðil sinn væru þeir búnir að því.

Áttatíu prósent Íra ánægð með evruna

[Ómar Bjarki Kristjánsson, 23.6.2012 kl. 00:15]

Eg nenni ekki að skýra út í smáatriðum núna afhverjuinnri gengisfelling er miklu miklu mun betri - en í rauninni blasir það við þegar horft er á afleiðingar hinnar ytri gengisfellingar.

Sko, hérna uppi er alltaf talað eins og ekki sé búið að fara í gegnum þetta útí heimi. Menn tala eins og lönd Evrópu sem áður höfðu sjálfstæða miðla - séu ekki bunar að fara gegnum þessa umræðu og það þurfi bara að segja þeim frá þessri snilli sem ytri gengisfelling er. Ennfremur tala sumir hérna uppi eins og málið í Grikklandi snúist um að einhverjir vilji taka upp Drökmu. Eins og áður er sagt þá vill ekki nokkur maður taka upp Drökmu í Grikklandi og engnn pólitíkus sem berst fyrir því. það er enginn svo vitlaus að fara fram með það..

þetta með atvinnuleysið - að það mundi líka vera til staðar með eigin gjaldmiðli. það er ekkert meira atvinnuleysi núna í þessum löndum en var bara fyrir 20 árum eða svo. Td. í tilfelli Spánar þá fygir óhjákvæmilega atvinnuleysi. Vegna þess að efnahagssamdrátturinn þar er aðallega í byggingargeiranum. Huge samdráttur og mikið af innflytjendum komu á síðustu árum til Spánar. Spánverjum hefur fjölgað alveg gífurlega á síðustu árum. þetta atvinnuleysi jafnar sig ekkert nema á nokkrum misserum og skiptir gjaldmiðill ekki máli.

[Ómar Bjarki Kristjánsson, 23.6.2012 kl. 00:28]

Í sumum hreppum á Íslandi er mikið atvinnuleysi. Í öðrum hreppum lítið. Td. er mikið atvinnuleysi í Suðurnesjahreppi. Eiga þeir þá að taka upp eigin gjaldmiðil? Hvaða tal er þetta!

[Þorsteinn Briem, 23.6.2012 kl. 00:31]

Stýrivextir Seðlabanka Íslands hafa verið miklu hærri en á evrusvæðinu og voru komnir í 13,3% í júní 2007, 15,5% í maí 2008 og 18% í október 2008.

Og verðbólgan var 18,6% í janúar 2009, þegar Davíð Oddsson var ennþá bankastjóri Seðlabankans.

Stýrivextir hérlendis og á evrusvæðinu 2002-2007

Seðlabanki Evrópu ákveður stýrivexti á öllu evrusvæðinu og þeir eru nú 1% en stýrivextir Seðlabanka Íslands 5,75%.

OG HÉR Á ÍSLANDI ERU GJALDEYRISHÖFT.

[Bragi, 23.6.2012 kl. 00:39]

Steini: Það er rétt að atvinnuleysi er mismunandi milli rikja innan evrunnar en það eru bágstöddu ríkin sem eiga það á hættu að splundra samstarfinu eins og það leggur sig. En bágstöddu ríkin eru í þeirri stöðu vegna evrunnar.

Evran kemst ekki nálægt því að vera jafn hagkvæmt myntsvæði eins og Bandaríkin, meðal annars vegna mismunandi tungumála og menningar, sem gerir það að verkum að vinnuafl flyst ekki jafn auðveldlega milli svæða eins og í Bandaríkjunum. Svo vantar auðvitað samþætt ríkisfjármál og bankastarfsemi eins og lagt er til núna. Ef það fer í gegn er það á kostnað lýðræðis, svo einfalt er það.

Almenningur krefst hærri launa en raunlaun lækka engu að síður þegar verðbólguskot á sér stað. Heldur þú því fram að þegar gengislækkun/-felling eigi sér stað að þá sé það í öllum tilvikum verra en innri gengisfelling? Heldur þú því fram að aukinn kostnaður vegna gengislækkunar/-fellingar sé ávallt hærri en þær auknu gjaldeyristekjur sem myndast?

Við erum augljóslega ekki á sama stað og 1984, sem endurspeglast kannski helst í að ársverðbólgan fór hæst í 18,6% við allsherjar efnahagshrun. Og stýrivextirnir fylgdu verðbólgunni. En eins og klisjan segir; hér varð allsherjar efnahagshrun.

Ég bendi ofangreinda færslu mína þegar þú segir að ENGINN áhugi sé til staðar við upptöku eigin gjaldmiðils. Því fer fjarri og gerast raddirnar háværari með hverri vikunni. Hlekkurinn sem þú sendir á mig er síðan 7. júní 2011 þ.a. að hlutfallið er að öllum likindum búið að lækka eitthvað. Ef ég segði við þig að 70% Íslendinga vildu ekki ganga í ESB eða taka upp evruna heldur halda í krónuna, tækirðu því þá þannig að krónan væri réttur gjaldmiðill fyrir þjóðina? Ef ekki, ekki vera að senda mér svona hlekki máli þínu til stuðnings.

Það sem er í gangi á evrusvæðinu nú er það að bönkum er bjargað á kostnað skattborgara, þ.e. ríkin hafa einfaldlega ekki það frelsi að láta bankakerfi flakka. Peningum er dælt inn i banka evrusvæðisins, trekk í trekk. Bankar hafa feykilega mikil völd og það er ekki það sem eg vil sjá í mínu þjóðfélagi. Bankar evrusvæðisins hafa mun meiri völd en hér heima og völd banka eru of mikil hér heima.

[Bragi, 23.6.2012 kl. 00:46]

Ómar: Þú "nennir" ekki að skýra það út vegna þess að þú veist það ekki. Annars er ég hættur að svara þér því það kemur aldrei neitt vit upp úr þér.

[Þorsteinn Briem, 23.6.2012 kl. 01:14]

"Jöklabréf eða krónubréf (e. glacier bonds) eru skuldabréf sem gefin voru út í íslenskum krónum af erlendum aðilum frá ágúst 2005.

Áætlað er að erlendir fjárfestar eigi krónubréf að andvirði 300-400 milljarðar króna, sem er um fjórðungur af landsframleiðslu Íslands.

Forsendur viðskipta sem þessara er mikill munur á vöxtum í hagkerfum viðkomandi landa, hátt sögulegt gengi þess gjaldmiðils sem bréfin eru gefin út í og mikil eftirspurn í því landi eftir lánsfé."

Jöklabréf

[Anna Benkovic Mikaelsdóttir, 23.6.2012 kl. 01:16]

endilega að kíkja á þessa færslu http://www.timarim.is/2012/06/evropa-upplifir-islenskan-veruleika/

[Þorsteinn Briem, 23.6.2012 kl. 01:17]

Gengi íslensku krónunnar HRUNDI þegar íslensku bankarnir OG Seðlabanki Íslands urðu GJALDÞROTA haustið 2008 og Íslendingar í námi erlendis lentu þá í gríðarlegum erfiðleikum.

Evrópusambandsríki, til að mynda Danmörk, Svíþjóð, Finnland og Pólland, lánuðu íslenska ríkinu stórfé og björguðu því frá gjaldþroti.

[Ómar Bjarki Kristjánsson, 23.6.2012 kl. 01:19]

bragi, ástæðan fyrir því að eg nenni því ekki er ma. sú að eg reiknaði fyrirfram með að engar líkur væru á að þú værir fær í umræður á háu leveli. það gekk og eftir.

[Þorsteinn Briem, 23.6.2012 kl. 01:26]

Meðallaun í 72 löndum - Ellefu Evrópusambandsríki fyrir ofan Ísland, þar á meðal Kýpur og Ítalía, en Spánn og Grikkland í næstu sætum

[Þorsteinn Briem, 23.6.2012 kl. 01:34]

Það væri nú harla einkennilegt ef gríðarleg lækkun á gengi íslensku krónunnar undanfarin ár hefði ekki valdið mikilli verðbólgu hérlendis.

Flest aðföng og vörur hér eru innfluttar og þegar gengi íslensku krónunnar lækkar, til að mynda gagnvart evrunni, þarf að sjálfsögðu að greiða fleiri krónur fyrir hverja evru.

Þar af leiðandi hækkar verð á vörum frá evrusvæðinu í verslunum hérlendis, svo og verð á vörum framleiddum með aðföngum frá evrusvæðinu, verðbólgan hér eykst því og verðtryggð lán hækka.

Frá ársbyrjun 2006 hefur gengi evru gagnvart íslensku krónunni hækkað um 112%.

Og hlutfall evrusvæðisins í útflutningsvog Seðlabanka Íslands árið 2010, byggðri á vöru- OG þjónustuviðskiptum árið 2009, var 52% en vöruviðskiptum 60%.

Við Íslendingar höfum enga góða ástæðu til að skipta þeim evrum, sem við fáum fyrir sölu á vörum og þjónustu, í íslenskar krónur og þeim svo aftur í evrur með tilheyrandi gríðarlegum kostnaði.

[Þorsteinn Briem, 23.6.2012 kl. 02:05]

15.5.2012:

"Á síðastliðnum 18 árum hafa stýrivextir Seðlabanka Íslands verið á bilinu 4,25% til 18%.

Bankinn hefur fjórum sinnum á tímabilinu hafið hækkunarferli sem staðið hefur frá 3 mánuðum upp í rúm 4 ár."

Óverðtryggð lán næm fyrir vaxtahækkunum

[Þorsteinn Briem, 23.6.2012 kl. 02:07]

18.4.2012:

"Verðbólgan var hvergi meiri á Evrópska efnahagssvæðinu en hér á landi í mars síðastliðnum, á sama tíma og dregið hefur úr verðbólgu í flestum löndum Evrópu.

Þetta er sjöundi mánuðurinn í röð sem verðbólgan er mest hér á landi.

Verðbólga mældist 2,7% á evrusvæðinu í mars síðastliðnum, miðað við samræmda vísitölu neysluverðs."

Verðbólgan hvergi meiri á Evrópska efnahagssvæðinu

[Anna Sigríður Guðmundsdóttir, 23.6.2012 kl. 16:57]

Þar sem stjórnsýslan fer fram bak við tjöldin, þar þrífst spillingin.

Á Íslandi er þessari gjör-spillingarstefnu svo sannarlega viðhaldið af núverandi ríkisstjórn og stjórnarandstöðu. Formenn flokkanna eru allir í sama frímúrara-spillingarfeninu.

En stjórnsýsla höfuðstöðva ESB og AGS er síður en svo skárri, heldur er hún ómannúðlega útreiknuð, útsmogin og skipulögð blekkingarstarfsemi bankaræningja-kerfisins. ESB kaupir stjórnmálamenn til að svíkja sína kjósendur.

Þetta er viðbjóðsleg blekkingarstarfsemi ofuraflanna, sem meðal annars eru með sína innstu blekkingarsvikara á ofurlaunum frá ESB og AGS.

M.b.kv.

[Árni Gunnarsson, 23.6.2012 kl. 21:31]

Steini Briem. Varðandi þessar ályktanir þínar um hátt verð á sjávarafurðum okkar er það að segja að markaðir fyrir dýrasta saltfiskinn sem var Grikkland og Spánn er hruninn vegna þess að kaupendu/neytendur eiga ekki peninga.

Þó ótrúlegt sé þá er djúp efnahagslægð í Evrópu sem gleymst hefur að segja þér frá.

Og það mun líklega afar litlu breyta þó Jóhanna Sig. segi í ræðustól á Alþingi að HÚN telji að þessi vandi sé nú bara tímabundinn.

Verra er þó að Össur sem verður að teljast hafa umboð til að tjá sig fyrir okkar hönd er orðinn fastur í trúðshlutverkinu og segir það vera  þjóðum Evrópu til hughreystingar að hann sé að hoppa úti í Belgíu og sækja um inngöngu í ESB fyrir Ísland.

Af hverju kemur mér í hug enskur maður að nafni Jón Gerreksson?