Styrkir frá menntaáætlun ESB til nemenda Listaháskólans

Í frétt á vefsíðu Listaháskóla Íslands segir:

"Í gegnum Leonardo Starfsmenntaáætlun ESB styrkir Listaháskólinn tíu nýútskrifaða nemendur til starfsþjálfunar í Evrópu.

Þeir sem hljóta styrk þetta árið eru Arnar Freyr Guðmundsson BA í grafískri hönnun, Björn Halldór Helgason BA í tónsmíðum, Dóra Hrund Gísladóttir BA í myndlist, Finnur Karlsson BA í tónsmíðum, Gintare Maciulskyte BA í myndlist, Guðrún Theódóra Alfreðsdóttir BA í vöruhönnun, Olga Sonja Thorarensen BA í leiklist, Pétur Ármannsson BA í leiklist, Signý Þórhallsdóttir BA í fatahönnun og Sigríður M. Sigurjónsdóttir BA í fatahönnun.

Listaháskólinn leggur áherslu á að styðja við bakið á nýútskrifuðum nemendum með því að opna fyrir þeim tækifæri til starfsþjálfunar erlendis í sinni grein. Að mati skólans er afar mikilvægt fyrir nemendur að kynnast atvinnuumhverfinu að loknu námi og læra á lögmálin og venjurnar sem þar gilda. Fyrir marga er starfsnámið vendipunktur sem ræður oft miklu um það hvort viðkomandi getur nýtt þekkingu sína og kunnáttu sem fullgildur atvinnumaður. Þá gefur starfsnám erlendis nemendum aukið sjálfstraust til að lifa og starfa í fjölmenningarlegu samfélagi, þeir læra að hugsa og tjá sig um starfsgrein sína á nýju tungumáli og ávinna sér um leið tengsl á alþjóða vettvangi."

Athugasemdir

[Jón Valur Jensson, 21.9.2012 kl. 11:30]

Þetta er mikil auglýsingastarfsemi hjá ykkur fyrir stórveldið.

[Þorsteinn Briem, 21.9.2012 kl. 12:38]

"Á undanförnum 15 árum hafa nærri 14 þúsund Íslendingar farið utan í starfsþjálfun og nám á vegum Menntaáætlunar Evrópusambandsins.

Og mun fleiri hafa tekið þátt í margvíslegum verkefnum.

Samtals eru STYRKIR Menntaáætlunar Evrópusambandsins og forvera hennar um FIMM MILLJARÐAR KRÓNA á þessu tímabili."

Afmælishátíð Menntaáætlunar Evrópusambandsins 2010

[Þorsteinn Briem, 21.9.2012 kl. 12:43]

Það eru sem sagt "LANDRÁÐ" hjá þúsundum Íslendinga að þiggja alla þessa styrki frá Evrópusambandinu!!!

Og hverjir ætli hafi nú staðið fyrir öllum þessum "LANDRÁÐUM"?!

Ætli það hafi ekki verið Davíð Oddsson, fyrrverandi forsætisráðherra, og Björn Bjarnason, fyrrverandi dóms- og menntamálaráðherra, sem þegið hefur styrki frá íslenska ríkinu til að skrifa um Evrópusambandið!!!

[Þorsteinn Briem, 21.9.2012 kl. 12:48]

Hafa einhverjir andstæðingar aðildar Íslands að Evrópusambandinu safnað undirskriftum nýlega gegn aðild Íslands að Evrópska efnahagssvæðinu og Schengen-samstarfinu, og ef svo er, hversu margar undirskriftir fengu þeir?!

[Þorsteinn Briem, 21.9.2012 kl. 12:49]

Semsagt, andstæðingar aðildar Íslands að Evrópusambandinu VILJA að Ísland EIGI ÁFRAM aðild að Evrópska efnahagssvæðinu og Schengen-samstarfinu OG HAFI ÞAR ENGIN ÁHRIF, þrátt fyrir að TAKA UPP FLEST LÖG Evrópusambandsins.

Þeir vilja hins vegar EKKI að Ísland fái aðild að Evrópusambandinu og HAFI ÞAR ÁHRIF á löggjöf sambandsins og Schengen-samstarfið.

[Jón Valur Jensson, 21.9.2012 kl. 23:04]

Þú misnotar orðið 'landráð', Steini, og skrifar með upphafsstöfum í þokkabót, sennilega til að reyna að gera aths. mína afkáralega, en inntakið er ekki frá mér, heldur allt frá þér! Þetta er því e.k. sýnikennsla þín í því, hvernig EKKI á að haga sér í rökræðum, enda er þetta einföld rökvilla: að þykjast geta sýnt fram á að eitthvað, sem aldrei var haldið fram, sé vitleysa. Þú getur flett þessu upp í rökfræðibókum.

[Jón Valur Jensson, 21.9.2012 kl. 23:10]

Vitaskuld kallaði ég námsmenn og starfsþjálfunarfólk, sem þiggur styrk frá landi eða stórveldi, ekki 'landráðamenn' þess vegna. Ýmsir geta þó framið landráð, einkum stjórnmálamenn, stjórnarerindrekar, njósnarar og skemmdarverkamenn eða samherjar erlends ríkis í stríði gegn landi hans sjálfs. Um þetta geta menn lesið landráðabálk almennra hegningarlaga.

Svo er ég og margir mínir samherjar andvígir EES-samningnum og ekki síður Schengen-samkomulaginu.

[Þorsteinn Briem, 22.9.2012 kl. 00:58]

Fyrsta ráðuneyti Davíðs Oddssonar 30. apríl 1991 - 23. apríl 1995

12.1.1993:

Evrópskt efnahagssvæði - Frumvarpið samþykkt: 33 sögðu já en 23 nei og 7 greiddu ekki atkvæði.

Af þeim 33 sem samþykktu frumvarpið um Evrópska efnahagssvæðið voru 23 sjálfstæðismenn, eða 70% þeirra sem samþykktu frumvarpið.

Já sögðu:

Árni R. Árnason, Árni Johnsen, Árni M. Mathiesen, Björn Bjarnason, Davíð Oddsson, Egill Jónsson, Eiður Guðnason, Einar K. Guðfinnsson, Geir H. Haarde, Guðjón Guðmundsson, Guðjón A. Kristjánsson, Guðmundur Hallvarðsson, Guðmundur Árni Stefánsson, Hermann Níelsson, Jóhanna Sigurðardóttir, Jón Baldvin Hannibalsson, Karl Steinar Guðnason, Lára Margrét Ragnarsdóttir, María E. Ingvadóttir, Pálmi Jónsson, Rannveig Guðmundsdóttir, Salome Þorkelsdóttir, Sigbjörn Gunnarsson, Sighvatur Björgvinsson, Sigríður A. Þórðardóttir, Sólveig Pétursdóttir, Sturla Böðvarsson, Svanhildur Árnadóttir, Tómas Ingi Olrich, Vilhjálmur Egilsson, Þorsteinn Pálsson, Þuríður Pálsdóttir og Össur Skarphéðinsson.

Og Ísland undirritaði samning um aðild að Schengen-samstarfinu, ásamt öðrum Norðurlandaþjóðum, 19. desember 1996, þegar Davíð Oddsson var forsætisráðherra.

Schengen-samstarfið

Annað ráðuneyti Davíðs Oddssonar 23. apríl 1995 - 28. maí 1999

[Þorsteinn Briem, 22.9.2012 kl. 01:00]

Ólafur Þ. Stephensen ritstjóri Fréttablaðsins og fyrrverandi ritstjóri Morgunblaðsins:

28.6.2011:

"Nýtt skeið í aðildarviðræðum Íslands og Evrópusambandsins hófst í gær. Þá lauk formlega rýnivinnunni þar sem löggjöf Íslands og ESB var borin saman og hinar eiginlegu samningaviðræður hófust.

Rýnivinnan TÓK ÓVENJULEGA STUTTAN TÍMA, um átta mánuði.

Það sýnir annars vegar að viðræðuferlið er skilvirkt og hins vegar að Ísland er vel undir aðild að Evrópusambandinu búið.

Fram hefur komið að 21 KAFLA AF 33 í regluverki Evrópusambandsins hafi Ísland ÞEGAR leitt að mestu eða öllu leyti í íslenzk lög.

Það er til vitnis um þá AÐLÖGUN ÍSLANDS að regluverki Evrópusambandsins sem átt hefur sér stað á þeim sautján árum sem samningurinn um Evrópska efnahagssvæðið hefur verið í gildi.

Ísland er einfaldlega MIKLU LENGRA KOMIÐ Í AÐLÖGUN SINNI AÐ SAMBANDINU EN ÖNNUR RÍKI sem sótt hafa um aðild."

[Jón Valur Jensson, 22.9.2012 kl. 23:27]

Niður með Esb.