Dr. Jón Ormur Halldórsson um Breta og ESB

Það er alltaf athyglisvert þegar Dr. Jón Ormur Halldórsson stingur niður penna, að þessu sinni í grein í Fréttablaðinu um Breta, ESB og fleira. Grein Jóns hefst með þessum orðum:

"Það gekk illa hjá Bretum að komast inn í Evrópusambandið. Frakkar, undir forustu de Gaulle, beittu tvívegis neitunarvaldi gegn aðild Bretlands. Hann sagði Breta skorta pólitískan vilja til að vera hluti af Evrópu. Nú vill stór meirihluti Englendinga og kannski helmingur Skota að Bretland segi sig úr ESB.

Veik staða

Síðustu misseri hefur staða Breta innan ESB verulega veikst. Bretar hafa í áratugi beitt hótunum til að knýja fram sérkjör fyrir sig og til að stöðva aukna samvinnu innan ESB. Hótanirnar virka hins vegar ekki lengur. Þetta er einfaldlega vegna þess að margir sjá núorðið brottför Breta sem lausn á þrálátu vandamáli ESB frekar en ógn við sambandið. Bretar eiga orðið fáa vini innan ESB og enga aðdáendur. Kenning de Gaulle var rétt fyrir hálfri öld og er það kannski enn.

Þýðingarlaus landafræði

Það er ekki lengra frá Englandi til Hollands og Belgíu en frá Reykjavík til Vestmannaeyja. Engu að síður geta menn lesið bresku dagblöðin mánuðum saman án þess að sjá mikið bitastætt um Holland eða Belgíu. Með lestri þessara blaða geta menn hins vegar fylgst nokkuð vel með þróun mála á Nýja-Sjálandi að ekki sé minnst á Ástralíu og Kanada. Saga, skyldleiki og tunga ræður þessu. Landafræðin er þögul um afstæðar fjarlægðir."

(Mynd: Fréttablaðið)

Athugasemdir

[Ómar Bjarki Kristjánsson, 30.11.2012 kl. 12:13]

Eg er samt ekki viss um að ef þjóðaratkvæðagreiðsla yrði um málið í Bretlandi að útganga yrði samþykkt. Eg er alls ekki viss um það.

Vegna þess einfaldlega að ESB umræðan í Bretlandi er svo mikill pólitískur leikur. þetta hentar vel til að ná athygli að tala illa um ESB í Bretlandi og flest blöðin þar kynda undir þetta með eilífum slíkum fréttum.

En þegar drægi að kosningum, þá mundi skipta svo miklu máli hvað hin pólitísku öfl myndu segja. Eg er barasta ekkert að sjá að Íhaldsflokkur, Verkamannaflokkur og Frjálslyndir myndu styðja úrsögn úr Sambandinu. Jú jú, einhverjir þingmenn og sona - en ekki flokkarnir í heild.

Umræðan mundi leggjast allt öðruvísi upp þegar á reyndi en hún gerir núna ogeinhverri skamtímavinsældakeppni. Ma. mundi koma mikið til umræðu - hvað ætti þá að koma í staðinn. því miklir hagsmunir eru í húfi fyrir Breta sem kunnugt er.

[Ómar Bjarki Kristjánsson, 30.11.2012 kl. 12:13]

Ps. en hitt er alveg rétt að háttalag Breta í samstarfinu er ekki til fyrirmyndar að öllu leiti.