..."eigum ekki að vera of upptekin af forminu..."

Það var verulega ,,fróðlegt“ viðtalið við Bjarna Benediktsson í þættinum Sprengisandi um síðustu helgi, þann 2. desember.  Þar var Bjarni spurður út í fjölmargt í sambandi við stjórnmálin og hvað hann vill gera ef hann kemst til valda.

Gjaldeyrishöftin voru meðal annars rædd og um þau sagði Bjarni að þau ,,væru ekki vandamál í framtíðinni,“ að því gefnu að við gætum flutt meira út en inn.

En hvað með fjárfestingar erlendra aðila? Hinn danski Lars Christiansen sagði á fundi í vikunni að hann hefði hitt aðila erlendis sem voru að spá að fjárfesta hér, en hefðu snarlega hætt við það vegna haftanna. Það sjá náttúrlega allir að kerfi sem þetta er mönnum ekki bjóðandi.

Það er ekki bjóðandi þjóð sem vill kalla sig þjóð meðal þjóða.

Og það hlýtur að teljast furðulegt að heyra þetta frá formanni flokks sem vill ótakmarkað FRELSI í viðskiptum.

Bjarni viðurkenndi í viðtalinu að við ættum við gjaldeyriskreppu að glíma, en aðspurður um peningamálastefnu Íslands eyddi hann hvað mestum tíma í tala um það ESB hefur verið að gera!

Hann sagði að við ...ættum ekki að vera of upptekin við að horfa á formið...“ og átti þar við hvort við værum t.d. með krónuna eða Evruna, tækjum upp einhliða gjaldmiðil, eða myndum tengjast öðrum gjaldmiðli með einhverjum hætti.

Skiptir það þá bara engu máli? Gætum við þá þessvegna bara tekið upp eða tengst t.d. rússnesku rúblunni eða S-Afríska randinu? Er þetta með gjaldmiðilinn þá bara í raun minniháttar atriði? Ummæli sem þessi frá formanni stærsta stjórnmálaflokks landsins hljóta að vekja fólk til umhugsunar.

Bjarni vill stöðugleika ( vill samt hafa krónuna, sem veldur óstöðugleika!) og talaði mikið um hvernig núverandi ríkisstjórn að hans mati leggur litla áherslu á að reka ríkissjóð með afgangi.

Minnið getur stundum farið illa með okkur, en bara til að hafa það á hreinu, að þá fór Ísland næstum lóðbeint á hausinn haustið 2008, skellur sem kostaði okkur fleiri hundruð milljarða og lokareikningurinn í raun ekki enn á hreinu, því ENGINN veit hvað HÖFTIN kosta nákvæmlega, en ALLIR vita að þau kosta okkur stórar upphæðir. Höftin eru í raun eins og opinn tékki á íslenskt efnahagslíf!

Bjarni sagði að hér á landi ...,,væru sóknarfæri á hverju strái...“ en falla svona ummæli ekki um sjálf sig þegar dæmin raðast upp um aðila sem ekki vilja fjárfesta hér t.d. vegna gjaldeyrishafta?

Allar meiriháttar ákvarðanir í íslenskum utanríkismálum á lýðveldistímanum hafa verið teknar með aðkomu Sjálfstæðisflokksins á einhvern hátt.

Í sambandi við aðildarmálið hafa menn bent á að við aðild hefur utanríkisverslun ríkja aukist um 5 – 15%. Það myndi muna um minna fyrir þjóð eins og Ísland.

ESB er, þrátt fyrir krísuna, stærsta viðskiptaveldi heims, . Með samstilltu átaki væri mjög líklega hægt að nýta sér aðild á margan hátt fyrir íslenskt efnahagslíf. Þetta vita sjálfsagt þeir sem stunda viðskipti og margir þeirra eru jú í Sjálfstæðisflokknum, eða styðja hann.

En ráðamenn stærsta flokks landsins vilja loka þeirri hurð.

Athugasemdir

[Hans Haraldsson (IP-tala skráð) 6.12.2012 kl. 17:52]

Herra Christiansen mun hafa sagt (skv. Eyjunni):

"Umræðan þarf að snúast um þá staðreynd að krónan verður áfram við lýði. Að því er best ég veit er ekki stuðningur á Íslandi við ESB aðild og því er upptaka evru ekki í kortunum, í það minnsta ekki í fyrirsjáanlegri framtíð. Og á meðan evrukrísan er í gangi held ég að enginn geti haldið því fram að upptaka evru nú sé góð hugmynd".

Skáletrunin er mín.

Enginn veit hversu lengi evrukrísan mun vara eða hvernig myntsamstarfið mun líta út þegar henni lýkur og ef núgildandi skilyrði um upptöku evru stæðu óbreytt þyrfti hvort eð er að losa höftin áður en hægt væri að taka upp blessaða evruna.

ESB aðild er einfaldlega ekki lausn á vandanum með höftin. Þið eruð að blanda saman tveimur ólíkum og lítið skyldum málum.

[Jón Þór Helgason, 6.12.2012 kl. 22:22]

Samflykinginn né ESB hluti VG hefur ekki áhuga á að framfylgja hugmynd sem Gylfi Magnússon kom fram með árið 2009, að vera með "grænt kort" fyrir fjárfestingar á íslandi á meðan gjaldeyrishöftinn eru. Sú aðferðafræði hefði leyst þetta vandamál. Gylfi hafði náttúrulega ekki getu til að fylgja þessu máli eftir.

Það hentaði ekki ESB áróðri að erl fyrirtæki myndu fjárfesta hér en frekar gera eins og kalþólska kirkjan gerði í gamla daga, hræða fólk til hlýðni.

Að fjárfestinar útlendinga eftir hrun skuli ekki vera meiri en nú er segir meira um hversu lágt Samfylkinginn í báðum stjónarflokkum er tilbúinn að ganga til að tryggjan nokkrum flokksdyndlum góð laun í Brussel.

Og auðvitað góðar mútugreiðslur í Samspillinguna....

[Ómar Bjarki Kristjánsson, 7.12.2012 kl. 01:05]

það er í raun alveg stórmerkilegt félagssálfræðilega séð að fylgjast með umræðunni á íslandi þessi misserin - ef umræðu skyldi kalla. Hún er sjúk. Samanstendur mestanpart af þvílíka bullinu að orð ná tæplega yfir það.

það er svo áberandi þessi ofsi og útlendingaandúð. þessi einkennilega hugmynd sem á afar sterkar rætur í mörgum innbyggjurum að íslendingar séu frábærari en annað fólk og útlendingar séu beisiklí vondir og stórhættulegir en til vara vitlausir.

það er líka eitt sem er áberandi hjá kjánaþjóðrembingum. það er þessi yfirgengilega frekja og nánast ofbeldi.

Guði sé lof að íslendingar eru þó ekki nema 300.000. þeir gera lítið alvarlegt af sér nema þá að svindla á útlendingum og reyna að stela af þeim eins miklu og þeir geta. Svo er menn hissa á að engin nema alþjóðlegir auðhringir, brynvarðir, vilji fjárfesta hérna. Ekki er eg hissa.

[Ómar Bjarki Kristjánsson, 7.12.2012 kl. 01:08]

Og ps. það er líka óhugnalegt í raun að sjá fullorðna menn stöglast á því með einum eða örum hætti að þeir sem eru örlítið víðsýnni og reyna að hugsa fram í tímann varðandi þetta land - séu einhvernveginn svikarar eða á bandi vondra útlendinga.

þetta er bara ekki boðlegt. þetta er sjúkt.

[Helga Kristjánsdóttir, 7.12.2012 kl. 02:54]

Halda svo uppi útlendingum sem Össur lokkar hingað,eða ehv. á hans vegum. Er þetta boðlegt,þjóðin er á leið í annað hrun vegna kolrangrar efnahagstefnu. Komum hægri flokkunum að í vor,þá lifnar yfir lýðnum sem á og ann þessu landi. Þeir kunna að reka velferðarþjóðfélag,vara sig næst á að mynda ekkert með búrókrötum.