Hærra fjárfestingarstig í Grikklandi en hér á landi!

Morgunblaðið birti um áramótin í samstarf við bandaríska storblaðið The New York Times áramótablað sem heitir 2013 TÍMAMÓT. Innihélt blaðið greinar eftir ekki minni menn en Zbigniew Brzezinski, sem var þjóðaröryggisráðgjafi Jimmy Carters á árunum 1971-1981 og fleiri erlenda aðila. Margt gott var í þessu ágæta blaði.

Einnig voru greinar eftir innlenda blaðamenn blaðsins, þar á meðal Hörð Ægisson, viðskiptablaðamann. Í grein hans Bati en blikur á lofti, er að finna þetta:

"Á síðasta ári var fjárfestingarstigið í hinu kreppuhrjáða ríki Grikklandi jafnvel hærra en hér á landi. Þjóðhagsspá Seðlabankans gerir ráð fyrir því að fjárfestingarstigið verði aðeins ríflega 17% í árslok 2014. Hrun í fjárfestingu og innlendri eftirspurn var vissulega óhjákvæmilegur fylgifiskur falls fjármálakerfisins haustið 2008. (Krónan hrundi, innskot ES-bloggið) Því verður þó ekki haldið fram að það sé til marks um öflugan efnahagsbata að fjárfesting verði enn töluvert undir sögulegu meðaltali sex árum frá bankahruni.

Það eru hins vegar blikur á lofti á næsta ári. Hætt er við því að sá efnahagsárangur, sem þó hefur náðst, muni aðeins reynast svikalogn í baksýnisspeglinum ef íslenskir stefnusmiðir misstíga sig þegar kemur að stærsta hagsmunamáli þjóðarinnar um þessar mundir - uppgjöri föllnu bankanna og í kjölfarið lausn aflandskrónuvandans."

Það er áhugavert að velta þessu fyrir sér - hversvegna er fjárfesting/fjárfestingarstig hér á landi ekki meira eða hærra en raun ber vitni? Er það krónan og höftin sem fæla frá?

Lars Christiansen er sennilega á þeirri skoðun, en hann sagði frá því um daginn í heimsókn hér að hann hefði hitt viðskiptamenn sem einmitt lýstu því að þeir hefðu hætt við fjárfestingar vegna haftanna.

Grikkir eru hinsvegar með alþjóðlega sterkan og gjaldgengan gjaldmiðil, Evruna.

Skiptir þetta máli? 

Krónan fellur enn og hún hefur ekki þýtt raunaukningu á útflutningi frá landinu, en þetta eru einmitt helstu rök áköfustu "krónusinna"!

Leturbreyting í tilvitnun: ES-bloggið.

Athugasemdir

[Sigurgeir Jónsson, 4.1.2013 kl. 00:55]

ESB þegir yfir því að fjárfestingin í Grikklandi er að uppistöðu frá ríkjum utan Evrópu til að mynd Kína, vegna þess að hægt er að fá eignir í Grikklandi á brunaútsölu.Sú fjárfesting skapar Grikkjum engan auð,ekki frekar en Spánverjum þar sem eins er ástatt og atvinnuleysi er yfir 20%.ESB lygin á sér engin mörk.Nei við ESB.

[Sigurgeir Jónsson, 4.1.2013 kl. 01:00]

ESB krefst afnáms haftanna, þótt það viti að slíkt þýðir fall krónunnar um að minsta 40% prósent ef miðað er við gengi Seðlabanka Evrópu á íslenskri krónu.Slíkt þýðir að sjálfsögðu gjaldþrot íslensku þjóðarinnar.ESB er efnahagsleg hryðjuverkasamtök hvað Ísland varðar.Nei við ESB.

[Gunnar Hólmsteinn Ársælsson, 4.1.2013 kl. 15:20]

Hvaða sannanir hefu þú fyrir því að ESB þegi yfir því að fjárfestingar komi frá Kína? Fyrst þú hefur komist að því, þá er það varla leyndamál!

Og heldur þú virkilega að höftunum verði aflétt án stuðningsaðgerða? Hefur þú áhuga á öðru krónuhruni? Og auðvitað er þetta sönnun þess hve veikleikar krónunnar eru gríðarlegir - hún getur ekki staðið á eigin fótum!

Menn verða nú smám saman að fara að viðurkenna þá staðreynd.

[Gunnar Hólmsteinn Ársælsson, 4.1.2013 kl. 15:25]

....þar að auki er þetta að finna á netinu: "• Investment activity in Greece originates primarily from companies in important markets such as the EU..."

http://www.investingreece.gov.gr/default.asp?pid=21