Ísland þarf alvöru gjaldmiðil

Fróðlegt er að fylgjast með samningamálum á vinnumarkaði. Samtök atvinnulífsins segjast ekki geta borgað hærri laun og sé það gert, muni öllum hækkunum verða hleypt út í verðlagið, sem hækki verðbólguna, sem svo hækki allt verðlag í landinu, sem svo hækki öll verðtryggð lán landsmanna, sem er með lán í "haftakrónu"!

Allt þetta leiðir svo til enn lægri kaupmáttar landsmanna.

Menn eru s.s. logandi hræddir og svona hefur þetta verið í gegnum tíðina. Krónan átti að bjarga öllu eftir hrun, en AF HVERJU GETUR HÚN EKKI REDDAÐ ÞESSU ÞÁ?

Vegna þess að hún er ófær um það!

Ísland þarf alvöru gjaldmiðil.

Athugasemdir

[Sigurgeir Jónsson, 16.1.2013 kl. 18:25]

Er ekki rétt að spyrja Grikki hvaða "alvöru" gjaldmiðil íslendingsr eigi að taka upp til að laun hækki.Þarf ekki framleiðsla hvers lands að vera í samræmi við kaupgetu fólks í viðkomandi landi.Þurfa ekki hagfæðingar ESB að fara í sjálfsskoðun.Nei við ESB.

[Hrólfur Þ Hraundal, 16.1.2013 kl. 21:52]

Alvöru gjaldmiðill, fyrir það fólk sem vilja njóta gæða Íslands er Íslenskur gjaldmiðill. 

Það skiptir engu máli hvað hann heitir en hann verður að vera undir lýðræðislegri Íslenskri stjórn.

Það fólk sem ekki vill skilja þetta og hugnast hvorki þjóð né menning hér norðurfrá, það á að flytja annað og láta Ísland og Íslendinga í friði með sína sérvisku.

[Ívar Pálsson, 16.1.2013 kl. 22:30]

Evran yrði dauðans alvöru gjaldmiðill fyrir Ísland: Við tækjum að okkur 14 ára uppsöfnuð uppblöndunar- mistök heillar álfu, sem endar núna með allsherjar- einveldisstýringu fjármála (ekki aðeins peningamála) algerlega óháð þeim raunveuleika sem við er að glíma á Íslandi hverju sinni.

Eftir að búið er að eiga við 1100 ma. snjóhengjuna með útgreiðslu í krónum og fleiri reglum, þá má athuga með upptöku alþjóðlegs gjaldeyris sem er í takt og sátt við Ísland. Kanadískur dollar er þar fremstur.

En þangað til dugir krónan vel sem stjórntæki til þess að ná fram markmiðum Íslendinga, ekki ESB, IMF eða ECB.

[Stefán Júlíusson, 17.1.2013 kl. 01:47]

Nú kostar evra ca. 172 krónur.  Ég hefði helst viljað að evran kostaði yfir 200 krónur árið 2008.

Ég er nýfluttur til Íslands og þarf að gera tekju og kostnaðaráætlanir í því starfi sem ég er í. 

Það er ansi erfitt og ég þarf að reikna með plús/mínus 15% mismun í tekjum eftir því hvort að gengið styrkist eða ekki.   Það eru 30%.

Fyrst og fremst þurfum við á stöðugum gjaldmiðli að halda.  Ef ég vissi fyrir víst hverjar tekjurnar yrðu, þá væri margt auðveldar, t.d. launahækkanir.

En ég fagna því að Evrópuvaktin er að taka krónuna fyrir og ESB.

Nú var ákveðið að hægja á aðildarviðræðum við ESB.  Getur verið að krónan muni lækka meira vegna þessarar ákvörðunnar?

Evrópuvaktinn þarf að standa sig betur hvað fjórfrelsið varðar.  Einn einstaklingur hefur staðið sig vel og hefur haft áhrif á löggjöf hvað gjaldeyrishöftin og afslátt Seðlabankans á fjárfestingum varðar.

Það væri frábært ef Evrópusamtökin myndu einnig senda umsagnir um löggjöf á Alþingi þegar fjórfrelsið, EES, er í húfi.

[Theódór Norðkvist, 17.1.2013 kl. 07:37]

Gjaldmiðilsmálin eru í hörmulegu ástandi, en lausnin er ekki sú að gefa algjörlega frá sér sjálfstæðið og skríða ofan í skúffu í Brüssel.

Lausnin er frekar að taka peningaprentunarvaldið (lesist: leyfið til að gefa út endalaust af skuldabréfum sem vísa öll á sömu peningana) af fjármálastofnunum.

Hinsvegar er ekki hægt að stjórna gjaldmiðli, eins og Hrólfur talar um. Allir gjaldmiðlar stýrast af lögmálinu um framboð og eftirspurn. Enginn gjaldmiðill, allra síst krónan, er meira virði gagnvart öðrum gjaldmiðlum, en hæsta boð sem berst í hann.