Seðlabankinn búinn að gefast upp á krónunni?

Morgunkorn Íslandsbanka ræðir yfirlýsingu peningastefnunefndar Seðlabanka Íslands, sem gefin var út í morgun og þar segir:

"Áhugavert er að í yfirlýsingu nefndarinnar eru raktar ástæður þess að gengi krónunnar hefur lækkað undanfarið. Segir í yfirlýsingunni að ástæða lækkunarinnar hafi verið lakari viðskiptakjör undanfarið ásamt miklum þunga í gjaldeyrissöfnun vegna afborgana af erlendum lánum. Þeir segja að hætta sé á að sjálfuppfylltar væntingar um lækkun gengis veiki það enn frekar.

Í ljósi þessara aðstæðna, segir í yfirlýsingunni, hefur Seðlabankinn ákveðið að hætta um hríð kaupum gjaldeyris og styðja við gengi krónunnar með inngripum á gjaldeyrismarkaði. Bendir þetta til þess að Seðlabankinn óttist frekari lækkun krónunnar og að bankinn muni mæta slíkri þróun með fleiri inngripum á gjaldeyrismarkaði.

Má segja að með þessu sé Seðlabankinn óbeint að viðurkenna tilvist árstíðarsveiflu í gengi krónu, en til þessa hefur bankinn verið tregur til að taka undir þá skoðun okkar, og raunar flestra sem til þekkja á gjaldeyrismarkaði, að slík sveifla sé til staðar.

Hugmynd bankans er svo væntanlega að kaupa gjaldeyri í talsverðu magni á markaði þegar betur árar með hækkandi sól, enda er svigrúm hans til að nota skuldsettan gjaldeyrisforða sinn til inngripa takmarkað til lengri tíma litið."

Það er greinilega mjög erfitt að eiga við krónuna og í Markaðnum, sérblaði Fréttablaðsins, segir þann 6.2: "Á fimmtudag keypti Seðlabankinn krónur fyrir tólf milljónir evra og styrktist gengi krónunnar um 2,34% þann daginn. Á föstudag hélt bankinn inngripunum áfram og keypti krónur fyrir sex milljónir evra. Þrátt fyrir það veiktist gengið um 0,52%"

Leturbreytingar: ES-bloggið

 

Athugasemdir

[Anna Sigríður Guðmundsdóttir, 6.2.2013 kl. 20:25]

Hver er máttur krónunnar, þegar þeir sem stjórna henni hafa endalausar undanþágur frá eðlilegri stjórnun gjaldmiðils, til að semja lög og brjóta reglur stjórnsýslunnar í sína eigin þágu!

Evra er engin hindrun fyrir svona mannréttindabrota-glæpa-HYSKI stjórnsýslu-auðvaldsins!

Það er eins gott að sem flestir geri sér grein fyrir hver er raunveruleg rót vandans.

M.b.kv.

[Valdimar Samúelsson, 6.2.2013 kl. 21:20]

Hver trúir ESB...Bretar hræddir um auðæfi sín ESB vill að landgrunnur Bretlands sé þeirra.

Erum við ekki að bíða eftir loforði frá ESB með að fla að halda okkar auðæfum. Sjá viðhengi á grein í bloggi mínu http://skolli.blog.is/blog/skolli/

[Lúðvík Júlíusson, 6.2.2013 kl. 21:50]

Hann er ekki búinn að gefast upp á krónunni ef hann er tilbúinn að selja evrur og kaupa krónur í staðinn.

[Valdimar Samúelsson, 6.2.2013 kl. 21:53]

Nokkuð merkilegt að hugsa sér blekkingaleikin.

[Sigurgeir Jónsson, 7.2.2013 kl. 00:10]

Er Már ekki bara farinn að átta sig á því sem Frakklandsforseti er að átta sig á að verð á evrum er of hátt í dag,þegar til framtíðar er litið.Er kanski tilfellið það, að það evrugengi sem Seðlabanki Evrópu skráir íslensku krónuna á gagnvart evru sé of lágt.Eða er Már kanski bara sami ESB rugludallurinn og hann hefur verið. Nei við ESB.

[Sleggjan og Hvellurinn, 7.2.2013 kl. 12:17]

Öll þjóðin er búin að gefast upp á krónunni og verðtryggingunni sem henni fylgir