Hilmar Veigar um gerviveröld gjaldeyrishaftanna

Á Eyjunni stendur: "„[Þ]að er hræðilegt til þess að hugsa að það er ekkert sem bendir til þess að þau færi á næstunni,“ segir forstjóri Össurar um gjaldeyrishöftin. Forstjóri CCP, sem heldur úti tölvuleiknum EVE Online, segir gjaldeyrihöftin skapa ákveðna gerviveröld.

Fjallað er um gjaldeyrishöftin í Markaðnum, fylgiriti Fréttablaðsins um viðskipti. Þar er rætt við þá Sigstein P. Grétarsson, aðstoðarforstjóra Marels, Jón Sigurðsson, forstjóra Össurar og Hilmar Veigar Pétursson, forstjóra CCP, um áhrif gjaldeyrishaftanna.

Hilmar Veigar segir það mögulegt að reka hagkerfi í höftum til frambúðar, þótt sú framtíðarsýn sé óspennandi. Fyrst og fremst séu það fyrirtæki í alþjóðlegum rekstri sem lenda í vandræðum vegna haftanna.

Ísland er 300 þúsund manna hagkerfi sem notar gjaldmiðil sem heitir ISK. CCP rekur 450 þúsund manna hagkerfi sem notar gjaldmiðil sem heitir ISK. Báðir gjaldmiðlar eru undir gjaldeyrishöftum og ég sé einfaldlega ekki mikinn mun á þeim. Það má því segja að gjaldeyrishöftin skapi ákveðna gerviveröld,

segir Hilmar. Höftin koma sér sérlega illa fyrir CCP í samkeppni um starfsfólk, enda fyrirtækið að keppa við stórfyrirtæki á borð við Google og Facebook."

Fyrir utan þessa gerviveröld er svo raunveruleg veröld, þar sem íslenski gjaldmiðillinn er vart skráður sem slíkur. Nóg að fara til Köben til að komast að því!

Athugasemdir

[Sigurgeir Jónsson, 7.2.2013 kl. 20:18]

Aftaníossar ESB á Íslandi hafa gengið um og reynt að ljúga því að fólki að Ísland geti tekið upp evru því sem næst í dag.Sem betur fer eru flestir farnir að sjá í gegnum lygarnar,þar með taldir þeir forstjórar sem tilgreindir eru í Fréttablaðinu,þeir Jón Sigurðsson,Sigursteinn P. Grétarsson og Hillmar Veigar Pétursson.Batnandi mönnum er best að lifa.Nei við ESB.

[Anna Sigríður Guðmundsdóttir, 8.2.2013 kl. 00:00]

Gerviöld gúmmítékka-gjaldmiðla-bankastofnana-embættiskerfis í Evrópu, eru stóra meinið, ásamt allri spillingunni ó-löglegu.

Við Evrópu-alþýðan komumst ekki áfram á betrunarbrautinni, ef við viðurkennum ekki þessa staðreynd. Það á ekki bara við um íslensk stjórnvöld, heldur stjórnvöld allra ríkja Evrópu, og víðar.

Þegar allir hafa viðurkennt þessa bankabrenglunar-staðreynd, þá getum við farið að tala um sameiginlegan gjaldmiðil, en ekki fyrr!

Embættiskerfi Evrópu er allt gegnumsýrt af svikum og bankablekkingum. Útlitið á seðlunum getur ekki breytt þeirri staðreynd, heldur þarf að taka til í stjórnsýslu-dómskerfunum. Þar liggur rót heimsbankaspillta vandans.

M.b.kv.

[Valdimar Samúelsson, 8.2.2013 kl. 10:47]

Auðvita er slæmt að það séu gjaldeyris höft. Ég reyndi að fá 30 punda tjekka til að borga með í Bretlandi en fékk hann ekki vegna hafta. Ég vil samt frekar hafa þessi höft á meðan hér ganga fjárglæframenn á alþjóðavísu sem arðrændu okkur síðustu árin. Vill fólk þetta aftur. Ef einhver vill annað gjaldeyrir þá er hann í raun til boða nú strax hjá Ameríkönum. Engar ESB kvaðir og engin EES  lög svo hvar er þessi vilji manna hér.

Ég vil minna menn á Könnun sem ESB gerði á Íslandi í ágúst síðastliðin 2012 en könnunin hljóðaði upp á að 9% landsmanna vildi sterklega gangast undir lög ESB og samtals í þessari könnun voru aðeins 24% sem gátu hugsað á nótum ESB.  Hverjir gera þessar kannanir fyrir Samfó.

[Lúðvík Júlíusson, 8.2.2013 kl. 12:23]

Valdimar, hvernig færðu það út að gjaldeyrishöft séu slæm fyrir "fdjárglæframenn"?

http://www.visir.is/hagnast-um-66-prosent-a-kaupum-rikisbrefa-med-aflandskronum/article/2011628557058

http://www.visir.is/fjarfestingarleid-sedlabankans-adeins-fyrir-rika-folkid/article/2013130209412

http://www.mbl.is/frettir/innlent/2012/09/27/fa_afslatt_eftir_afskriftir/

Stuðningsmenn hafta verða að gera sér grein fyrir því að þeir eru að styðja áframhaldandi brask með krónuna og á meðan eykst ekki traust hennar eða vegsemd.

[Ómar Bjarki Kristjánsson, 8.2.2013 kl. 12:47]

þó það sé hægt fræðilega og á pappírnum að taka upp dollar einhliða - þá er það ekki raunhæft fyrir Ísland. Og allra, allra síst í þeirri stöðu sem Ísland er þessi misserin.

það væri bókstaflega afar sérstakt, svo ekki sé sterkara að orði kveðið, að taka upp dollar einhliða þegar til boða stendur aðild að EU og upptaka evru.

það að það taki langan tíma að fá evru formlega og algjörlega - þá er bara erfitt að fullyrða um hver sá tímu verður. þarf ekkert endilega að taka svo langan tíma. Líklega þó nokkur ár. En um leið og aðild yrði samþykkt og stefnan tekin á evruna - þá mundi krónan sem slík strax breitast. Hún færi strax að taka mið af evrunni.

En þetta með ,,gerviveröld" innan svæðisins sem notar krónu í höftum bæði á fram og afturfótum - þá er það auðvitað alveg rétt. Mattadorhringavitleysa.

það sem minnst er á, að hvergi sé litið á ísl. krónu sem gjaldmiðil (utan Íslands) þá er það alveg rétt líka - og reyndar finnst mér að sumir íslendingar átti sig tæplega á því. sem er furðulegt miðað við hve algengt er að íslendingar ferðist útum allt.

Svona hefur þetta alltaf verið samt. Eg man alveg eftir í gamla daga þegar maður fór til útlanda sem kallað var. Alveg skrautlegt. Maður þurfti að sækja um með löngum fyrirvara, sækja um aðgang að alvöru gjaldmiðli, og maður fékk ekki einu sinni nema nokkrar danskar krónur beint heldur fékk maður einhverskonar ábyrgðarskírteini barasta frá seðlabanka eða ríkinu og svo þegar maður var kominn út þurfti að skipta þessu í alvöru mynt í bönkum úti sem voru oft bara eitt lítið herbergi í kjallara. þetta var eitthvað að ríkið ábyrgðist að borga viðkomandi banka til baka í gjaldeyri.

Vandamálið á íslandi í kringum gjalmiðilinn var ofsa-þjóðerniskennd. það er td. skrítið, miðað við ruglið á þessari ísl.krónu, að aldrei hafi þróast hreinlega að fólk notaði barasta dönsku krónuna meðfram ísl. krónunni.

[Valdimar Samúelsson, 8.2.2013 kl. 12:52]

Ég vissi ekki betur en að þeir sem nýttu sér að braska með gjaldeyrir okkar væru fjárglæframenn. kaupa erlendan gjaldeyri á lágu verði sem heiðarlegt fólk hafði aflað með útflutningi og selt svo þegar verð var hagstætt þeim. Það voru ekki þeir sem öfluðu erlends gjaldeyris. Hversvegna heldur þú að útgerðarfyrirtækin komu ekki með gjaldeyrin inn í landi aftur. Þeir vissu að aðrir myndu braska með hann.  

[Ómar Bjarki Kristjánsson, 8.2.2013 kl. 13:58]

það er ekki þetta sem er vandamálið. þ.e. að kaupa gjaldeyri til að eiga eða selja. þetta er ekki glæpur í sjálfu sér. þetta er bara frjálsræði sem er í takt við tímana.

Hitt er allt önnur umræða að banka og fjármálastarfsemi nokkurra íslenskra fyrirtækja með Ísland sem heimaríki - það var á sínum tíma orðið allt, allt of stórt fyrir Ísland og þann gjaldmiðil sem kallaður er hér innanlands íslensk króna. Skudbindingarnar í erlendum alvöru gjaldmiðlum voru orðnar svakalegar og í sjálfu sér merkilegt að um 90% landsmanna hafi ekki varað við þessu samfleytt í um 6 ár fyrir 2008. En nei! Enginn varaði við. það fannst öllum þetta bara flott. þeir 2-3 sem vöruðu við Sjöllum og þeirra stefnu gerðu það útfrá öðrum faktorum en heildaráhættu Íslands varðandi skuldbindingar í alvörugjaldmiðlum. það var eins og íslendingar héldu að gjaldeyrir yxi á trjánum niðrí Seðlabanka.

það er þegar gjaldmiðillinn er í höftum sem spillingin og braskið kemur fram í ýmsum myndum. Íslendingar hafa orðið varir við það uppá síðkastið. Fjölmiðlar ættu að fylgja því miklu betur eftir en furðulega hljótt er um þetta brask.

[Anna Sigríður Guðmundsdóttir, 8.2.2013 kl. 22:46]

Ómar. Það eru að mínu mati í raun bankarnir og hertekin stjórnvöld, sem stýra allri þessari vitleysu (viljandi eða blekkt og þvinguð), sem viðgengst í kringum gjaldeyrisblekkingarnar. Seðlabankar Evrópu eru einungis stjórntæki svikara-auðvaldsins, til arðrána og kúgana.

Mér hefur alla tíð fundist óréttlætanlegt að verðmæti hvers gjaldmiðils skuli ekki hafa sannanleg og raunveruleg verðmæti á bak við sig. Gjaldmiðlar voru fyrst teknir í notkun til að auðvelda vöruskipti raunverulegra verðmæta.

Það er óskiljanlegt að sum fyrirtæki á Íslandi geti notað evrur í sínum rekstri, á meðan önnur fá ekki leyfi til þess! Í þessu hrópandi ranglæti felst glæpsamlega stjórnsýslan á Íslandi. Það geta allir verið sammála um það. Þetta er stjórnsýsluspillingar-mein, sem við þjóðfélagsþegnarnir verðum að leiðrétta.

Í dag eru engin sannanleg raunverðmæti á bak við gjaldmiðla heimsins, heldur einungis innistæðu-fallvölt lottó-verðbréf óheiðarlegra verðbréfa-bankabraskara kauphallanna.

Það er ekki gott að þurfa að búa við misgengi gjaldmiðils-verðbréfabraskara-lottóglæpa-stjórnenda heimsins. Þess vegna finnst mér mikilvægt að allir gjaldmiðlar séu raunverulega þess virði sem þeir eru gefnir út fyrir að vera (með innistæðu í raunverulegum verðmætum), sama hvar í veröldinni þeir eru prentaðir.

M.b.kv.