Þórður Snær Júlíusson um loforð úr lofti

Bendum fólki á að lesa mjög áhugaverðan leiðara FRBL þann 12.2 eftir Þórð Snæ Júlíusson. Verðtryggingin og loforð flokkanna vegna hennar er umfjöllunarefnið. Leiðarinn hefst svona:

"Framsóknarflokkurinn hélt flokksþing sitt um helgina. Ein þeirra ályktana sem þar voru samþykktar snýst um afnám verðtryggingar. Útfærsla á að vera tilbúin fyrir árslok 2013. Sjálfstæðisflokkurinn, Vinstri hreyfingin – grænt framboð, Björt framtíð, Hægri grænir og Dögun hafa allir sambærilega stefnu, þó að blæbrigðamunur sé á. Enginn þeirra hefur hins vegar sett fram leið til að framkvæma þetta án þess að setja annað hvort ríkissjóð eða lífeyrissjóðakerfið á höfuðið."

Síðan lýkur Þórður umfjöllun sinni með þessum orðum: "Verðtryggð neytendalán eru galin. Ekkert annað land í heiminum byggir útlánakerfi sitt á slíkum. En þau eru til vegna gjaldmiðilsins. Það er ekki hægt að afnema verðtryggingu nema að skipta út krónunni. Það er ekki ein leiðanna. Það er eina leiðin. Annað er innihaldslaust loft. Vonandi mun komandi ríkisstjórn, sama hvaða flokkar það verða sem í henni sitja, bera gæfu til að sjá þetta."

Athugasemdir

[Sigurgeir Jónsson, 12.2.2013 kl. 20:48]

Þórður Snær skrifar fyrir Jón Ásgeir.Hann fær borgað fyrir það.Framsóknarflokkurinn er orðinn helsti fjandinn í augum hins nýja og gamla Baugsmiðils.Það hlýtur að teljast Framsóknarflokknum til hróss.Nei við RSB.

[Sigurgeir Jónsson, 12.2.2013 kl. 20:48]

Á að vera, Nei við ESB.