Þráinn Bertelsson: Rammfalskur einleikur á krónuna

Þráinn Bertelsson er vanur að segja það sem honum liggur á hjarta og í viðtali við Morgunblaðið ræðir hann ástandið í stjórnmálunum og kemur þar að sjálfsögðu að ESB-málinu og krónunni:

"Mér finnst það líka heldur skítt og í raun óþolandi að þessi flokkur sem ég gekk til liðs við þegar Borgarahreyfingin var að liðast sundur, VG, skuli hafa, þvert ofan í þann stjórnarsáttmála sem ég hélt að þessi flokkur væri bundinn af, tekið það upp hjá sér að frysta viðræðurnar við Evrópusambandið. Ég hélt að það væru alveg hreinar línur með það að það stæði til að klára þennan samning og leggja hann fyrir þjóðina svo þjóðin þurfi ekki að rífast um það næstu áratugi hvaða samningur hefði getað náðst ef við hefðum ekki gefist upp á lokasprettinum,“ segir Þráinn og víkur að gjaldmiðlinum.

Íslenskt launafólk tekur skellinn

„Með þessum rammfalska einleik á krónuna hefur gengi krónunnar fallið svo að að laun hér á landi hafa lækkað um meira en 50%. Þannig er íslenskt launafólk vitanlega að taka á sig að borga það sem borgað verður af því stórkostlega efnahagsráni sem hér var framið, þann hluta þess sem við höfum ekki af fullkomnu samviskuleysi látið útlendinga súpa seyðið af. Ég er ekkert sérstaklega glaður með gang mála."

Feitletrun: ES-bloggið

Athugasemdir

[Sigurgeir Jónsson, 12.2.2013 kl. 20:34]

Þráinn vill fá að kjósa um ESB aðild.Það vilja velflestir íslendingar.Þráinn getur stutt alla hina  sem vilja fá að kjósa um það, með því að hætta að styðja ESB, sem vill koma í veg fyrir kosningar með því að draga það, sem hægt er að ganga úr skugga um á hálfu ári.Þráinn getur sem hægast sett tímamörk á viðræðurnar, til að mynda 6 mánuðir.Ef ekki verður kominn "samningur" þá sem Þráinn og öll hin geta kosið um, þá verði kosið um hvort viðræðurnar skuli slegnar af.Nei við ESB.

[Ómar Bjarki Kristjánsson, 12.2.2013 kl. 23:26]

Algjörlega rétt hjá þráni. En það er eins og fólk sumt fatti ekki að það er að borga Sjallahrunið og það stórt.

Líka hárrétt ábending þetta með ,,fullkomna samviskuleysið".