Reynsla Finnlands gæti nýst Íslendingum

Á RÚV sagði þann 18.2: "Hvað fór úrskeiðis á evrusvæðinu og hverjar eru horfurnar? Þetta voru aðalviðfangsefnin í erindi Sixtens Korkman í Háskóla Íslands í dag.

Þessi skeleggi Finni, sem á sínum tíma var framkvæmdastjóri ráðherraráðsins á mótunarárum myntbandalagsins, segir að ýmis mistök hafi verið gerð, til dæmis hafi of mörgum ríkjum verið hleypt inn sem ekki voru reiðubúin. Þótt útlitið hafi heldur batnað telur Korkmann að meira þurfi til til að tryggja stöðugleika til langframa, til dæmis að samræma betur reglur um fjármálastarfsemi. Honum líst hins vegar illa á hugmyndir um sameiginlega skuldabréfaútgáfu evruríkjanna."

Athugasemdir

[Sigurgeir Jónsson, 19.2.2013 kl. 21:54]

Á þessum "Skelegga Finna" mátti skilja að það væri betra fyrir Finna að vera í ESB, en að vera stjórnað meðal annars frá Moskvu.Það er eflaust rétt skilið.Hreinskilinn Finni.Þetta skýrir að mikluleyti veru Finna í ESB.Nei við ESB.

[Jón Valur Jensson, 20.2.2013 kl. 03:28]

Fráleitar eru hugmyndir þessa Sixtens Korkman um að Finnar hafi einhver áhrif í gegnum ESB. Frá 1. nóv. 2014 munu þeir hafa 1,07% atkvæðavægi í leiðtogaráði stórveldisins og sama vægi í hinu volduga, löggefandi ráðherraráði Evrópusambandsins. Sáralítið áhrifavald er það, en að vísu nærri því 18 sinnum meira en það sem Ísland fengi þar, ef ESB-meðvirkum tekst að narra nauman þjóðarmeirihluta inn í þetta valdfreka ríkjabandalag sem stefnir á að verða sambandsríki. Nei við ESB.