45% minni hagvöxtur á milli ára - hvar eru kraftaverk krónuhagkerfisins?

Á RÚV segir: "Hagvöxtur á síðasta ári var langt innan við það sem spáð hafði verið. Hagvöxtur síðasta árs nam 1,6 prósenti samkvæmt riti Hagstofunnar um Landsframleiðsluna 2012 sem gefið var út í morgun.

Það er mikill samdráttur frá árinu 2011 þegar hagvöxtur var 2,9 prósent og var það fyrsta hagvaxtarárið eftir tvö samdráttarár.

Hagvöxturinn í fyrra er mun minni en spár gerðu ráð fyrir, þó spárnar hafi verið lagfærðar síðustu misseri og spár um hagvöxt lækkað. Þannig var spáð 3,4 prósenta hagvexti á síðasta ári í þjóðhagsspá Hagstofunnar 2010. Síðasta vor og sumar gerðu flestar spár ráð fyrir tveggja og hálfs til 3,3 prósenta hagvexti. Lægstu hagvaxtarspárnar voru frá Alþýðusambandi Íslands og Alþjóða gjaldeyrissjóðnum sem bæði spáðu liðlega tveggja prósenta hagvexti. Raunin var 1,6 prósenta hækkun."

Þetta er að sjálfsögðu mun minni hagvöxtur en þarf til að skapa ný störf, standa undir greiðslum af lánum ríkisins (svo viðunandi sé) og svo framvegis. Hvar eru kraftaverkin sem krónuhagkerfið átti að framkvæma?

Athugasemdir

[Anna Sigríður Guðmundsdóttir, 9.3.2013 kl. 21:37]

Hvar eru kraftaverk evrunnar á Spáni, þar sem er um það bil 40% atvinnuleysi?

Á hverju lifa þeir sem eru öryrkjar, sjúkir og atvinnulausir? Hver sér um að skaffa þeim mat til að lifa af?

Ég er ekki að mæla með siðlausa kerfinu sem gengur núna fyrir innistæðulausu varaforða-orkunni kauphallarsvindluðu!

Það verður bara að horfast í augu við staðreyndir, hvort sem það er vinsælt eða ekki.

M.b.kv.

[Eggert Sigurbergsson, 10.3.2013 kl. 04:25]

Evrópusambandið gerði ráð fyrir 0,5% hagvexti á evrusvæðinu 2012, niðurstaðan var samdráttur upp á -0.6%. Stóri munurinn er að evrusvæðið er í samdrætti(kreppa) en það Íslenska í hagvexti.