Inni eða Úti í Odda - ný bók um Evrópumál

Í dag var haldið málþing á vegum Alþjóðamálastofnunar í tilefni af útkomu bókarinnar INNI EÐA ÚTI? Aðildarviðræður við Evrópusambandið, eftir Auðunn Arnórsson, stjórnmálafræðing og blaðamann. Málþingið var haldið í Odda í H.Í og fundarstjóri var Þorsteinn Pálsson, einn ritstjóra Fréttablaðsins.

Auðunn gerði í byrjun grein fyrir tilurð bókarinnar, en síðan flutti Magnús Árni Magnússon, framkvæmdastjóri Félagsvísindastofnunar, erindi og setti fram sínar skoðanir á efni bókarinnar. Lauk hann lofsorði á verk Auðuns og sagði það tímabært.

Að erindum loknum tóku við spurningar úr sal og umræður. Fjöldi fólks var mættur til að hlusta og taka þátt, enda á ferðinni eitt mikilvægasta mál sem íslenskt samfélag hefur tekist á við í áratugi.

MBL birtir einnig frétt um málið og viðtal við Auðunn.

 

 

 

Athugasemdir

[Haraldur Hansson, 11.5.2009 kl. 19:06]

Þessi sami Auðunn var í Silfrinu í gær. Hann taldi mestu hættuna liggja í því að við Íslendingar höfum ekki sinnt heimavinnunni; að koma sérstöðu okkar til skila til þjóða sem ekki líti á fisk sem þjóðarauðlind.

Það er of seint að byrja að vinna heimavinnuna þegar sest er niður við samningaborðið, sagði Auðunn. Hann hefur eflaust mikið til síns máls.