Tengill inn á ESB hjá Alþingi

Vert er að benda áhugasömum á þessa vefsíðu hjá Alþingi, en á henni er að finna efni sem tengist ESB-málinu, m.a. nefndarálit Utanríkismálanefndar ofl:

http://www.althingi.is/dba-bin/ferill.pl?ltg=137&mnr=38

Athugasemdir

[Guðmundur Guðmundsson, 16.7.2009 kl. 03:27]

ESB-umræður í Kastljósi í gærkvöldi voru athyglisverðar. M.a. var rætt hvernig aðrar þjóðir hafa gengið frá aðildarumsóknum. Baldur Þórhallsson líkti stöðunni á Alþingi við stöðuna í Lettlandi og/eða Litháen þegar þau ríki sóttu um aðild að ESB. Þetta er sennilega rangt hjá honum.

 

Orðræðan var svo hljóðandi:

 

Bjarni Harðarson:  „Ég er sammála því [sem Baldur sagði - innskot] að við eigum að horfa til þess hvernig aðrar þjóðir gera þetta. Það hefur engin þjóð, engin þjóð í Evrópu farið í það að sækja um aðild með jafn nauman...með jafn mikilli andstöðu eins og er hér bæði meðal þings og þjóðar. Það er alveg ljóst. Hér erum við með uppundir 50% þingsins, við erum með um 60% þjóðarinnar, á móti því að Ísland gerist aðili að ESB. Og forsætisráðherra sagði það sjálf í fréttunum hérna áðan að þetta stæði mjög tæpt. Það að keyra aðildarumsókn inn með svo tæpu umboði og með því að snúa upp á hendurnar á fjölda þingmanna, það er ólýðræðislegt og það er hreinlega ósiðlegt að gera það með þeim hætti. Þannig að eina leiðin sem stjórnin hefur ef hún vill halda þessu máli til streitu það er að samþykkja tillögu sjálfstæðismanna á morgun um tvöfalda þjóðaratkvæðagreiðslu.“

 Baldur Þórhallsson: „Þetta er ekki, þetta er ekki, þetta er ekki alveg rétt. Það voru ráðherrar í ríkisstjórn Svíþjóðar og ríkisstjórn Noregs sem töluðu gegn aðild. Og baltneska þjóðin... (Bjarni kallar fram í: „Já en meirihluti þinganna. Tveir þriðju hlutar þinganna, tveir þriðju hlutar þinganna.“ [studdi aðild - innskot])...og baltneska þjóðin, baltneska þjóðin var algjörlega klofin í tvennt,... (Bjarni heldur áfram: „en ekki með sama hætti og hér.“)...og það var þingið líka“. 

„Baltneska þjóðin“ fyrirfinnst auðvitað hvergi en það er ekki öðrum til að dreifa en Lettlandi og Litháen. Ef aðdragandi aðildarferilsins er skoðaður í þessum tveimur löndum verður ekki betur séð en að Baldur hafi rangt fyrir sér. Mikill meirihluti þingmanna á þingum beggja landanna studdi aðildarumsókn eða var hlynntur ESB.

 

Lettland lagði inn umsókn um aðild að ESB í október 1995. Yfirlýsing um að landið óskaði eftir því að gerast aðili að ESB var borin upp á lettneska þinginu og samþykkt af öllum flokkum. Dæmið sem Baldur tekur á því ekki við um Lettland.

 

Litháen sendi inn aðildarumsókn í desember árið 1995. Á þeim tíma var Lýðræðislegi verkamannaflokkurinn við völd með 73 sæti af 141 sætum á litháíska þinginu. Næststærstu flokkarnir, Íhaldsflokkurinn með 30 þingsæti og Kristilegir demókratar með 18 sæti voru einnig hlynntur ESB. Það verður því ekki betur séð en að fullyrðing Baldurs eigi ekki heldur við um Litháen.

 

Löndin tvö urðu svo samferða í viðræðum við ESB sem lauk ekki fyrr en 2002. Samingar voru að lokum undirritaðir í apríl 2003 og bornir undir þjóðaratkvæði þar sem þeir voru samþykktir.