Jaðarflokkur á móti aðild Íslands!

Fram hefur komið í fréttum að einn stjórnmálaflokka Þýskalands, CSU, er á móti aðild Íslands að ESB. Reyna íslenskir NEI-sinnar að gera sér mat úr þessu, sjá t.d. vef Heimssýnar.

En hver er þessi flokkur? Jú, um er að ræða minnsta flokk Þýskalands, sem á fulltrúa á Bundestag, þýska þinginu. Í síðustu kosningum fékk flokkurinn aðeins 7.4% atkvæða og verður því að teljast algjör jaðarflokkur. Þetta er kristilegur flokkur og er staðsettur hægra megin við miðju. Mestan stuðning fær flokkurinn í Bæjaralandi (Bayern).

Nokkuð hefur verið gert úr þeirri staðreynd að flokkurinn hefur verið í kosningabandaagi við flokk Angelu Merkel, kanslara, CDU (mynd).  Hún er þó talin hafa allt aðrar skoðanir á Evrópumálum, en formaður CSU, Horst Seehofer. Utanríkisráðherra Þýsklands telur t.d. að Merkel styðji umsókn Íslands (sjá eldri færslu).

En ljóst er að hér er ekki um ,,þungavigtarflokk" í þýskum stjórnmálum að ræða.

Athugasemdir

[Arnar Guðmundsson, 20.7.2009 kl. 23:10]

JÁ ENDURLEGA