Mannasiði og tillitssemi takk!

Umsjónarmaður þessa bloggs, vill beina því til þeirra sem gera athugasemdir við færslur þess að halda sig innan ákveðinna siðferðismarka. Örökstuddar alhæfingar, dylgjur og skítkast er afar illa séð og höfundum slíks til minnkunnar. Þessi vettvangur á að vera málefnalegur og er það metnaðarmál umsjónarmanns. Ef athugasemdakerfið fer úr böndunum, verður því miður að endurmeta notkun þess. Eyðileggjum ekki lýðræðislegan vettvang með sora.

Sýnið tillitssemi og almenna mannasiði hér á blogginu!

 

Athugasemdir

[Hildur Helga Sigurðardóttir, 10.9.2009 kl. 17:47]

Innilega sammála þessu. En væri ekki gott ef hinn nafnlausi umsjónarmaður byrjaði á því að segja til sín sjálfur ?

[Andri Geir Arinbjarnarson, 10.9.2009 kl. 17:57]

Tek undir með Hildi.

[Jakobína Ingunn Ólafsdóttir, 10.9.2009 kl. 20:41]

Ég líka. Dónaskapur að kynna sig ekki.....

[Anna Ólafsdóttir (anno) (IP-tala skráð) 11.9.2009 kl. 00:10]

Mér sýnist ekkert stórkostlegt vandamál að sjá hver hefur umsjón með blogginu og frekar óviðeigandi að kalla það dónaskap að þeir sem að henni standa vilji koma fram sem samtök fremur en einstaklingar. Þetta eru félagasamtök sem nefna sig Evrópusamtökin. Ég fór inn á síðu Heimssýnar og sá að þar er enginn einstaklingur nafngreindur sem ábyrgðar- eða umsjónarmaður heldur: Heimssýn, félag sjálfstæðissinna í Evrópumálum (sem mér finnst reyndar dálítið fyndin yfirlýsing).

[Björn Heiðdal, 11.9.2009 kl. 06:07]

Mikið hlakka ég til að vera með Serbíu og Albaníu í einu stóru ríkjasambandi.  Nú er bara að vona að Ísrael og Tyrkland fái inngöngu.

[Héðinn Björnsson, 11.9.2009 kl. 06:31]

Vil mæla með að samtökin/umsjónarmaður komi sér upp yfirlýstri stefnu um hvað teljist útilokunarsök frá athugasemdarkerfinu áður en farið er í að framkvæma slíkt.

Mæli síðan með mannasiðum í samskiptum almennt en furða mig á að kvartað sé undan skorti á slíku á þessarri blogsíðu sem fyrst og fremst virðist einkennast af lítilli notkun og enn færri dæmi um vægan dónaskap. Það mun skaða umræðuna um ESB ef aðildarsinnar fara að skilgreina alla gagnrýni á sambandið sem dónaskap.

[Evrópusamtökin, www.evropa.is, 11.9.2009 kl. 08:05]

Þökkum athugasemdir.

Héðinn: Umsjónarmaður er bara að biðja um almenna kurteisi gagnvart PERSÓNUM. Er ekki að tala um gagnrýni á ESB. Við gerum okkur nefnilega grein fyrir því að það er ekki fullkomið og ýmislegt sem má bæta. Rétt eins og í öðrum kerfum. En undanfarið hafa menn verið að færa sig upp á skaftið, því þessi almenna beiðni um kurteisi.

[Héðinn Björnsson, 16.9.2009 kl. 11:23]

Gott mál!