Evra tekin upp í Færeyjum?

Á blaðsíðu tvö í Fréttablaðinu í dag er birt lítil frétt þess efnis að tveir af flokkunum á færeyska Lögþinginu, Þjóðveldisflokkurinn og Sjálfsstjórnarflokkurinn hafi í utanríkismálanefnd lagt fram tillögu um upptöku Evrunnar sem gjaldmiðils í Færeyjum. Í fréttinni segir ennfremur að sennilega verði það samþykkt í breyttri mynd (hvað sem það nú þýðir).

Færeyingar nota danska krónu sem gjaldmiðil, en danska krónan er tengd Evrunni.

Á vefsíðu Kringvarpsins má lesa fréttina á yndislegu frummálinu!

Athugasemdir

[Jón Frímann (IP-tala skráð) 11.9.2009 kl. 01:54]

Ennþá meiri ástæða fyrir íslendinga að ganga í ESB og taka upp evruna sem fyrst.

[Hjörtur J. Guðmundsson, 17.9.2009 kl. 11:04]

Hvergi er talað um að Færeyingar vilji ganga í Evrópusambandið enda enginn vilji fyrir slíku þar á bæ. Um einhliða upptöku er væntanlega að ræða eða sérstaka samninga við sambandið.

[Jón Frímann (IP-tala skráð) 17.9.2009 kl. 11:39]

Hvort að Færeyingar ganga í ESB veit ég ekki. Hvort að það sé vilji fyrir slíku hef ég ekki hugmynd um. Aftur á móti er þessi evru umræða í Færeyjum vísbending um að svo sé. Þetta markar allavegana upphafið að slíkri umræðu hjá Færeyingum, og það er alveg ljóst að færeyingar fá ekki evru sjálfir nema að þeir gangi í ESB. Hinn möguleikinn er auðvitað sá að Danir taki upp evru, en þá taka Grænland og Færeyjar upp Evru á sama tíma, enda er dönsk króna í notkun þar.

Ég reikna ekki með að Færeyjar fái að taka upp evruna einhliða, eða með sérstökum samningi um slíkt.