Morgunfundur um reynsluna af EES

Á fimmtudagsmorgun mun einn helsti sérfræðingur Noregs í Evrópumálum, dr. Fredrik Sejersted, formaður Evrópuréttarstofnunar Oslóarháskóla, ræða stöðu Noregs í Evrópusamstarfi undir heitinu Framtíð Noregs innan eða utan ESB – reynslan af 15 ára sambúð með EES. Um er að ræða s.k. morgunverðarfund, sem hefst kl. 8.15 í Norræna húsinu og stendur til 10.00. Aðgangseyrir er 1000 kr. (morgunverður).

 

Athugasemdir

[Gunnar Rögnvaldsson, 23.9.2009 kl. 11:44]

Leikhúsið heldur áfram 

Mikilli orku og auðæfum landanna er eytt í þessa hringavitleysu sem heitir ESB, bara svo elíta Evrópu geti haldið áfram að mjólka og þvælast þvers fyrir öllum á fullum launum hjá skattgreiðendum landanna.

Ef laun elítunnar hjá ESB væru lægri og jafn lág og hjá skattgreiðendum landanna, þá væri ESB ekki til og Brussel ennþá sveitabær. En á meðan alger skattfríðindi ESB elítunnar gilda þá heldur þessi sirkus kjaftaskúma ESB pappírs elítunnar áfram.

Að Norðmenn þurfi endalaust að standa vaktina í landi sínu svo þeir sem þar þrá að komast á laun í skattaparadís Brussel ræni ekki landi þeirra, er fyrir neðan allar hellur. Þetta er svo innileg tímasóun að það ætti að vera refisvert að eyða tíma þjóðanna í svona sérhagsmunapot.

Með hverju árinu sem líður verður ESB bara fátækara og fátækara miðað við þau lönd sem eru ekki í ESB. Þetta gerðist líka í hinu fyrra heimsveldi skriffinna, Sovétríkjunum. 

Kveðjur  

[Jón Frímann (IP-tala skráð) 23.9.2009 kl. 15:23]

Gunnar, hefur þú það ekki bara ágætt í ESB ? Ef svo er, hvernig væri þá að hætta að væla svona mikið, eins og þú gerir.