Dr. Fredrik Sejersted um EES, Noreg og ESB

Dr. Fredrik Sejersted hélt góðan fyrirlestur um EES samninginn og stöðu Norðmanna gagnvart ESB á morgunverðarfundi í boði Háskólans á Bifröst í Norræna húsinu í morgun. Þar fór hann skipulega fyrstu 15 ár samningsins, sem hann sagðist helst líkjast því þegar tveir aðilar eru þvingaðir til hjónabands. EES hefði ekki verið hugsað sem lokamarkmið í sjálfu sér, heldur skref í átt að ESB-aðild.

Hann telur að samningurinn hafi orðið tímaskekkja þegar Svíþjóð, Finnland og Austurríki, gengu í ESB árið 1995 og að EES sé málamiðlun í Noregi. Að mati hans hefur EES stækkað í takt við stækkun ESB, sem árið 1994 innihélt 15 lönd, en nú eru þau 27.

Til að gera langa sögu stutta telur Sejersted að það sé blekking að Ísland og Noregur séu ekki með í ESB og rök hans voru hin mikla innleiðing löggjafar ESB í löndunum nú þegar. En mikið skorti á faglega umræðu um innleiðingu þessarar löggjafar í Noregi.

Hann telur það mikinn galla fyrir löndin að vera ekki ,,við borðið" þar sem mikilvægar ákvarðanir eru teknar í ESB. Þetta telur hann valda því sem kallað er ,,lýðræðishalli." Þá telur hann Ísland og Noreg vera einskonar ,,lobby"-þjóðir í Evrópu og ESB, það sé sífellt erfiðara að fá athygli og áheyrn.

En hvað myndi gerast ef Ísland gengi í ESB? Jú, það yrði mjög sérkennileg staða fyrir Noreg, sagði Sejerstad og telur að í kjölfar þess myndi verða nauðsynlegt að endurskoða allar stofnanir EES.

Ef Ísland gengi í ESB, myndi það einnig þýða að ESB-umræðan færi á fullt í Noregi, en að mati Sejersted hefur engin almennileg ESB-umræða farið fram í Noregi frá árinu 1994, þegar Norðmenn felldu aðild í annað sinn.

Athugasemdir

[Jón Þór Helgason, 24.9.2009 kl. 21:14]

Var hann með einhver rök fyrir máli sínu?

ég sé þau ekki hér.

Honum finnst, Tímaskekkja. Líðræðishalli , að við séum í raun í ESB.

kv.

Jón Þór

[Axel Þór Kolbeinsson, 25.9.2009 kl. 09:43]

Augnabliks geðveiki.

Annars finnst mér merkilegt að Evrópusamtökin skulu vera aðildarfélag að European movement sem berst fyrir sameinuðu sambandsríki Evrópu.

The EUROPEAN MOVEMENT is an international organisation open to all political, economic, social and cultural trends in civil society. Its objective is to "contribute to the establishment of a united, federal Europe founded on the respect for basic human rights, peace principles, democratic principles of liberty and solidarity and citizens' participation". Its 44 National Councils and 23 associated Member Organisations work towards bringing together representatives from European associations, political parties, enterprises, trade unions and individual lobbyists. 

 (Leturbreyting mín)

Meðlimir