Íslenzkir Nei-sinnar fjúkandi

Íslenzkir Nei-sinnar hafa brugðist ókvæða við samþykkt Lissabon-sáttmálans á Írlandi. Við skulum kíkja á viðbrögð nokkurra þeirra:

,,Evrópusambandið hótaði Írum öllu illu ef þeir samþykktu ekki sáttmálann. Í aðdraganda kosninganna komu peningasekkir frá Brussel til að kaupa velvilja kjósenda á eyjunni grænu. "

,,ESB er afturganga Adolfs nokkurs Hitlers, sem átti sér þennan stóra og “göfuga” draum.Hann er líka höfundur einkunnarorða sölumanna “dýrðarsamfélagsins”, sem ranglega hafa verið eignuð samstarfsmanni hans Joseph Goebbels:“Make the lie big, make it simple, keep saying it, and eventually they will believe it.”

,,Þetta er eins og krabbamein sem gróðrar um sig í þjóðfélögum."

,,Írar áttu ekki annarra kosta völ. Þeir áttu yfir höfði sér að vera reknir úr EUef sáttmálinn yrði ekki samþykktur. Ekta EU, IMF taktik þar á ferð." (undirtstrikun bloggara)

,,Þetta er Djöfuls þjóðernishyggja og ekkert annað. Nú jæja, aðal löndin í ESB fundu upp þjóðernishyggjuna og kölluðu sig hinn siðmentaða heim. Lægri þjóðir voru svona sem maður arðrændi."

,,Vaclav Klaus verður drepinn fyrir áramót."

Athugasemdir

[Gunnar Rögnvaldsson, 4.10.2009 kl. 19:33]

Komi það sælt á Evrópusamtökunum.

Það væntanlega góða við þessi ummæli - sem þið gefið okkur lesendum engar heimildir fyrir - er það að þau eru líklega sett fram undir fullu nafni þeirra sem skrifuðu þau. Nema að þessar tilvitnanir séu ykkar eigin uppfinning. En það kæmi mér ekki á óvart.

Þetta er meira en hægt er að segja um hin andlitslausu samtök nafnleysingja og hugleysingja sem framleiða það efni sem hér birtast með reglulegu millibili - á þessum svokallaða vef ykkar hér á Evrópusamtökum nafnleysingja

Í fyrradag skrifuðuð þið hér á Evrópusamtökunum þetta: "Það er almennt talið að írskir bændur hafi hagnast vel að ESB-aðild landsins."

Þá spurði ég: Almennt talið? Hvað þýðir það? Það kom ekkert svar frá ykkur

Þegar þið gerið grín af því sem hugsanlega hefur komið frá þeim sem þið eruð að vitna í þá er það mjög léttvægt í samanburði við það sem raunverulega hefur verið haldið fram af esb-sinnum í háum embættum um hvað myndi gerast ef Írar hefðu fengið leyfi til að láta hin upprunalegu kosningaúrslit sín gilda, eins og gert er í lýðræðisríkjum.

Því var til dæmi haldið fram að þetta myndi hafa áhrif á efnahagslega framtíð Írlands. Þetta kemur fram í máli fyrrum efnahagsráðgjafa fyrrum forsætisráðherra Bertlands, Tony Blair, sem segir þetta vera þvælu: Sannleikurinn um efnahagsmál Írlands

Um kosningamútur Evrópusambandsins á Írlandi

José Manuel Barroso formaður Evrópusambandsins "er spilltur" sagði ESB-þingmaður Dansk Folkeparti, Morten Messerschmidt. Hann sagði að Barroso hafi nýlega heimsótt írska bæinn Limerick þar sem Dell Computer sagði upp 2.400 manns í byrjun þessa árs. Í ferðatöskunni hafði Barroso meðferðis ávísun uppá 110 milljón danskra króna sem hann deildi út til fyrrverandi starfsmanna Dell. Morten Messerschmidt segir að þetta hafi verið gert til þess að kaupa atkvæði í komandi kosningum á Írlandi um hina nýju stjórarskrá Evrópusambandsins. Hann segir þetta í trássi við reglur um ríkisstyrki og því ólöglegt. Messerschmidt ætlar að taka málið upp á þingi.

En Írar voru sem kunnugt þvingaðir til að kjósa aftur um nýju stjórnarskránna á föstudaginn. Samkvæmt mati Evrópusambandsins kom ekki rétt út úr þeim kosningum sem fóru fram á Írlandi síðasta sumar um nákvæmlega sama hlut. Því þurfa Írar að kjósa aftur - um sama hlutinn; dr.dk

Kveðjur 

[Evrópusamtökin, www.evropa.is, 4.10.2009 kl. 19:42]

Kæri Gunnar. Takk fyrir öll skrifin þín hér á vef okkar Evrópusinna. Án þeirra væri vefurinn fátæklegri, EKKERT GRÍN!

Fyrirgefðu að þú fékkst ekki svar við spurningu þinni, en hér kemur það: Flestir telja að írskum bændum hafi farnast vel innan ESB, enda vilja samtök írskra bænda ekki segja sig úr sambandinu og börðust fyrir samþykkt Lissabon-sáttmálans. Er þetta nægjanlegt svar?

Varðandi ,,kommentin": Þú getur ,,gúgglað" þau og þá færðu höfundana.

[Vilhjálmur Örn Vilhjálmsson, 4.10.2009 kl. 21:38]

Gunnar, bændur er ánægðir, þá geta aðrir haldið kjafti. Þetta hljómar eins og eitthvað hjá gamla biðraða- og baslflokknum - þ.e. Framsókn. En þetta eru kratafasistar, ný stétt sem ekki hefur almannaheill á verkefnalista sínum. Það eina sem fær þetta fólk til að tikka er græðgi. Nú sjá þeir bita í ESB og hoppa áann. Þetta lið hugsar bara um sjálft sig.

[Guðbjörn Guðbjörnsson, 5.10.2009 kl. 07:25]

Vilhjálmur Örn:

Furðulega árátta hjá þér að halda að allir í Evrópusamtökunum séu Kratar!

Ég er flokksbundinn sjálfstæðismaður til áratuga og ekki eini úr þeim flokki í Evrópusamtökunum!

Ef eitthvað er, þá er ESB frjálshyggjufélag, sbr. fjórfrelsið, og ég hef aldrei skilið hversvegna Kratarnir aðhyllast ESB! 

[Hjörtur J. Guðmundsson, 5.10.2009 kl. 09:14]

Jamm, tollabandalög eru mjög í anda frjálshyggjunnar ;)

[Hjörtur J. Guðmundsson, 5.10.2009 kl. 09:22]

Varðandi írsku bændurnar þá var stuðningur samtaka þeirra við Lissabon-sáttmálann pólitísk hrossakaup og hafði ekkert með sáttmálann sem slíkan að gera. Samtökin ákváðu að styðja hann gegn loforði frá írskum stjórnvöldum um að standa vörð um hagsmuni írskra bænda í viðræðum á vettvangi Alþjóðaheimsviðskiptastofnunarinnar.

Þess utan hafði samtökum írskra bænda verið hótað öllu illu ef þeir studdu ekki sáttmálann, m.a. af frönskum ráðamönnum. Og aukinheldur voru írskir bændur klofnir í þessu máli og þannig voru sérstök samtök írskra bænda stofnuð sem börðust gegn Lissabon sáttmálanum í þetta skiptið.

http://en.trend.az/news/world/wnews/1214793.html

http://www.independent.ie/national-news/lisbon-rap-for-farmers-1595183.html

[Hjörtur J. Guðmundsson, 5.10.2009 kl. 09:25]

En talandi um viðbrögð við þjóðaratvæðinu á Írlandi þá eru mín hér:

"Þau vinnubrögð Evrópusambandsins að láta kjósa aftur og aftur um samrunaskref innan sambandsins unz niðurstaða fæst sem er ráðamönnum þess að skapi (þ.e. ef almenningur fær þá að segja álit sitt á þeim sem allt er reynt til þess að komast hjá) eru hliðstæð og ef kosið yrði árlega til Alþingis þar til Sjálfstæðisflokkurinn fengi hreinan meirihluta á þinginu og þá yrði aldrei kosið aftur. Lýðræðislegt?

Wall Street Journal fjallaði um það fyrr á þessu ári að í ýmsum einræðisríkjum væru stundum haldnar kosningar en niðurstöðurnar væru falsaðar enda ákveðnar fyrirfram. Í Evrópusambandinu væri fólk látið kjósa aftur og aftur um sömu málin þar til fyrirfram ákveðin niðurstaða fengist og þá væri aldrei kosið aftur. Í báðum tilfellum er um að ræða algera fyrirlitningu á lýðræðinu."

[Ómar Bjarki Kristjánsson, 5.10.2009 kl. 09:45]

Rosalega afgerandi niðurstaða.  Tæp 70%

Það er alveg ljóst að mikill meirihluti íra vill vera innan ESB og sér hina augljósu kosti fyrir landið.  Það er algjörlega ljóst.

Þessvegna hafa sögur sem maður hefur rekist á stundum,  um hve írar væru mótfallnir ESB eða þá sérstaklega Umbótasáttmálanum - þær hafa verið stórlega ýktar. 

Þetta er svo stór meirihluti að eftirtektanvert er. 

[Haraldur Hansson, 5.10.2009 kl. 09:47]

The Treaty of Lisbon is the same as the rejected constitution. Only the format has been changed to avoid referendums.

Valéry Giscard d'Estaing
forseti stjórnarskrárnefndar ESB
27. október 2007

Þetta segir allt sem segja þarf um "lýðræðið" innan ESB. Breytingarnar sem af Lissabon leiðir eru af sama meiði; felld niður veto-ákvæði í 54 málaflokkum og reglum um atkvæðagreiðslu í Ráðherraráðinu breytt stærstu ríkjunum í hag. Bara til að nefna tvö dæmi.

Enn tala margir um ESB eins og það sé efnahagsbandalag en loka augunum fyrir hinum hápólitíska samruna sem skapar Nýja ESB.

[Ómar Bjarki Kristjánsson, 5.10.2009 kl. 10:12]

Umbótasáttmálinn eykur lýðræði innan ESB og var það þó afar mikið fyrir og til fyrirmyndar að mörgu leiti. 

Þetta er nú staðreyndin í málinu.

Það að andsinnar geti bara lesið á haus og afturábak ef minnst er á ESB getur aldrei talist relevant í þessari hér umræðu.  Er bara þannig.

[Offari, 5.10.2009 kl. 13:03]

Mér finnst þú bara lýsa Evrópusambandinu nokkuð vel í þessum pistli þínum þannig að ég hef engu við þetta að bæta.

[Þráinn Kristinsson (IP-tala skráð) 7.10.2009 kl. 09:59]

Það er náttúrulega hrein lýgi að ESB hafi "látið" Íra kjósa aftur um Lissabon sáttmálann. það er Írska ríkisstjórnin sem tók ákvörðun um að kjósa aftur um lítillega breytta útgáfu af sáttmálanum. Enginn hefði getið meinað Írum um að segja skilið við ESB í kjölfar þess að þjóðin hafnaði Lissabon sáttmálanum í fyrstu atrennu.