Bútar úr fréttabéfi Ungra Evrópusinna

Fyrsta fréttabréf Ungra Evrópusinna hefur litið dagsins ljós. Þar leggja þeir mikla áherslu á að fram fari málefnaleg umræða um bæði kosti og galla ESB, með það að markmiði að þjóðin geti tekið upplýsta ákvörðun þegar að þjóðaratkvæðagreiðslu kemur. Taka Evrópusamtökin heilshugar undir þetta. Orðrétt segir í fréttabréfinu: ,,Við munum leggja okkur fram við að koma réttum upplýsingum um Evrópusambandið til fólks og gera ungu fólki það eins auðvelt og unnt er að kynna sér kosti og galla aðildar."

Ungir Evrópusinnar telja kostina vera fleiri en gallana á aðild að ESB. Í lok fréttabréfsins segir: ,,Við teljum að Íslendingar geti náð hagstæðum samningi og...vonumst til að þjóðin muni samþykkja aðild. Þannig mun hún ákveða að gerast fullgildur aðili í Evrópusamstarfinu, þjóð meðal þjóða."

Evrópusamtökin taka undir markmiðssetningu Ungra Evrópusinna og óska þeim velfarnaðar í komandi starfi. Jafnfram hvetja Evrópusamtökin allt ungt fólk sem hefur áhuga á ESB og Evrópumálum að snúa sér til samtakanna.

www.ungirevropusinnar.is

Skráning: http://www.ungirevropusinnar.is/skraning/

Athugasemdir

[Jóhannes Ragnarsson, 30.1.2010 kl. 21:03]

Hahahahaha ... ,,Við teljum að Íslendingar geti náð hagstæðum samningi og...vonumst til að þjóðin muni samþykkja aðild. Þannig mun hún ákveða að gerast fullgildur aðili í Evrópusamstarfinu, þjóð meðal þjóða." Þvílíkr andskotans apakettir, hahahahaha ...

[Evrópusamtökin, www.evropa.is, 31.1.2010 kl. 08:17]

Jóhannes, ef þú getur ekki notað fallega íslensku, slepptu því þá! Helltu annarsstaðar úr skálum þínum!

[Stefán Vignir Skarphéðinsson (IP-tala skráð) 31.1.2010 kl. 11:30]

Því miður virðist þessi athugasemd frá Jóhannesi vera klassískt dæmi um hvað umræðan hjá Neiinu á það til að vera á lágu plani.

[Sema Erla Serdar, 31.1.2010 kl. 20:21]

"Þar leggja þeir mikla áherslu á að fram fari málefnaleg umræða..."

Ég er ekki frá því að við þurfum að senda Jóhannesi afrit af fréttabréfinu okkar.