Krónan,Krónan,Krónan,Krónan!

Styrmir Gunnarsson, fyrrum-Moggaritstjóri, tók við um helgina, þar sem Davíð Oddssonlét staðar numið í Reykjavíkurbréfi í byrjun mánaðarins. En þá var DO að berja á Evrunni. SG tekur s.s. við keflinu um helgina og finnur Evrunni allt til foráttu. Við Íslendingar séum svo ljónheppnir að hafa gömlu verðtryggðu krónuna, að hér hreinlega blómstri allur rekstur, sama hvort það er fiskur eða að flytja ferðamenn til að skoða Gullfoss, Geysi og baða sig í Bláa Lóninu. Við lestur pistils Styrmis má því ráða að við Íslendingar séum lukkunnar pamfílar að hafa krónuna.

  

Krónu, sem sökk eins og steinn þegar bankahrunið skall á og tvöfaldaði (að minnsta kosti) allar erlendar skuldir lands og þjóðar! Krónu, sem menn voru að leika sér með rétt eins og Matador-peninga fyrir hrun, taka stöðu með eða á móti o.s.frv. Og fyrir þetta borgar almenningur brúsann, ,,Nonni á móti” með gjaldeyrislánið á ,,Landkrísernum”, sem fór úr 6 milljónum í 12! Svona eins og hendi væri veifað! ,,Sigga og Matti,” en gjaldeyristryggða húsnæðislánið þeirra er komið yfir 100 milljónir, úr 45!

  

Styrmi þykir greinilega sú króna sem sökkti okkur fyrst, nú vera bjarghringurinn. Og Evran er rót alls ills þar sem hún er notuð, atvinnuleysið á Spáni er t.d. allt henni að kenna samkvæmt SG. En hann tekur t.d. ekki með inn í reikninginn að reglur varðandi brottrekstur eða uppsagnir á vinnumarkaði eru mjög strangar þar og eru m.a.undirrót þess mikla atvinnuleysis sem þar ríkir. Nei, það verður að hafa skýringarnar einfaldar!

  

En hvað með gjaldmiðil til FRAMTÍÐAR? Styrmir segir ekkert um það, það er núið sem gildir. Ætlum við Íslendingar að halda áfram að halda úti minnsta sjálfstæða gjaldmiðli heims? Berja okkur á brjóst að hætti víkinga, slá hnefum í borð og segja; ,,Sjálfstæð skal krónan vera, hvað sem raular og tautar!” Er krónan virkilega að mati Styrmis sá gjaldmiðill sem íslenskt efnahagslíf og  fyrirtæki eiga að byggja á til framtíðar, gera sína rekstraráætlanir á o.s.frv.?

  

Eða er t.d. eitthvað sem segir að fyrri hegðun geti ekki endurtekið sig hér á landi? Við erum nefnilega svolítið gjörn á að gleyma, mannskepnan! Og er íslenskur Seðlabanki sá bakhjarl sem er bestur? Hvað gerðist hér? Hvernig virkaði sjálfstæði íslenski Seðlabankinn þegar á reyndi? Var ekki harla lítil virkni í bremsuborðunum?

  

Bankakerfið, sem spratt upp úr afbeislun þess gamla, óx eins og naut á sterum,varð að jötni sem ekki var ráðið við og sprakk svo að lokum með miklu dúndri! Hefði þetta gerst með sterkari gjaldmiðli og Seðlabanka Evrópu sem bakhjarl? Það vantaði allavega slatta af monní til að geta bakkað upp allt draslið, ekki satt! Enda fór sem fór.

  Rétt eins og nautið sér rautt í hringnum hjá Matadornum, sér Styrmir rautt þegar hann sér Evruna. Hann og Davíð.  

 

Athugasemdir

[Óskar Helgi Helgason (IP-tala skráð) 22.2.2010 kl. 01:31]

Sælir; Evrópu pappíra Nazistar !

Alveg burt séð; frá Styrmi gamla - sem og frjálshyggju flóninu Davíð Oddssyni.

Hví; vekið þið ekki athygli; á uppgangi kínverska Yuansins, hver; kemur til með að jarðsyngja evru druslu ykkar, von bráðar, þegar vesalir Evrópu búar, hverjir láta stjórnast, af Brussel glýjunni, fara að átta sig, á Þýzk/Frakkneska samsullinu ?

Sem betur fer; sökum úrkynjunar Vesturlandabúa, mun Asía senn taka yfir Evrópu skagann smáa - og koma á; alvöru stjórnun, með hernaðaðrlegu yfirbragði, ESB sinnar góðir.

Með kveðjum þó; úr Árnesþingi /

Óskar Helgi Helgason

[Gunnar Heiðarsson, 22.2.2010 kl. 08:48]

Það er alltaf gott þegar menn tjá sig um kronu og evru. Það er orðið deginum ljósara að evran gerir ansi lítið umfram krónuna í þessari kreppu sem er í heiminum í dag. Evran er gerfi gjaldmiðill, gengi hennar er stjórnað af þjóðverjum sem taka ekki tillit til annarra þjóða frekar en vannt er. 

Rök þeirra sem vilja taka upp evru eru gjarnan verðtrygging krónunnar, nafnið á gjaldmiðlinum kemur því máli ekkert við, verðtrygging er pólitísk ákvörðun. Að vísu er rétt að ef við tökum upp evru meigum við ekki hafa verðtryggingu. Þetta segir í raun allt sem segja þarf, við meigum ekki og getum ekki.

Það aðhalda því fram að krónan hafi sökkt okkur í kreppu er náttúrulega bara sögufölsun. Þó má segja að vera Ingibjargar sem utanríkisráðherra hafi spillt svolítið fyrir krónunni. Það er erfitt fyrir fólk að taka mark á styrkleika gjaldmiðils þjóðar, þegar utanríkisráðherra viðkomandi þjóðar hallmælir gjaldeyri sínum í hvert einasta skipti sem viðtal er haft við hann.

Nei við ESB 

[Hrólfur Þ Hraundal, 22.2.2010 kl. 15:17]

Þakka þér fyrir Gunnar, þetta er mjög að mínu geði hjá þér, enda sagði ég einhverstaðar að það ætti ekki að slá af gamla brúksklárinn fyrr en annar hefði verið fenginn. 

Það þótti nú sumstaðar asnaleg samlíking við evru.  Þú ert hinsvegar óþarflega hógvær þegar þú segir svolítið í sambandi við Ingibjörgu og það lið sem níddi krónuna með henni. 

Það var hreinræktuð árás og raunar undarlegt að hún skuli en þá vera til eftir þau ósvífnu og heimskulegu skemmdarverk sem það fólk vann.

[Guðmundur Jónsson, 22.2.2010 kl. 18:41]

Skilaboðin í þessar færslu evrópusamtakanna virðast eiga að vera þau, að jafnvel þó evran sé að fjara út og að líkindum einnhver versti gjaldmiðill í heimi nú um stundir, að þá sé krónan samt verri. Og helstu rökin fyrir þessu eiga að vera hækkun erlendra lána á íslandi ??

Mig langar að upplýsa Evrópusamtökin um, að vandræði Íslendinga sem skuldsetja sig í evrum án þess að hafa tekjur í evrum (jafnvel þó það sé bannað með lögum)eru ekki mælikvarði á gæði evru sem gjaldmiðils heldur eingöngu mælikvarði á viðskiptavit þeirra einstaklinga.

[Sleggjan og Hvellurinn, 22.2.2010 kl. 20:34]

Fín grein. Þó að nokkur útflutningsfyrirtæki eru að græða núna þá er almenningur að blæða. Sérstaklega þeir sem tóku myntkörfulán eða verðtryggð lán.

Ef við hefðum verið með evru og evrópska seðlabankann til stuðnings þá hefði aldrei orðið þetta bankahrun. Bankarnir okkar hefði notið meiri trausts og þegar kreppir að þá er traust það mikilvægasta sem bankar geta átt til þess að forðast bank-run.

Óskar: Hvaða uppgang Kínverska Yuansins? Veit ekki betur en að sá gjaldmiðill er haldinn niðri af Kínversku ríkisstjórninni.

Ástæðan fyrir fall krónunars = Ingibjörg Sólrún. Hvaða rugl er í gangi? Krónan byrjaði að falla árið 2008 vegna stöðutöku bankana gegn krónunni. M.a vegna þess að DO bannaði bankana að gera upp í evrum. Síðan hríðfjéll krónan í okróber 2008 þegar Ingibjörg var fárveik á sjúkrahúsi í NY. Hún féll vegna þess að það var engin trú á krónunni og jöklabréfin streymdu út.

Evran er fínn gjaldmiðill og langt frá því að vera í vandræðum. Þessi vandræði Grikklands hafa ekki haft nein áhrif á gengi Evrunnar. Þó hún gefur eftir t.d 10-15% þá er það ekkert stórmál. Gengi helstu gjalmiðla heims sveiflast. Andstæðingar Evrunnar eru alltaf að segja að krónan er svo góð vegna þess að hún er búin að falla svo mikið og stiðja við útflutning. Ef evran fellur um 10-15% er það þá ekki fínt fyrir evrulöndin? Þá verða þau samkeppnishæf í útflutningi.

Vextirnir á krónunni voru svo háir að fólk og fyrirtæki neyddust til þess að taka erlend lán. Sem sýnir veikleika krónunnar. Verðtryggðu lánin hafa líka hækkað uppúr öllu valdi vegna falls krónunnar. Þegar fólk var að kaupa sér íbúð þá var ekkert annað í boði en að taka verðtryggt lán. Væri það gott viðskiptavit að taka íbúðarlán á yfirdrætti?

[Guðmundur Jónsson, 22.2.2010 kl. 21:20]

Sleggjan

""Evran er fínn gjaldmiðill og langt frá því að vera í vandræðum. Þessi vandræði Grikklands hafa ekki haft nein áhrif á gengi Evrunnar. Þó hún gefur eftir t.d 10-15% þá er það ekkert stórmál. Gengi helstu gjalmiðla heims sveiflast. Andstæðingar Evrunnar eru alltaf að segja að krónan er svo góð vegna þess að hún er búin að falla svo mikið og stiðja við útflutning. Ef evran fellur um 10-15% er það þá ekki fínt fyrir evrulöndin? Þá verða þau samkeppnishæf í útflutningi.""

Gengi gjalmiðla þarf að sveiflast í takkt við þarfir hagkerfanna sem þeir þjóna, Evran hefur verið í öfugum fasa við myntbandalagið alveg frá upphafi enda hefur lang minsti hagvöxtinn í heiminum verið þar af stóru hagkerfunum fimm.

[Sleggjan og Hvellurinn, 23.2.2010 kl. 10:27]

Ef það er rétt. Af hverju eru þá gjaldeyrishöft á Íslandi?

Samkvæmt þínum rökum þá væri réttast að láta krónuna falla. En það var ekki gert.