Grikkland: Lánastuðningi heitið

Aðilar Evrusvæðisins ákváðu í gær á símafundi að bjóða Grikklandi um 30 milljarða Evra, rúmlega 5000 milljarða íslenskra króna á komandi misseum, óski gríska stjórnin eftir því. 

Það er Financial Times sem greinir frá þessu. Að mati Jean Claude-Juncker er þetta merki um að mál séu að skýrast í sambandi við Grikkland.

Forsætisráðherra landsins sagði að þetta myndi veita Grikkjum aðgang að lánamörkuðum á hagstæðum kjörum, til þess að endurfjármagna skuldir sínar.

Frétt FT

Athugasemdir

[Ólafur Eiríksson, 13.4.2010 kl. 05:15]

Samþykktu grikkir þá að kaupa freigáturnar 6 og þyrlurnar og orustuþoturnar af frökkum og græja kafbátaviðskiptin við þjóðverja?

Sjá: Frétt Reuters

Broke? Buy a few warships, France tells Greece

[Gunnlaugur I., 13.4.2010 kl. 08:44]

Aumingja Grikkland og aumingja Grikkir, að hafa látið véla sig inní þetta spillta ofríkis- og yfirríkjabandalag sem heitir ESB og vera nú undir hælnum á þessum föntum.

Þeir hika ekki við að traðka á öðrum ríkjum hvort sem þeir eru innan eða utan Bandalagsins, bara til að gæta þröngra sérhagsmuna Þýskalands og Frakklands.

[Sleggjan og Hvellurinn, 13.4.2010 kl. 09:21]

Veit ekki betur en að Grikkir sóttu sjálfir um inngöngu. Og fölsuðu reikninga til þess að taka upp Evru. Viljinn var það mikill.

Fæstir Grikkir vilja yfirgefa ESB. ESB hefur reynst þeim mjög vel.