Sjálfstæðisflokkurinn: Tifandi bomba?

Mogginn gefur það í skyn í dag að tillaga um að draga umsókn Íslands að ESB tilbaka, komi fram á landsfundi flokksins sem byrjar í dag.

Ástandinu í flokknum má líkja við tifandi tímasprengju. Ljóst er að Evrópusinnaðir hægrimenn eru að nálgast ákveðin þolmörk gagnvart þeirri stemningu sem nú virðist ráða þar innanborðs, þ.e.a.s einhver óskilgreind blanda að þjóðarrembingi, stjórnlausri íhaldssemi og uppblásinni þjóðernishyggju.

Spurningin er: Mun flokkurinn mála sig út í horn hvað varðar Evrópumálin? Eð mun hann á þessum landsfundi birtast sem víðsýnn, umburðarlyndur, nútíma hægri-flokkur?

Menn bíða spenntir!

Athugasemdir

[Hjörtur J. Guðmundsson, 25.6.2010 kl. 13:14]

Það hefur ekkert breytzt innan Sjálfstæðisflokksins frá liðnum árum, stefnan er sú sama. Flokkurinn er á móti inngöngu í Evrópusambandið og umsókn um slíkt. Ef eitthvað hefur breytzt er það að heimtufrekja fámenns hóps Evrópusambandssinna innnan flokksins hefur aukizt.

Samkvæmt skoðanakönnunum er um 80% kjósenda Sjálfstæðisflokksins á móti inngöngu í Evrópusambandið. 20% eru því fylgjandi sem eru í kringum 5-6% af núverandi fylgi flokksins í skoðanakönnunum. Hvort ætti forysta flokksins frekar að taka tillit til 80% fylgisins eða 20%?

Þess utan er t.a.m. ekkert víðsýnt við það að einblína á Evrópusambandið og ekkert nútímalegt við gamaldags tollabandalag. Nákvæmlega ekki neitt.

[Gunnlaugur I., 25.6.2010 kl. 13:29]

Þetta stöðumat ykkar er algerlega rangt hjá ykkur.  

Sjálfstæðismönnum sem hafna algerlega ESB aðild hefur stórfjölgað undanfarið og þeir eru yfirgnæfandi meirihluti stuðningsmanna flokksins, alveg eins og meðal þjóðarinnar allrar. 

Andstaðan við ESB stjórnsýsluapparatið er svo sterk innan flokksins. En staða Evrópusinna er mjög veik og stórlega ofmetinn. 

Ef þessir sárafáu ESB sinnar kljúfa sig nú frá flokknum sem þeir nú hóta þá mun það bara efla Sjálfstæðisflokkinn á landsvísu en sundra þessum minnihluta í tvær litlar ESB fylkingar sem vilja innlimun landsins í ESB.

Það verður aðeins gott fyrir okkur sem veljum sjálfstætt og fullvalda Ísland án ESB helsis.

[Axel Jóhann Axelsson, 25.6.2010 kl. 13:51]

Vonandi kemur til fullnaðaruppgjörs við ESBsinna innan Sjálfstæðisflokksins á landsfundinum og kjósi þeir að yfirgefa flokkinn í framhaldinu, verður svo að vera.

Afgerandi ályktun landsfundarins gegn ESBaðild mun skerpa línur í íslenskri pólitík og tími til kominn að kjósendur hafi þá val um ESBsinnaða flokka og aðra, sem taka skýra afstöðu á móti.

Slíku vali þarf Sjálfstæðisflokkurinn ekki að kvíða.

Ég fjallaði um þetta á mínu bloggi í morgun og hafi einhver áhuga, má sjá það hérna

[Jón Frímann Jónsson, 26.6.2010 kl. 15:17]

Fallandi eru andstæðingar ESB á Íslandi þessa dagan. Það sést í raunverulegan tilgang þeirra undir allri þjóðerniskenndinni.

Sá tilgangur er verndun sérhagsmuna, og ekkert annað.

[Gunnlaugur I., 26.6.2010 kl. 18:42]

Jón Frímann þér er svo sannarlega vorkunn í  barnaskap þínum ! 

[Jón Frímann Jónsson, 26.6.2010 kl. 21:44]

Gunnlaugur I, Það er áhugavert að þegar ég bendi á falla gengi andstæðinga ESB á Íslandi er ég kallaður barnalegur.

Þegar þú hinsvegar gerir nákvæmlega það sama, þér það allt í lagi.