Listin að bjaga sannleikann

Nei-sinnar eru víða á netinu, m.a. Nei-samtök Íslands. Á bloggi þeirra er nýleg færsla í ,,ESB vill rupla og og ræna og taka af okkur allar auðlindirnar"- stílnum um olíuvinnslu. Í færslunni er fullyrt að nú vilji ESB taka yfir alla olíuvinnslu í Evrópu, í kjölfar hamfaranna hjá BP í Mexíkó-flóa.

Færslan er byggð á frétt á EuObserver, en hinsvegar fær innihaldið hressilega bjögun hjá Nei-sinnum.

Allt til þess að ESB líti út eins og vondur hrægammur, sem sölsar undir sig allt sem sambandslöndin eiga verðmætt.

En að sjálfsögðu er það ekki þannig.

Svona er færsla Nei-sinna:

"Gunther Öttinger, ráðherra orkumála í framkvæmdastjórn Evrópusambandsins, hefur kallað eftir því að sambandinu verði falið að hafa yfirstjórn með allri olíuvinnslu í ríkjum þess í kjölfar olíuslyssins á Mexíkóflóa. Evrópusambandið sæi þar með m.a. um að gefa út leyfi til olíuvinnslu í stað ríkjanna og eftirlit með allri slíkri starfsemi innan sambandsins.

Í umræðum á þingi Evrópusambandsins í gær 8. júlí lýsti Öttinger því yfir að ríki sambandsins ættu að íhugað það alvarlega að gefa eftir völd yfir olíuvinnslu til þess. Hann sagði að eftirlit af hálfu ríkjanna yrði vissulega áfram til staðar en að hann teldi það góða hugmynd að innleiða almenna staðla og yfirstjórn af hálfu Evrópusambandsins."

Svona er hinsvegar frumtextinn:

"EUOBSERVER / BRUSSELS - EU energy commissioner Gunther Oettinger has indicated that member states should stop giving out fresh permits for deep-water oil drilling in the light of the BP oil catastrophe.

"I am considering discussing this with member states, so that when new permits are issued, especially in extreme cases, they will consider deferring this," he told MEPs at a debate in Strasbourg on Wednesday (8 July).

The commissioner underlined that decisions on oil permits are made exclusively by national capitals. But he said member states should consider giving away some powers in future.

"National supervision will certainly remain in place but it would be a good idea to have overarching European standards and a European supervisory authority," he said.

Mr Oettinger has launched talks with oil firms and member state authorities with a view to future proposals on supervision, emergency planning, clean-up operations, environmental liability and compulsory oil spill insurance.

On the pro-industry side, he noted that BP and Shell are major European employers."

Málið snýst hinsvegar um hugmyndir Öttingers um samræður við olíufélögin um útgáfu vinnsluleyfa. Það snýst um að auka og samhæfa eftirlit með þessari vinnslu, sem alls ekki er hættulaus, eins og dæmin sanna.

Að vísu segir hann að mögulega verði aðildarríkin að gefa hluta ákvörðunarvalds einhvern tímann í framtíðinni, en að sjálfsögðu er ekkert ákveðið með það. Takið eftir: Hluta (enska: some)

Við þetta hlaupa Nei-sinnar upp til handa og fóta og garga úlfur, úlfur! 

Málið snýst líka um að ræða almennt eftirlit (supervision) neyðaraðgerðir, umhverfislega ábyrgð og tryggingar ef til olíuleka kemur. Göttinger telur það góða hugmynd að hafa samhæft eftirlit með þessum málum og það er alls ekki galin hugmynd. Dæmi um samhæft eftirlit er t.d. á sviði flugmála og flugumferðarstjórn. En þetta eru aðeins hugmyndir hans!

Nei-sinnar eru duglegir við að bjaga sannleikann, taka bara það út sem hæfir þeirra einfalda málflutningi. Þegar kafað (eða borað!) er dýpra kemur hinsvegar allt annað og meira í ljós.

Þetta er ekki til sóma! Og þetta er ódýrt!

 

Athugasemdir

[Stefán Júlíusson (IP-tala skráð) 13.7.2010 kl. 20:25]

Einmitt.  Svo þurfum við að standa í þrasi um þetta við nei-sinna.  Alveg eins og með ESB herinn.  Þetta finnst mér svo leiðinlegt og þreytandi til lengdar.  Að þurfa að hlusta á furðuleg rök nei-sinna í heimagerðum fréttum og rökum um augljósar staðreyndir sem auðvelt er að finna á netinu.

En stuðningurinn við ESB minnkar ekki heldur eykst hann hjá mér dag frá degi.