Slóvakar í heimsókn - ESB og málefni Róma-fólks rædd

Æðstu ráðmenn Slóvakíu hafa verið í heimsókn hér á landi og hefur heimsókn þeirra vakið athygli. Slóvakía gekk í ESB árið 2004 og hefur því aðeins verið í sambandinu í sex ár. Slóvakía tilheyrði einu sinni landinu Tékkóslóvakíu, sem var undir stjórn kommúnista og tilheyrði Austur-blokkinni.

Ívan Gasparovic sagði í frétt í FRBL í dag að ESB aðild hefði ,,átt stóran þátt í efnahagslegri uppbyggingu landsins undanfarin ár."

Í fréttatilkynningu frá utanríkisráðuneytinu í dag segir svo:

,,Reynsla Slóvaka af aðildarviðræðum og aðild að Evrópusambandinu voru meginefni hádegisverðarfundar sem Össur Skarphéðinsson utanríkisráðherra bauð forseta Slóvakíu, Ivan Gašparovic, og utanríkisráðherra landsins, Mikuláš Dzurinda, til. Utanríkisráðherra SlóvaKíu sagði grunninn að góðri stöðu landsins í dag hafa verið lagðan áður en ríkið gekk í ESB. Slóvakar hefðu á sínum tíma viljað taka upp evru eins fljótt og völ var á til þess að auka stöðugleika í efnahagslífinu. Evran væri engin töfralausn heldur mikilvægur hlekkur í því að skapa stöðugleika. Bauð ráðherrann fram ráðgjöf og stuðning í aðildarviðræðunum sem nú fara í hönd.

Málefni Roma-fólks, einkum menntun barna, var rætt á fundinum. Sagði Gašparovic forseti mikilvægt að lausnin yrði að vera samevrópsk en ekki bundin við einstök ríki.

Opinberri heimsókn forseta og utanríkisráðherra Slóvakíu til Íslands lauk síðdegis í dag en í heimsókn sinni hittu þeir forseta Íslands, forsætisráðherra, forseta Alþingis og borgarstjórann í Reykjavík."

Reyndar má svo benda á í sambandi við Róma-umræðuna að á Amnesty-vefnum er að finna tilkynningu þess efnis að Slóvakía hafi skuldbundið sig til þess að binda enda á aðskilnað Róma-fólks. Amnesty fagnar þessu framtaki og er ekkert annað en gott um þetta að segja.

Aðstæður Róma-fólks, eða Sígauna, eins og þeir eru kallaðir, hafa verið mikið til umræðu að undanförnu, en hér má lesa meira um þennan hóp fólks.

Slóvakía tók upp Evruna í fyrra, hér má lesa up það.

 

Athugasemdir

[Sigurgeir Jónsson, 20.9.2010 kl. 20:33]

Íslendingar eiga ekkert sameiginlegt með Slóvakíu.Ekkert.Nei við ESB áróðri þessa undirlægjuríkis.Nei við ESB.

[Sigurgeir Jónsson, 20.9.2010 kl. 20:36]

Slóvakía hefur í raun aldrei verið sjálfstætt ríki og verður aldrei.En fólkið þar er ESB fólk,líka sígaunarnir.Nei við ESB.

[Þorsteinn Briem, 20.9.2010 kl. 21:27]

"The present-day Slovakia became an independent state on 1 January 1993 after the peaceful dissolution of Czechoslovakia.

Slovakia is a high-income advanced economy with one of the fastest growth rates in the European Union and the OECD.

The country joined the European Union in 2004 and the Eurozone on 1 January 2009.

Slovakia together with Slovenia are the only former Communist nations to be part of the European Union, Eurozone, Schengen Area and NATO simultaneously."

Slovakia - Wikipedia

[Hólmfríður Bjarnadóttir, 20.9.2010 kl. 21:40]

Gott að við komum okkar skilaboðum um manntéttindi til skila þar sem þeirra er þörf.

Það er örugglega alveg rétt hjá Slóvökum að þeim hefur vegnað mun betur í gegnum keppuna en ella, vegna inngöngu þeirra í ESB 2004.

[Jón Frímann Jónsson, 21.9.2010 kl. 19:03]

Sigurgreir. Þetta eru vandamál sem eru til staðar og hafa verið það í lengri tíma. Það er augljóst að öll ríki í Evrópu þurfa að koma með hugmyndir að lausn þessa máls.

Annars er ég með spurningu fyrir þig. Hefur þú farið til ESB ríkis ?

[Sigurgeir Jónsson, 21.9.2010 kl. 20:25]

Ég hef farið til flestra ESB ríkja og ríkja í Asíu, Afríku og N-Ameríku og Grænlands, Færeyja og Noregs.Eg geri undantekningu með að svara þessari spurningu.

[Jón Frímann Jónsson, 21.9.2010 kl. 22:03]

Sigurgreir, Í því tilfelli þá veistu fullkomnlega að aðildarríki ESB eru sjálfstæð og ekkert af þeim fullyrðingum þínum sem þú setur fram hérna um ESB séu réttar. Sérstaklega varðandi þær fullyrðingar þínar um að aðildarríki ESB séu ekki sjálfstæð eins og þú heldur fram hérna.