Best að klára ferlið!

"Þingmenn úr þremur stærstu stjórnmálaflokkunum eru sammála um að ekki sé rétt að draga umsókn Íslands að ESB til baka né að stöðva eða trufla það ferli sem sem Alþingi setti af stað í júlí 2009."

Þannig byrjar frétt og frásögn á www.sterkaraisland.is frá Iðnó-fundinum í síðustu viku.

"Í pallborði sátu þau Katrín Jakobsdóttir, menntmálaráðherra og varaformaður VG, og þingmennirnir Guðlaugur Þór Þórðarson, Sjálfstæðisflokki og Valgerður Bjarnadóttir, Samfylkingunni. Í pallborðinu var til umræðu hvort þingmenn gætu tekið höndum saman um ljúka ferlinu og taka út af borðinu hugmyndir um að rjúfa það. Um það voru þau öll sammála þó Katrín og Guðlaugur Þór lýstu þeirri skoðun að þau væru andvíg aðild að ESB."

Lesa alla fréttina hér, hún er áhugaverð.

Athugasemdir

[Sigurgeir Jónsson, 25.10.2010 kl. 20:37]

Auðvitað lýkur ferlinu einhverntíma.Því getur þess vegna lokið þegar Alþingi telur að búið sé að eyða of miklum tíma í ferlið og best sé að láta kjósa um það sem liggur á borðinu.Þess vegna er nauðsynlegt að setja tímamörk á viðræðurnar.Ekki síst vegna þess að ekki er þingmeirihluti fyrir aðild.Nei við ESB.

[Þorsteinn Briem, 25.10.2010 kl. 20:41]

AFLAKVÓTI SIGURGEIRS JÓNSSONAR VERÐUR INNKALLAÐUR!!!

[Sigurgeir Jónsson, 25.10.2010 kl. 22:28]

steini br. flytur nú þá stórfrétt að "aflakvóti sigurgeirs jónsonar verði innkallaður" Væntanlega kemur frá honum næst að hann hafi unnið þessa "frétt" fyrir Morgunblaðið.Nú er það svo að ég er ekki skrifaður fyrir neinum "kvóta" enda verður að skrifa "kvóta" á skip, ekki er hægt að skrifa aflaheimildir á fólk.En kanski á steini br.við það að ég er skrifaður fyrir hlutafélagi sem á trillu , sem hefur veiðirétt fyrir nokkrum tonnum, sem ekki plagar mig.Ég get ekki séð að þetta komi ESB umræðunni nokkurn skapaðan hlut við.En steini breim telur það. Það sýnir ekkert annað en hans rökleysu.Nei við ESB.

[Sigurgeir Jónsson, 25.10.2010 kl. 22:29]

Á að vera steini briem.

[Þorsteinn Briem, 25.10.2010 kl. 23:01]

Sóma engan sýnir hann,
Sigurgeir hér lygar spann,
í löngum bunum ræpan rann,
raun er fyrir Skaparann.