Bloggað um styrkjamál BÍ að austan

Einar Ben Þorsteinsson (frá Egilstöðum) er alfarið á móti styrkveitingu BÍ til Nei-samtakanna. Á bloggi sínu segir hann: ,,Það að Bændasamtök Íslands sjái sér fært að styrkja stjórnmálasamtökin Heimssýn sérstaklega er ákaflega merkileg staðreynd. Sem meðlimur í Bændasamtökum Íslands verð ég að mótmæla því harðlega að fé okkar félagsmanna sé notað í þessum tilgangi."

Svo segir hann að ,,siðferðilega orkar ákvörðun stjórnenda Bændasamtakanna mjög tvímælis, og vonandi verður þetta pólitíska prump dregið tilbaka." 

Hér er öll færsla hans en í athugasemd við færsluna segir á einum stað:

,,Bændur hafa ekkert val um aðild sína að bændasamtökunum, og eru tilneyddir að leggja þeim til sjálfsaflafé.

Mannréttindadómstóll Evrópu hefur ítrekað talið slíka skylduaðild brjóta gegn félagafrelsi manna, er þá litið sérstaklega til þess hvort samtökin sem um ræðir séu pólitísks eðlis. Leiðir skylduaðild að slíkum samtökum til þess að einstaklingar eru neyddir til að styðja málstað sem þeir eru ekki fylgjandi, líkt og í tilviki Einars.

Má sjá þessa niðurstöðu í MDE í Máli Sigurðar Á. Sigurjónssonar.

Er munur á slíkum styrkjum hvort þeir komi frá sameiginlegum sjóðum ríkisins, eða skattpíndum félagsmönnum, líkt og í tilviki Bændasamtakanna."

Athugasemdir

[Sigurgeir Jónsson, 1.11.2010 kl. 21:57]

ESB maðurinn Einar Ben telur geinilega að ESB muni bjarga byggð á Austurlandi.Hann er sjálfsagt ekki einn um það, ESB hefur veifað styrkjakökunni að bændum.En Einari til uppfræðslu þá féll dómur í Hæstarétti fyrir skömmu þar sem sambærilegri skylduaðild og er að Bændasamtökunum var hafnað.Því ráðlegg ég honum að segja sig úr Bændasmtökunum sem fyrst, þau eru þá laus við hann og hann við þau.Það á að sjálfsögðu ekki að skylda neinn til að vera þar sem hann á ekki að vera.Bændasamtökin verða sterkari á eftir.Nei við ESB. 

[Þorsteinn Briem, 2.11.2010 kl. 02:17]

[Þorsteinn Briem, 2.11.2010 kl. 04:15]

NÓG VAR NÚ PLÁSSIÐ FYRIR TEPOKASKRÍLINN HÉR EN ÞÁ KEMUR BARA EIN ATHUGASEMD!!!

[Hrafn Arnarson (IP-tala skráð) 2.11.2010 kl. 06:47]

Sigurgeir er úti að aka eina ferðina enn. Málið snýst ekki um skylduaðild að félagasamtökum heldur hvernig farið er með opinbera styrki. Bændasamtökin og Bændablaðið eru ríkisstyrkt. Þau styrkja hins vegar Heimssýn beint og óbeint. Í gegnum milliliði fær Heimssýn ríkisstyrki!! Forystusveit bænda er á alvarlegum villugötum í mati sínu á ESB en hún er einnig á alvarllegum villigötum þegar hún beinir ríkisstyrkjum til óskyldra aðila.