Athugasemd um ATHUGASEMDIR

Ritstjórn ES-bloggsins vill taka fram: Öllum athugasemdum er hleypt að, nema þeim þar sem um er að ræða persónulegar árásir og ljótt orðbragð. Sem stendur eru tvær slíkar athugasemdir óbirtar.

Það verður að halda ákveðnum "standard" hér, við getum haft siðareglur blaðamanna sem viðmið.

Hér á að fara fram málefnaleg umræða, því ESB-málið er málefni! Og það hefur tekist ágætlega hingað til.

Þetta blogg ber þess merki að það er "Mogga-blogg" og þ.a.l. eru fleiri sem gera athugasemdir, sem eru á móti ESB. Sem er allt í lagi. Við þolum það alveg.

Við höfum hinsvegar margoft bent á að þetta blogg er OPIÐ, ólíkt bloggi NEI-sinna, sem verður að teljast mjög merkilegt.

Það bendir til þess að þeir óttist OPNA UMRÆÐU um ESB-málið! 

Það er kannski í takt við háværar kröfur Nei-sinna um að draga ESB-málið til baka og taka því af Íslendingum þann möguleika um að kjósa um málið í þjóðaratkvæðagreiðslu.

Sem verður að teljast furðuleg afstaða, vegna þess að innan hóps Nei-sinna er að finna raddir sem predika beint lýðræði og þjóðaratkvæðagreiðslur og hafa gert það árum saman!

Helsti talsmaður hins beina lýðræðis er Styrmir Gunnarsson, fyrrum ristjóri Morgunblaðsins, það er ekkert launungamál. 

Höldum áfram að ræða málin! 

Athugasemdir

[Guðmundur Jónsson, 16.1.2011 kl. 10:50]

Þú gætir ef til vill byrjað á því að hækka "standardinn" á blogginu þínu með því að hætta að uppnefna þá sem ekki eru sammála þér, nota orð eins ESB andstæðingar eða sjálftæðis-sinnar í staðin fyrir Nei-sinna.  

Það hefur engináhuga á að halda upp vitrænum samræðum við aðila sem uppnefnir viðmælanda sinn. 

[Evrópusamtökin, www.evropa.is, 16.1.2011 kl. 12:43]

GJ: "Nei-sinni" er ekki uppnefni, heldur handhægt hugtak yfir þá sem eru á móti aðild, segja NEI við aðild að ESB. Við munum halda áfram að nota þetta hugtak. 

[Guðmundur Jónsson, 16.1.2011 kl. 14:04]

Hommar og Lessur er líka Kynvillingar en maður ávarpar þau ekki sem Kynvillinga ef maður vill halda uppi vitrænum samræðum við þann þjóðfélagshóp.

[The Critic, 16.1.2011 kl. 14:34]

Guðmundur: sjálfstæðis-sinnar eða fullveldis-sinnar ekki rétt orð yfir ESB andstæðinga, en þeir vilja gjarnan kalla sig það, slíkt ber villandi skilaboð þar sem Ísland mun hvorki afsala fullveldi né sjálfstæði við inngöngu.