Góð heimsókn frá Danmörku: Formaður dönsku Evrópusamtakanna, Erik Boel

Á vefnum www.jáisland.is kemur fram að von er á góðri heimsókn frá Danmörku í næstu viku, en þá mun formaður dönsku Evrópuhreyfingarinnar, Erik Boel, flytja erindi á vegum Já-Ísland, um Evrópumál. Í tilkynningu segir:

"Danir gengu í Evrópusambandið þegar árið 1973. Evrópumálin eru því daglegt brauð í dönsku þjóðlífi og stjórnmálum.

Danir hafa til dæmis fimm sinnum gengið til þjóðaratkvæðagreiðslu um margvíslega þætti tengda Evrópusamvinnunni, síðast árið 2000 um evruna.

Erik Boel er formaður dönsku Evrópuhreyfingarinnar (Europabevægelsen). Hann hefur mikla reynslu og þekkingu á Evrópumálum og umræðunni í Danmörku og hvað er efst á baugi þar.

Erik Boel verður með innlegg í fundaröðinni Fróðleikur á fimmtudegi þann 24. febrúar kl. 17.

Fundurinn fer fram á ensku. Að loknu erindi verða fyrirspurnir og umræður.

Að venju er fundurinn í salnum að Skipholti 50a, 2. hæð."
 

Athugasemdir

[Jón Frímann Jónsson, 16.2.2011 kl. 21:59]

Þar sem ég er nú nýlega búsettur í Danmörku þá kom það mér á óvart hversu lítið maður verður var við ESB aðild Danmörku.

Það er þá helst að maður verði var við ESB aðild Danmerkur þegar maður fer yfir landamærin til þess að versla í matinn eða kaupa annað dót.

Annars er matarverð gott hérna í Danmörku og maður fær mun meira fyrir peningin en á Íslandi.

[Kristinn Sigurðsson, 17.2.2011 kl. 11:31]

Var í Brussel í maí síðastliðnum á kynningu um ESB á vegum Dana.

Þar kom meðal annars fram að afþví að Danir væru svo lítil þjóð, aðeins 5 miljónir þá væri svo mikilvægt að vera í samstarfi með öðrum þjóðum til að geta haft áhrif innan Evrópu.
Einnig að norðurlöndin standi saman innan ESB í að koma hagsmunum norðurlandanna í gegn , fyrir utan Ísland og Noreg sem vildu ekki vera með í að skapa sína eigin framtíð og hafa áhrif á mál sem varða þeirra eigin hagsmuni.
Ef ísland og Noregur væru í ESB þá yrðu norðurlöndin ennþá áhrifa meiri en þau eru í dag þar sem vægi þeirra myndi verða meira.