Franz Gunnarsson á DV-bloggi: Eru hagsmunir Ásmundar Einars ofar hagsmunum landsmanna?

Franz Gunnarsson, gítarleikari og söngvari hljómsveitarinnar Ensími, semur ekki bara rokk og ról, hann bloggar líka á DV. 

Í nýjasta pistli sínum tekur hann "snúning" á "snúningum" Ásmundar Einars Daðasonar, Nei-foringja Íslands. Fyrisögnin er: Eru hagsmunir Ásmundar Einars ofar hagsmunum landsmanna? 

Frans segir: "Það er mjög undarlegt að þingmaðurinn finnist í lagi að skrifa undir stjórnarsáttmála og síðan hlaupast undan skyldum sínum með úrsögn úr þingflokki en haldi svo þeirri fullyrðingu á lofti að þjóðin vilji ekki ESB. Hann segist finna fyrir miklum meðbyr vegna úrsögn úr þingflokknum en fréttir berast úr kjördæminu hans að menn þar á bæjum eru allt annað en sáttir með þessa úrsögn Einars og vilji ekkert með hann að hafa.

Bent hefur verið á tengsl Ásmundar í samfélagi bænda en Bændasamtökin hafa sett sig upp á móti ESB aðild. Því velti ég því fyrir mér hvað gengur manninum til. Er hann að taka þennan snúning fyrir sérhagsmuni bænda og síns eigin eða hvað, hver er ástæðan Ásmundur?"

Að lokum segir Franz: "Ísland er í aðildarferli sem leiðir til samnings sem þjóðin fær að kjósa um. Er það ekki bara í fínu lagi að leyfa þjóðinni að sjá samning og fá svo að vega og meta kosti og galla samningsins? Ásmundur getur þá bara kosið NEI ef hann vill ekki ESB."

Heyr heyr! 

Allur pistill Franz (Mynd: DV)

Athugasemdir

[Stefán Júlíusson (IP-tala skráð) 27.4.2011 kl. 19:03]

Mér finnst ótækt með öllu að leyfa þjóðinni að kjósa um ESB.  Hún gæti gert sömu vitleysu og í Icesave kosningunum. 

[Páll Þorsteinsson, 27.4.2011 kl. 22:39]

Það er mjög undarlegt að þingflokkur samfylkingar finnist í lagi að þvinga þjóðina í aðildarviðræður við esb og síðan hlaupast undan skyldum sínum gagnvart þjóðinni en haldi svo þeirri fullyrðingu á lofti að þjóðin vilji ESB.

Ef þið hatið Ísland svona mikið og viljið "checka" hvað esb býður uppá, þá er ykkur frjálst að flytja úr landi... þið vitið það, eða hvað???

[Benedikta E, 27.4.2011 kl. 22:42]

Hann er svo mikill grínari þessi - hann slær bara gnarristana út

[Benedikta E, 27.4.2011 kl. 22:52]

Stefán - fyrri færsla mín er til þín skrifuð vil við hana bæta - þið sem eruð svona miklir ESB dýrkendur finnið ykkur músarholur í útlöndum - Ísland er ekki fyrir ykkur.

[Elle_, 27.4.2011 kl. 23:51]

Já, geta þau ekki komið sér úr landinu?  Stefán Júlíusson hefur líka heimtað ICESAVE kúgunina lengi.  Ætli Stefán hafi samt farið að borga kúgunina sjálfur?  Sem jú hann hefði farið að gera fyrir löngu (og allir hinir) ef hann væri heiðarlegur.

[Stefán Júlíusson (IP-tala skráð) 28.4.2011 kl. 08:28]

Elle:  Ert þú sem sagt ekki heiðarleg?

[Elle_, 28.4.2011 kl. 12:31]

Allir hinir sem vildu ICESAVE.