...og krónan fellur!

Á vef Vísis segir: "Raungengi íslensku krónunnar lækkaði um 0,2% á milli apríl og maí síðastliðins á mælikvarða hlutfallslegs verðlags. Þessi lækkun er tilkomin vegna lækkunar á nafngengi krónunnar á tímabilinu, en hún lækkaði um 1,1% miðað við vísitölu meðalgengis í maí frá fyrri mánuði.

Fjallað er um málið í Morgunkorni greiningar Íslandsbanka. Þar segir að verðlagshækkun hefur vegið töluvert upp á móti áhrifum nafngengis á raungengi á þessu tímabili enda hækkaði verðlag um 0,9% miðað við vísitölu neysluverðs á sama tíma. Þetta má sjá í tölum sem Seðlabanki Íslands birti í gær.

Raungengi krónunnar hefur lækkað stöðugt frá nóvember á síðasta ári, að apríl síðastliðnum undanskildum þegar engin breyting átti sér stað. Frá því í nóvember hefur raungengið lækkað um 5,3% og stendur það nú í 73,7 stigum, en það hefur ekki verið lægra síðan í maí í fyrra. Þessa lækkun má rekja til þróunar á nafngengi krónunnar á tímabilinu sem einnig hefur lækkað um 5,3% frá því í nóvember miðað við vístölu meðalgengis."

Öll fréttin

Athugasemdir

[Stefán Júlíusson (IP-tala skráð) 7.6.2011 kl. 19:47]

Hver stjórnar gengi krónu í höftum?  Markaðurinn?

[Jón Frímann Jónsson, 8.6.2011 kl. 16:58]

Stefán, Það er auðvitað Seðlabanki Íslands sem stjórnar genginu þegar gjaldmiðilinn er í höftum.

Þeir ákveða því að fella gengi krónunar samkvæmt einhverjum hagvísum sem þeir hafa og miða við. Síðan fella þeir bara gengið ef þeim svo dettur það í hug.

Af þessum sökum neyddist ég til þess að flytja aftur til Íslands og var það dýr flutningur. Þó ekki bara vegna flutningskostnaðar.