Ólafur um Sigmund í FRBL í dag

Leiðari Fréttablaðsins í dag fjallar um ESB-málið og hann byrjar Ólafur Þ. Stephensen með þessum orðum:

"Sigmundur Davíð Gunnlaugsson, formaður Framsóknarflokksins, hefur farið fram á skyndifund í utanríkismálanefnd Alþingis til að ræða ummæli Össurar Skarphéðinssonar utanríkisráðherra við upphaf formlegra aðildarviðræðna við Evrópusambandið í Brussel. Össur sagðist þar ekki telja að Ísland þyrfti undanþágur frá sjávarútvegsstefnu Evrópusambandsins. Þetta telur Sigmundur Davíð ekki samrýmast samningsviðmiðum um sjávarútvegsmál í áliti meirihluta utanríkismálanefndar um aðildarumsókn Íslands.

Þarna er formaður Framsóknarflokksins kominn í mótsögn við sjálfan sig, vegna þess að í eigin minnihlutaáliti um aðildarumsóknina gagnrýndi hann harðlega að engin skýr samningsskilyrði væru í meirihlutaálitinu og engar ófrávíkjanlegar kröfur.

Enda er í áliti meirihlutans ekkert talað um undanþágur frá sjávarútvegsstefnu Evrópusambandsins, heldur um þau markmið í sjávarútvegsmálum sem þurfi að leitast við að uppfylla með aðildarsamningi, þar á meðal forræði Íslendinga á stjórn veiða og skiptingu aflaheimilda innan íslenskrar efnahagslögsögu sem byggð sé á ráðgjöf íslenskra vísindamanna."

Allur leiðarinn

Athugasemdir

[Marteinn Unnar Heiðarsson, 7.7.2011 kl. 20:10]

Í seinni heimstyrjöldinni voru þeir Norðmenn sem vildu koma sinni eigin þjóð undir annaramanna hendur kallaðir QUISLING og á það vel við um þá sem reka þessa síðu......

[Þorsteinn Briem, 7.7.2011 kl. 20:54]

Marteinn Unnar Heiðarsson,

Í augum meirihluta íbúa Evrópusambandslandanna, sem samþykkt hafa aðild landa sinna að sambandinu og fæða þig og klæða, er beinlínis bjánalegt af þinni hálfu að halda því fram að þeir séu "föðurlandssvikarar".

[Marteinn Unnar Heiðarsson, 8.7.2011 kl. 00:02]

Ekki er ég hissa að steini briem sé fyrstur til að svara!!!! enda á launum hjá kommonistaflokki Íslands Ekki veit ég til þess að ESB fæði mig og klæði Steini en hitt veit ég og hef ferðast víða erlendis innan ESB landa að ekki er sömu sögu að segja um þessi gamli Hitlers draumur sem Þjóðverjar eru að reyna að koma í gegn ,að almenningur innan þessara ESB landa sem maður talar við þá er ekki sömu sögu að segja og þið QUISLINGAR viljið halda fram hér á landi í einkafjölmiðlum kommanna!! fólk hvartar undan lægri launum hærra matvælaverði og kjötvörur eru að verða óætar vegna eiginhagmuna peningamanna innan Brussel-veldisins sem vilja eignast allt og stjórna öllu.Best sést það hér á landi með besta vin kommana Bónus sem er haldið á lofti af bönkum og öðrum glæpastofnunum,hver borgar mest til ykkar kommana er það ekki Bónus og tengd félög og afhverju skyldi það vera!!!jú Bónus er kominn inní þessa fyrirtækja-mafíu innan ESB sem heitir Eouro-shoper og er að eignast mest öll fyrirtæki innan lands ESB,er þetta bara tilviljun Steini eða hvað?............................

[Þorsteinn Briem, 8.7.2011 kl. 01:34]

Marteinn Unnar Heiðarsson,

Ég var í mörg ár blaðamaður á Morgunblaðinu og því harla ólíklegt að ég sé kommúnisti.

Meirihlutinn af fatnaði og matvörum sem seldur er í verslunum hérlendis er erlendur.

Þar að auki eru erlend aðföng notuð í langflestar "íslenskar" vörur, þar á meðal matvörur.

Erlend aðföng í landbúnaði hérlendis eru til að mynda dráttarvélar, alls kyns aðrar búvélar, tilbúinn áburður, heyrúlluplast, illgresis- og skordýraeitur, kjarnfóður og olía.

"Íslensk" fiskiskip eru langflest smíðuð í öðrum löndum Evrópska efnhagssvæðisins og þau nota að sjálfsögðu einnig olíu.

Og áður en vélvæðing hófst í landbúnaði hérlendis notuðu "Bjartur í Sumarhúsum" og hans kollegar til að mynda innflutta ljái, lampaolíu, áfengi, kaffi, tóbak, sykur og hveiti.

Kexverksmiðjan Frón notaði eitt þúsund tonn af hveiti og sykri í framleiðslu sína árið 2000 en þú og formaður Framsóknarflokksins haldið náttúrlega að það hafi allt verið ræktað hérlendis og "Bjartur í Sumarhúsum" hafi slegið grasið með berum höndunum.

Og rekaviðurinn kom einnig erlendis frá, enda þótt ekki þyrfti að greiða fyrir hann.

Árið 2009 komu 65% af innflutningi okkar Íslendinga frá Evrópska efnahagssvæðinu og þá fóru um 84% af útflutningi okkar þangað.

Árið 2009 fóru einungis 3,9% af vöruútflutningi okkar til Bandaríkjanna, 2,3% til Kína, 1,2% til Rússlands og 0,5% til Kanada en þá komu einungis 6,9% af vöruinnflutningi okkar frá Bandaríkjunum, 5% frá Kína, 1,9% frá Kanada og 0,7% frá Rússlandi.

Utanríkisverslun okkar Íslendinga með vörur árið 2009

Um 70% af erlendum ferðamönnum hér búa á Evrópska efnahagssvæðinu en einungis um 10% í Bandaríkjunum, 2% í Kanada, 1% í Kína og enn færri í Rússlandi.

Þar að auki ferðumst við Íslendingar aðallega til Evrópska efnahagssvæðisins og Íslendingar í námi erlendis stunda langflestir nám á Evrópska efnahagssvæðinu.

[Snorri Hansson, 8.7.2011 kl. 02:44]

Þetta er þokkaleg upptalning há þér Steini Briem. Hvað kemur það að við kaupum vöru af ýmsum toga umsóknartilraun Samfylkingarinnar við.? Ef þú kaupir eitthvað á eBay ,vakna þá hjá þér einhverjar kenndir sem gera það að þú vilt sameinast landinu sem þú kaupir frá. Ef svo er finnst mér að þú ættir að panta tíma hjá Sála. Þá væri einnig holt fyrir þig að ferðast til svokallaðra PIIGS landa: Portugal,Írland,Ítalía,Grikkland og Spánn. Svona til þess að finna Evru sæluna. Og eftir þessa dvöl er tilvalið að fara til Frakklands og Þýskalands og finna kærleikann sem streymir frá íbúunum til þessara PIIGS landa. Í kaupbæti yrðir þú brúnn og sætur.

[Þorsteinn Briem, 8.7.2011 kl. 03:51]

Snorri Hansson,

Myndin hér til hliðar er tekin í Grikklandi og þar er ég "brúnn og sætur".

Bið að heilsa konunni þinni með kærum þökkum fyrir síðast, elsku kallinn minn.

Gjaldmiðilsnefnd Framsóknarflokksins 2008, sjá bls. 20-27:

"Upptaka evru felur meðal annars í sér að enginn kostnaður fylgir því að skipta úr einum gjaldmiðli í annan og þar með yrðu viðskipti við evrulöndin ódýrari en viðskipti við önnur lönd, auk þess sem verðsamanburður yrði auðveldari.

Þá minnkar gengisáhætta sem getur leitt til meiri fjármagnsflutninga landa á milli og aukinn stöðugleiki fæst í gengismál. Afleiðingar þess gætu birst í formi lægra verðlags og hærri kaupmáttar.

Þá yrði Seðlabanki Evrópu bakhjarl þess gjaldmiðils sem Íslendingar notuðu og þar með spöruðust háar fjárhæðir, sem ella færu í að halda úti nauðsynlegum gjaldeyrisforða."

"Íslenska krónan er veruleg viðskiptahindrun í því opna viðskiptaumhverfi sem íslenskt atvinnulíf vinnur nú í."

"Gengissveiflur umfram það sem okkar viðskiptalönd búa við munu alltaf reynast íslenskum útflutningi fjötur um fót."

"Hér á landi má segja að séu notaðir 3-4 gjaldmiðlar, íslensk króna, verðtryggð og gengistryggð króna, evra og Bandaríkjadalur. Þetta hefur mikil áhrif á peningamálastjórnunina."

"Upptaka Bandaríkjadals hefði mun meiri stöðugleika í för með sér en honum yrði þó betur náð með upptöku evru, þar sem innflutningur og útflutningur til evrusvæðisins er hlutfallslega mestur þegar horft er til einstakra gjaldmiðilssvæða.

Að auki hefur bandaríski seðlabankinn ekki gefið kost á að vera lánveitandi til þrautavara, sem er mikilvægt upp á fjármálastöðugleika að gera, á meðan Seðlabanki Evrópu gerir það gagnvart aðildarþjóðum Efnahags- og myntbandalags Evrópu."