Bogi um upphaf aðildarviðræðna (textaútgáfa fréttaskýringar)

Birtum hér krækju inn á ágæta fréttaskýringu Boga Ágústssonar, sem hann sendi frá sér í tilefni upphafs (formlegra) aðildarviðræðna Íslands og ESB.

http://www.ruv.is/frettaskyringar/innlendar-frettir/samningavidraedur-vid-esb-ad-hefjast

Athugasemdir

[Þorsteinn Briem, 8.7.2011 kl. 06:47]

Framkvæmdastjórn Evrópusambandsins leggur til að aflakvótar verði ákveðnir til nokkurra ára í senn, framsal þeirra verði leyfilegt og veiðarnar verði sjálfbærar eftir fjögur ár.

Tillögurnar verða afgreiddar á fundi framkvæmdastjórnarinnar á miðvikudaginn og því næst fjalla Evrópuþingið og ráðherraráð Evrópusambandsins um þær.

Endurskoðun fiskveiðistjórnunar Evrópusambandsins hefur staðið í nokkur ár og Íslendingar hafðir með í ráðum.

Aflakvótar ákveðnir til nokkurra ára í senn

[Þorsteinn Briem, 8.7.2011 kl. 07:49]

Angela Merkel Þýskalandskanslari hefur boðið Jóhönnu Sigurðardóttur forsætisráðherra til fundar við sig í næstu viku.

Þær munu eiga tvíhliða fund í Berlín á mánudag og ræða ýmis sameiginleg málefni landanna.

Þýskaland er eitt helsta viðskiptaríki Íslands í Evrópu, hefur mikil ítök í Evrópusambandinu og þar að auki verður Ísland heiðursgestur á bókamessunni í Frankfurt í haust.

Jóhanna Sigurðardóttir og Angela Merkel funda í Berlín

[Þorsteinn Briem, 8.7.2011 kl. 08:04]

Þjóðverjar eignast kauphöllina í New York:

"Fyrsta þröskuldinum fyrir eignarhaldi Þjóðverja á kauphöllinni í New York (NYSE) hefur verið rutt úr vegi.

Hluthafar í NYSE Euronext hafa samþykkt að selja meirihlutaeign í kauphöllinni til Deutsche Börse, sem hefur höfuðstöðvar í fjármálahverfi Frankfurt í Þýskalandi.

Í frétt á business.dk segir að næsta skref verði að fá samþykki eigenda Deutsche Börse fyrir kaupunum en þeir munu greiða atkvæði um málið á miðvikudaginn.

NYSE er stærsta kauphöll í heiminum og talið er að meirihlutaeignin muni kosta Deutsche Börse um 10 milljarða dollara, eða 1.160 milljarða króna."